Fáiltíonn an tAire McGrath roimh an bhfíseán atá seolta ag An Garda Síochána chun cabhrú le Daoine Bodhra
- Foilsithe: 21 Aibreán 2020
- An t-eolas is déanaí: 11 Aibreán 2025
D’fháiltigh an tAire Míchumais, Finian McGrath, roimh fhíseán atá á sheoladh ag An Garda Síochána ina ndéantar cur síos ar an gcúnamh is féidir le An Garda Síochána a thabhairt do dhaoine bodhra agus do dhaoine a bhfuil deacrachtaí éisteachta acu i rith éigeandáil shláinte phoiblí COVID-19.
Dúirt an tAire go bhfuil
"obair mhór á déanamh ag na Gardaí, ach oiread leis an bhfoireann túslíne ar fad, chun tacú leis an bpobal i rith na tréimhse dúshlánaí seo. Tuigeann sé, áfach, go mb’fhéidir nach mbeidh daoine bodhra agus daoine a bhfuil deacrachtaí éisteachta acu ar an eolas faoin gcúnamh atá ar fáil”.
"Nuair a phlé mé na féidearthachtaí a bhain leis an bhfíseán feasachta seo a fhorbairt i dteannta le foireann bhainistíochta an Gharda Síochána, cúis áthais dom go raibh siad toilteanach tabhairt faoi. Cabhróidh an físeán seo go mór le grúpa a ndéanann an tsochaí trí chéile dearmad air de ghnáth mar gheall ar an rud ar a dtugtar an míchumas ceilte uaireanta."