Pointí Teagmhála Táirgí don Fhoirgníocht

Ceanglaítear ar gach Ballstát laistigh den Aontas Eorpach, faoi Airteagal 72 den Rialachán maidir le Táirgí Foirgníochta (AE) 2024/3110 (RTF 2024), Pointe Teagmhála Táirgí don Fhoirgníocht a ainmniú agus seirbhísí a sholáthar i gcomhréir le Rialachán (AE) 2018/1724 agus comhordú a dhéanamh leis na pointí teagmhála táirgí le haghaidh aitheantas frithpháirteach a bunaíodh de bhun Airteagal 9(1) de Rialachán (AE) 2019/515 ó Pharlaimint na hEorpa agus ón gComhairle.

Is é an leathanach gréasáin seo Pointe Teagmhála Táirgí d’Fhoirgníocht na hÉireann.

Ar iarratas ó oibritheoir eacnamaíoch nó údarás inniúil náisiúnta de chuid Ballstát eile, soláthraíonn an Pointe Teagmhála Táirgí don Fhoirgníocht faisnéis úsáideach a bhaineann le táirgí, amhail:

• cóipeanna leictreonacha de na rialacha teicniúla náisiúnta agus na nósanna imeachta riaracháin náisiúnta is infheidhme maidir le táirgí sa chríoch ina bhfuil an pointe teagmhála táirgí don fhoirgníocht bunaithe, nó rochtain ar líne orthu;
• faisnéis faoi cibé an bhfuil na táirgí sin faoi réir réamhúdarú faoin dlí náisiúnta;
• na rialacha is infheidhme maidir le táirgí a ionchorprú, a chur le chéile nó a shuiteáil.
• faisnéis faoi fhorálacha RTF 2024 a bhaineann le táirgí agus faoi ghníomhartha arna nglacadh dá réir.

D’fhéadfadh an fhaisnéis sin a bheith bainteach le táirgí foirgníochta atá cumhdaithe, agus leo siúd nach bhfuil cumhdaithe fós, ag sonraíochtaí teicniúla comhoiriúnaithe.

Tá forálacha náisiúnta na hÉireann atá dírithe ar na ceanglais bhunúsacha maidir le tógáil foirgneamh a chomhlíonadh ar fáil ag na naisc seo a leanas:

• Rialacháin Foirgníochta
• Doiciméid Treorach Teicniúla

Tá forálacha náisiúnta atá dírithe ar na ceanglais maidir le tógáil bóithre agus droichead a chomhlíonadh ar fáil ag Foilseacháin BIÉ.

Cuireann an tÚdarás um Chaighdeáin Náisiúnta na hÉireann, NSAI, treoir náisiúnta bhreise ar fáil do roinnt NEnna C.É., i bhfoirm Iarscríbhinní Náisiúnta nó Moltaí Caighdeáin, lena gcuirtear treoir ar fáil maidir leis na leibhéil íosta feidhmíochta iomchuí le haghaidh úsáidí sonracha atá beartaithe do na táirgí in Éirinn. Is féidir faisnéis faoi chaighdeáin náisiúnta, moltaí caighdeáin agus iarscríbhinní náisiúnta a fháil ó shuíomh gréasáin NSAI ag Caighdeáin Táirgí.

Le haghaidh eolas faoi RTF 2024, féach Leathanach Gréasáin an Choimisiúin Eorpaigh

Suíomh gréasáin AS um an Margadh Inmheánach, Tionsclaíocht, Fiontraíocht agus FBManna.

Chun eolas a fháil faoi sholáthar Pointe Teagmhála Táirgí don Fhoirgníocht i mBallstáit eile den Aontas Eorpach, féach ar an liosta iomlán de Phointí Teagmhála Táirgí don Fhoirgníocht

Ba chóir gach iarratas ar an bPointe Teagmhála Táirgí don Fhoirgníocht a sheoladh chuig: pcp@housing.gov.ie

I gcomhthéacs Rialachán an Aitheantas Fhrithpháirtigh (AE) 2019/515, is é NSAI an Pointe Teagmhála Táirgí d'Éirinn ar féidir teagmháil a dhéanamh leis ag pcp@nsai.ie

Cuirfidh an Pointe Teagmhála Táirgí don Fhoirgníocht faisnéis ábhartha ar fáil, saor in aisce, laistigh de 15 lá oibre ó iarratas a bheith faighte.