Ó An Roinn Comhshaoil, Aeráide agus Cumarsáide
Foilsithe
Oscailte le haghaidh aighneachtaí ó
Dúnadh na haighneachtaí
An t-eolas is déanaí
Tá comhairliúchán dúnta
D’fhoilsigh Eamon Ryan TD, An tAire Comhshaoil, Aeráide agus Cumarsáide Plean Gníomhaithe ar son na hAeráide 2024 i gcomhair comhairliúcháin. Leagtar amach sa Dréachtphlean, a ullmhaíodh i gcomhréir leis na hAchtanna um Gníomhú Aeráide agus Forbairt Ísealcharbóin 2015-2021, agus arna fhaomhadh ag an Rialtas i mí na Nollag 2023, na príomhghníomhaíochtaí agus bearta le tacú le seachadadh spriocanna laghdaithe astaíochtaí agus cuspóirí aeráide foriomlána na hÉireann.
I gcomhréir le Treoir SEA an Aontais Eorpaigh (2001/42/CE) agus Rialacháin na gComhphobal Eorpach (Measúnacht Timpeallachta ar Phleananna Áirithe agus ar Chláir Áirithe) 2004 (I.R. Uimh. 435 de 2004), arna leasú, tá SEA á dhéanamh ar Phlean Gníomhaithe ar son na hAeráide 2024.
I gcomhréir le Treoir maidir le Gnáthóga an Aontais Eorpaigh (92/43/CEE) agus faoi Rialacháin an Aontais Eorpaigh (Éin agus Gnáthóga Nádúrtha) 2011 (I.R. Uimh. 477 de 2011), arna leasú, tá AA á dhéanamh ar Phlean Gníomhaithe ar son na hAeráide 2024.
Deis atá sa chomhairliúchán seo do bhaill an phobail aighneachtaí nó breithnithe a sholáthar maidir leis na gnéithe éagsúla de Phlean Gníomhaithe ar son na hAeráide is déanaí na hÉireann agus tuarascálacha comhshaoil lena mbaineann.
Tugtar cuireadh do na páirtithe leasmhara ar fad a dtuairimí a roinnt ar Phlean Gníomhaithe ar son na hAeráide 2024 mar aon le hIarscríbhinn na nGníomhartha, agus na tuarascálacha comhshaoil lena mbaineann. Tá naisc chuig na doiciméid seo le fáil thíos.
Is é Plean Gníomhaithe ar son na hAeráide 2024, a d’fhaomh an Rialtas i mí na Nollag 2023, an dara nuashonrú reachtúil leis an bPlean ó síníodh an tAcht um Ghníomhú Aeráide agus um Fhorbairt Ísealcharbóin (Leasú) 2021 ina dhlí, trína bhfuil Éire tiomanta do spriocanna 2030 agus 2050 chun astaíochtaí gás ceaptha teasa (GHG) a laghdú. Forbraíonn sé Plean Gníomhaithe ar son na hAeráide 2023 agus leagtar amach ann an chaoi a gcuirfidh Éire luas faoin ngníomh is gá chun freagairt don ghéarchéim aeráide, ag cur réitigh aeráide i gcroílár forbairt shóisialta agus eacnamaíoch na hÉireann.
Leagtar amach i bPlean Gníomhaithe ar son na hAeráide 2024 go bhfuil dul chun cinn á dhéanamh ag Éirinn thar roinnt mhaith príomhearnálacha, ach gur gá leanúint le bearta a chur i bhfeidhm ag luas agus scála níos mó chun astaíochtaí a laghdú a thuilleadh.
Lorgaítear sa chomhairliúchán poiblí tuairimí an phobail i gcoitinne agus páirtithe leasmhara maidir le Plean Gníomhaithe ar son na hAeráide 2024 agus na tuarascálacha comhshaoil lena mbaineann.
Má mian leat aighneacht nó breithniú a dhéanamh maidir le Plean Gníomhaithe ar son na hAeráide 2024, Iarscríbhinn na nGníomhartha, agus/nó an Tuarascáil Comhshaoil SEA nó Ráiteas Tionchair Natura, is féidir leat sin a dhéanamh ar an ardán comhairliúcháin ar líne anseo.
Nó sin, is féidir aighneachtaí a dhéanamh trí ríomhphost chuig ClimateActionPlan@decc.gov.ie nó tríd an bpost chuig:
Comhairliúchán Poiblí do Phlean Gníomhaithe ar son na hAeráide 2024
Rannóg an Phlean Gníomhaithe ar son na hAeráide agus na hEarnála Poiblí, 3ú hUrlár
An Roinn Comhshaoil, Aeráide agus Cumarsáide
29-31 Bóthar Adelaide, Baile Átha Cliath 2, D02 X285
Is é Dé hAoine, an 5 Aibreán 2024 an sprioc chun aighneachtaí a chur isteach.
Beidh cóipeanna crua den Phlean, den Iarscríbhinn agus de na tuarascálacha comhshaoil ar fáil le féachaint orthu le linn uaireanta oifige ag an suíomh a leanas:
An Roinn Comhshaoil, Aeráide agus Cumarsáide
29-31 Bóthar Adelaide, Baile Átha Cliath 2, D02 X285
Is féidir ceisteanna maidir leis an gcomhairliúchán a chur isteach trí ríomhphost chuig: ClimateActionPlan@decc.gov.ie
Comhairliúchán ar Phlean Gníomhaithe ar son na hAeráide 2024 - Cáipéis Achoimre
Climate Action Plan 2024 - Strategic Environmental Assessment - Environmental Report
Climate Action Plan 2024 - Appropriate Assessment - Natura Impact Statement
Táimid tiomanta do dhul i gcomhairle le páirtithe leasmhara ar bhealach soiléir, oscailte agus trédhearcach. Féadfaidh aon duine nó eagraíocht aighneacht a dhéanamh i ndáil leis an gcomhairliúchán sin. Déanfaimid breith ar na haighneachtaí agus ar an aiseolas uile sula nglacfaimid agus sula bhfoilsímid na leaganacha deiridh de Phlean Gníomhaithe ar son na hAeráide 2024, Iarscríbhinn na nGníomhartha, agus na doiciméid chomhshaoil lena mbaineann.
Tá do fhreagra ar an gcomhairliúchán seo faoi réir:
Tá sé i gceist againn ábhar na n-aighneachtaí uile ar ár gcomhairliúcháin a fhoilsiú ar ár suíomh gréasáin. Déanfaidh muid sonraí pearsanta a cheilt (a bhaint) sula bhfoilseofar iad.
Ag freagairt don chomhairliúchán seo, tabhair le fios go soiléir i gcás ina bhfuil aon fhaisnéis i do fhreagra nach mian leat a eisiúint faoi Shaoráil Faisnéise, AIE ná a fhoilsiú ar bhealach eile. Is féidir a áireamh anseo:
Ba mhaith linn d’aird a tharraingt ar ár bhFógra um Príobháideachas Sonraí ina mínítear: