An Séú Clár Gníomhaíochta Níotráite
- Foilsithe: 5 Nollaig 2025
- An t-eolas is déanaí: 6 Eanáir 2026
D’fhoilsigh an rialtas an Séú Clár Gníomhaíochta Níotráite na hÉireann a chuireann le sraith bearta a tugadh isteach sa Chúigiú Clár Gníomhaíochta Níotráite agus a thugann isteach meascán de bhearta rialála agus neamhrialála chomh maith.
Bronntar feidhm i gClár Gníomhaíochta Níotráite na hÉireann i Rialacháin na gComhphobal Eorpach (Dea-Chleachtas Talmhaíochta chun Uiscí a Chosaint), 2025. Tá bearta sonracha sna rialacháin chun uiscí dromchla agus screamhuisce a chosaint ó thruailliú cothaithigh a eascraíonn as foinsí talmhaíochta.
Forbraíodh an Séú Clár Gníomhaíochta Níotráite i ndiaidh comhairliúchán poiblí a reáchtáladh ón 28 Deireadh Fómhair go dtí an 1 Nollaig 2025. Reáchtáladh comhairliúcháin aonair ag an am céanna ar an dréacht-Ráiteas Tionchair Natura agus ar dhréacht-Mheasúnacht Straitéiseach Timpeallachta don Chlár. Fuarthas 80 aighneacht ó mheascán de pháirtithe leasmhara lena n-áirítear feirmeoirí, eagraíochtaí feirmeoireachta, an tionscal feirmeoireachta, daoine den phobal, eagraíochtaí neamhrialtasacha agus comhlachtaí stáit.
Cuirfear i bhfeidhm an Séú Clár Gníomhaíochta Níotráite na hÉireann agus na Rialacháin lena mbaineann ar 1 Eanáir 2026.
Tá an Cinneadh maidir leis an Ráiteas Tionchair Natura (NIS) don Séú Clár Gníomhaíochta um Níotráití, arna dhéanamh ag an tSeirbhís Páirceanna Náisiúnta agus Fiadhúlra, ar fáil anseo: Cinneadh maidir leis an Ráiteas Tionchair Natura (NIS) don Séú Clár Gníomhaíochta um Níotráití.
Tá leathanaigh ghréasáin a bhaineann le hUisce agus Níotráití á óstáil ag an Roinn Talmhaíochta, Bia agus Mara freisin ag na naisc seo a leanas Timpeallacht Thuaithe & Inbhuanaitheacht - Níotráití agus Cáilíocht Uisce agus Talmhaíocht
