Príomhoifigeach, Aonad Taighde agus Luachála

Freagracht ag leibhéal an Phríomhoifigigh (Ceannasaí Taighde agus Luachála) maidir le feidhmeanna taighde agus luachála sa Roinn, lena n-áirítear an Staidéar Ag Fás Suas In Éirínn; seachadadh clár luachála na Roinne; cumas taighde agus anailíseach a fhorbairt ar fud na Roinne, agus úsáid fianaise a chur chun cinn ar fud na Roinne. Áirítear leis seo freagracht as ionadaíocht a dhéanamh ar son na Roinne ag an leibhéal náisiúnta agus idirnáisiúnta maidir le tionscnaimh thaighde, lena n-áirítear ionadaíocht a dhéanamh ar son na Roinne i ndáil le struchtúir chur chun cinn Tionchar 2030: Straitéis Taighde agus Nuálaíochta na hÉireann.