Fógraíocht Stáit

Táimid tiomanta a chinntiú go gcloíonn gach cinneadh ceannaigh fógraíochta a dhéanann an Roinn Tithíochta, Rialtais Áitiúil agus Oidhreachta le rialacha, le rialacháin agus le treoirlínte soláthair náisiúnta agus AE agus go mbíonn feachtais fógraíochta bunaithe ar chritéir oibiachtúla, neamh-idirdhealaitheacha agus trédhearcacha.

Tá na nósanna imeachta seo a leanas curtha i bhfeidhm ag an Roinn chun tacú leis sin:

• Ceaptar gach feachtas fógraíochta bunaithe ar achoimre straitéiseach ina sainaithnítear spriocanna an fheachtais, an buiséad atá ar fáil do gach feachtas agus an lucht spéise a bhfuil gach feachtas dírithe air.
• Oibrímid go dlúth le sainghníomhaireacht pleanála agus ceannaigh meán chun an meascán fógraíochta is fearr a chinneadh do gach feachtas chun ár gcuspóirí a bhaint amach, ár lucht spéise a bhaint amach agus an luach is fearr ar airgead a chinntiú.
• Socraítear príomhtháscairí feidhmíochta (KPInna) do gach feachtas bunaithe ar chuspóirí agus ar riachtanais an fheachtais agus tuairiscímid i gcoinne na dtáscairí sin chun bonn eolais a chur faoi chinntí fógraíochta amach anseo.

Is iad seo a leanas na critéir a chuirimid san áireamh agus cinntí fógraíochta á ndéanamh againn:

• Luach ar Airgead
• An buiséad agus na hacmhainní atá ar fáil
• Sonraí maidir le tomhaltas na meán agus an cumas spriocphobail a shroicheadh
• Raon geografach iomchuí
• Cloí le rialacha, le rialacháin agus le treoirlínte soláthair an Aontais agus le rialacha, rialacháin agus treoirlínte náisiúnta
• Creataí na hOifige um Sholáthair Rialtais (OGP) a úsáid, i gcás ina mbeidh siad ar fáil
• Ceanglais reachtúla maidir le fógraí poiblí
• Ceanglais reachtúla maidir le fógraíocht i nGaeilge.