Ciorclán 001/2026: Athbhreithniú ar Phá don Earnáil Ardoideachais le héifeacht ón 1 Feabhra 2026

Chuig: Ollscoileanna Teicneolaíochta, Institiúidí Teicneolaíochta, Ollscoil na hÉireann, Acadamh Ríoga na hÉireann, Coláiste Oideachais Mhuire gan Smál, an Coláiste Náisiúnta Ealaíne agus Deartha agus Coláiste San Aingeal

Is mian leis an Aire Breisoideachais agus Ardoideachais, Taighde, Nuálaíochta agus Eolaíochta Institiúidí Ardoideachais a chur ar an eolas faoi rátaí athbhreithnithe tuarastail agus liúntais do bhaill foirne ar leith le héifeacht ón 1 Feabhra 2026 i gcomhréir leis an “Comhaontú Seirbhíse Poiblí 2024-2026”.

1.1.

Ba chóir na coigeartuithe pá a chur i bhfeidhm, de réir mar is iomchuí, ón 1 Feabhra 2026.

1.2.

Tá scálaí tuarastail athbhreithnithe a thiocfaidh i bhfeidhm ón 1 Feabhra 2026 leagtha amach san Aguisín 1 atá i gceangal leis seo.

2.1.

Leagtar amach sa chiorclán seo méaduithe pá atá dlite an 1 Feabhra 2026 dá bhforáiltear faoi ‘Chomhaontú Seirbhíse Poiblí 2024-2026’. (Tá na rátaí seo leagtha amach sna hAguisíní atá i gceangal)

2.2.

Ba cheart na coigeartuithe a shlánú go dtí an euro is gaire ar scálaí pá bliantúla agus go dtí an cent is gaire ar na scálaí pá seachtainiúla. Ba chóir rátaí in aghaidh na huaire a shlánú go dtí an €0.01 is gaire.

2.3.

Chun amhras a sheachaint, ba cheart d’Institiúidí Ardoideachais a bheith soiléir go bhfuil feidhm ag na rátaí pá athbhreithnithe a leagtar amach anseo maidir leis an bhfoireann ábhartha uile in institiúidí ardoideachais, lena n-áirítear foireann a íoctar in aghaidh na huaire, faoi ‘Comhaontú na Seirbhíse Poiblí 2024-2026’

3.1.

I gcomhréir le roinn 3.1 den Chomhaontú athbhreithnithe, méadófar méid bliantúlaithe an bhuntuarastail 1% nó €500, cibé acu is mó, le héifeacht ón 1 Feabhra 2026.

4.1.

Ba cheart íocaíocht i leith ragoibre arna thabhairt an 1 Feabhra 2026 nó dá éis ag baill de ghráid lena mbaineann an ciorclán seo a ríomh faoi threoir na rátaí pá athbhreithnithe le héifeacht ón 1 Feabhra 2026.

5.1.

Ba cheart préimhrátaí pá is iníoctha i leith an Feabhra 2026nó ina dhiaidh sin a ríomhtar mar chéatadán sonrach nó mar chion sonraithe den bhuntuarastal a ríomh trí thagairt a dhéanamh do na rátaí pá athbhreithnithe le héifeacht ón 1 Feabhra 2026.

6.1.

Déanfar liúntais i bhfoirm pá lena mbaineann an ciorclán seo a mhéadú 1% ón 1 Feabhra 2024.

6.2.

Ba cheart lamháltais a ríomhtar mar chéatadán sonrach nó mar chuid shonraithe den bhunphá a ríomh faoi threoir na rátaí pá athbhreithnithe le héifeacht ón 1 Feabhra 2026

7.1.

Comhaontaíodh prionsabal na paireachta pá i méaduithe pinsin le haghaidh scéimeanna atá ann cheana go dtí deireadh an 30 Meitheamh 2026, i gcomhréir le Comhaontú na Seirbhíse Poiblí 2024-2026. Ba cheart méaduithe ar phinsin a chur ar aghaidh de réir an bheartais sin.

7.2.

Déantar pinsin na Scéime Pinsean Seirbhíse Poiblí Aonair (‘Scéim Aonair’) a mhéadú de réir an Innéacs Praghsanna do Thomhaltóirí (CPI), faoi réir treoracha ar leith ón Roinn Caiteachais Phoiblí agus Athchóirithe. Dá bhrí sin, ní dhéanfar pinsin Scéime Aonair in íocaíocht i leith iarsheirbhísigh phoiblí a d’fhóin i ngráid lena mbaineann an ciorclán seo a choigeartú faoi threoir na nathbhreithnithe ar an mbunphá a leagtar amach i Roinn 3.

7.3.

Is féidir tuilleadh faisnéise a theastaíonn ó údaráis phinsin a fháil i roinn 7 de Chiorclán na Roinne Caiteachais Phoiblí, Seachadta agus Athchóirithe PFN 04/2024 agus ba cheart aon cheisteanna a thagann chun cinn a dhéanamh go díreach chuig pensions@per.gov.ie

8.1.

Cinntigh go gcuirfear ábhar an Chiorcláin seo in iúl do gach ball foirne ábhartha i d’fhostaíocht, lena n-áirítear iad siúd atá ar saoire neamhláithreachta.

8.2.

Ba cheart aon cheisteanna nó fiosruithe maidir leis an gCiorclán seo a chur ar aghaidh trí ríomhphost chuig ESR_HEI@Dfheris.gov.ie nó, i gcás inarb infheidhme, a ardú le hAonaid Acmhainní Daonna áitiúla.

8.3.

Tá an ciorclán seo ar fáil freisin ag https://www.gov.ie/en/circulars/

Andrew Conlon

Príomhoifigeach

Caidreamh Foirne Seachtrach

28/01/2026