Scéim Réidh le Tógáil (Láithreáin Seirbhísithe le haghaidh Tithe Nua)

Faoin Scéim Réidh le Tógáil, cuirfidh údaráis áitiúla láithreáin seirbhísithe i mbailte agus i sráidbhailte ar fáil do cheannaitheoirí aonair féideartha (féin-tógálaithe). Beidh na láithreáin seo ar fáil ar lascaine ar luach margaidh an láithreáin chun maoin a thógáil lena háitiú mar phríomháit chónaithe phríobháideach an cheannaitheora.

Tá sé i gceist go bhforbróidh an t-údarás áitiúil an láithreán/na láithreáin atá ina rialú nó ina gceannach/ina suíomhanna agus go gcuirfidh siad ar fáil iad le haghaidh forbartha trí sheirbhísí agus rochtain a chur ar fáil ar an láithreán/na láithreáin atá i gceist.

Braithfidh leibhéal na lascaine don duine aonair ar an leibhéal costais seirbhísithe a thabhaíonn an t-údarás áitiúil roimh dhíol an láithreáin ach ní shárófar €30,000. Beidh méid na lascaine sin le feiceáil i bpraghas díola an láithreáin leis an gceannaitheoir.

Tá an Ciste dírithe ar úinéireacht tí. Ní mór do cheannaitheoir an láithreáin cónaí sa teaghais a tógadh ar an láithreán mar a phríomháit nó a príomháit chónaithe phríobháideach nuair a bheidh an áit chónaithe críochnaithe.

Tá tuilleadh eolais ar fáil in imlíne na scéime, san fhoirm iarratais agus sna Ceisteanna Coitianta a bhaineann léi. Le haghaidh tuilleadh eolais, téigh i dteagmháil leis an Oifigeach Tithe Folmha i d'údarás áitiúil.