Gríosaíonn an Roinn imscrúdú a dhéanamh ar aon mhíchumaí breithe a chonacthas i laonna nó uain an t-earrach seo

Tá méadú tar éis teacht ar líon na gcásanna deimhnithe den víreas Schmallenberg (SBV) ag Saotharlanna Tréidliachta Réigiúnacha na Roinne Talmhaíochta, Bia agus Mara (RVLanna), víreas míoltóg-iompartha a d’fhéadfadh a bheith ina chúis le míchumaí breithe i laonna agus uain.

Bhain cás amháin i dTiobraid Árann le lao, agus bhí dhá ráig le caoirigh i gCo. Loch Garman. Braitheadh SBV den chéad uair in Éirinn in 2012. Leathnaigh sé ar fud na hEorpa, á iompar ag míoltóga ionfhabhtaithe gaoth-iompartha. In Éirinn, cosúil le tíortha eile a raibh tionchar ag an ngalar orthu, bhí tionchar gearrthéarmach ag an ngalar, tar éis imdhíonacht a bheith ag eallach agus caoirigh (trí nochtadh agus vacsaíniú). As sin amach, tharla líon beag ráigeanna, is galar ísealtionchair é seo ar an iomlán, ach amháin ar líon beag feirmeacha ina raibh ainmhithe ionfhabhtaithe ag an gcéim toirchis a mbíonn an féatas in utero níos soghabhálaí i leith éifeachtaí an víris, ar an drochuair ba é an toradh a bhí air seo ná gur rugadh ainmhithe óga míchumtha.

Cé go meastar gur víreas ísealtionchair é Schmallenberg, tá na RVLanna ag cur béime ar an luach a bhaineann lena chinntiú go gcuirtear laonna agus uain míchumtha chucu le haghaidh tástála, chun déine agus íogaireacht na monatóireachta a mhéadú don víreas Schmallenberg agus an Víreas Gormtheanga (BTV) a bhféadfadh tionchar níos mó a bheith aige orthu. Is féidir leis an dá víreas a bheith ina gcúis le breith ainmhithe óga míchumtha. Braitheadh an galar gormtheanga sa RA agus san Eoraip le bliain anuas. Is féidir leis an ngalar gormtheanga é féin a léiriú ar raon leathan bealaí cliniciúla, agus bheadh baol ann go mbeadh tionchar suntasach aige ar leas ainmhithe chomh maith le dúshláin trádála dá mbunófaí anseo é.

Is féidir leis an dá víreas a bheith ina gcúis le raon leathan míchumaí breithe, go háirithe géaga míchumtha (artraigriopóis), cuaire an dromlaigh (scolóis), cam-mhuineál (muineál casta) giall íochtair giorraithe (brachygnathia inferior) agus blaoscanna cruinneachánacha (hydranencephaly).

Is féidir le cuid de na míchumaí breithe seo é a dhéanamh an-deacair lao nó uan a bhreith go nádúrtha agus ba cheart d’fheirmeoirí a bheith ar an airdeall maidir le riosca méadaithe na n-iarmhairtí seo le linn an tséasúir seo.

D’fhéadfadh víreas gormtheanga teacht go hÉirinn trí scaipeadh ionfhabhtaithe gaoth-iompartha, nó trí ainmhithe ionfhabhtaithe nó fóimít éillithe nó ábhar bitheolaíoch a thagann ó ainmhí (e.g. fuil, seamhan) a allmhairiú.

Moltar d’fheirmeoirí a bheith airdeallach agus iarraidh ar a dtréidlia aon mhíchuma breithe i gcaoirigh nó eallach a tharchur chuig an RVL is gaire lena fhiosrú.

Nótaí d’Eagarthóirí:

Tá an nuacht is déanaí agus an fhaisnéis faoi seo, lena n-áirítear grianghraif theicniúla, ar fáil anseo ag an suíomh gréasáin Animal Health Surveillance.

Tá tuilleadh eolais faoin víreas Gormtheanga agus an víreas Schmallenberg ar fáil ag na naisc seo. Gormtheanga / Schmallenberg

CRÍOCH