Ó An Roinn Comhshaoil, Aeráide agus Cumarsáide
Foilsithe
Oscailte le haghaidh aighneachtaí ó
Dúnadh na haighneachtaí
An t-eolas is déanaí
Tá comhairliúchán dúnta
Is é an sainmhíniú a thugtar ar mhicrighiniúint ná teicneolaíochtaí micrighiniúna, cosúil le teicneolaíochtaí fótavoltacha micrighréine, micri-hidreafhuinneamh, micreafhuinneamh gaoithe agus cumhacht is teas in éineacht micri-in-athnuaite a bhfuil aschur uasta leictreach 50 kW aige, atá in ainm is freastal go príomha ar an méid fuinnimh a úsáideann an réadmhaoin féin, nuair atá sé curtha i bhfearas ann.
Níl aon scéim tacaíochta ann faoi láthair in Éirinn don réimse seo teicneolaíochtaí micrighiniúna. Tá roinnt scéimeanna deontais ar fáil a thacaíonn le teicneolaíochtaí in-athnuaite a chur i bhfeidhm, go háirithe teicneolaíochtaí Fótavoltacha Gréine, chun freastal ar an méid fuinnimh a úsáideann an réadmhaoin féin, cosúil leis na scéimeanna do theicneolaíochtaí Fótavoltacha gréine Tí agus Pobail Fuinnimh Níos Fearr atá á n-oibriú ag Údarás Fuinnimh Inmharthana na hÉireann, agus TAMS II atá á oibriú ag an Roinn Talmhaíochta, Bia agus Mara.
Tá Scéim Tacaíochta Micrighiniúna á forbairt againn a thacóidh le micrighiniúint nua a chur chun feidhme, a chuirfidh an margadh ar fáil do shaoránaigh agus pobail chun a leictreachas féin in-athnuaite a ghiniúint, ó ghrianphainéil ar a ndíonta, mar shampla, agus praghas cóir a fháil nuair a dhíolann siad an barrachas leis an eangach.
Is é cuspóir an chomhairliúcháin seo aiseolas ó pháirtithe leasmhara a bhailiú ar ghnéithe na Scéime Tacaíochta Micrighiniúna a bheartaítear a d’fhéadfadh cabhrú le heolas a thabhairt do sholáthar na scéime.
Is é 5.30pm Déardaoin, an 18 Feabhra 2021 an spriocdháta d’aighneachtaí
Cinntigh, le do thoil, go bhfuil an méid seo a leanas i d’aighneacht:
Ba cheart aighneachtaí a sheoladh ar ríomhphost chuig publicconsultation_mss@decc.gov.ie nó sa phost chuig:
Comhairliúchán na Scéime Micrighiniúna
An Rannán Beartas Comhshaoil
An Roinn Comhshaoil, Aeráide agus Cumarsáide
29-31 Bóthar Adelaide
Baile Átha Cliath
Éire
Comhairleoireacht Phoiblí ar Scéim Tacaíochta Micrighiniúna in Éirinn
Economic and policy advice to support the design and implementation of the new microgeneration support scheme in Ireland
Táimid tiomanta d’idirchaidreamh a dhéanamh le páirtithe leasmhara ar bhealach soiléir, oscailte agus trédhearcach. Is féidir le haon duine nó eagraíocht aighneacht a dhéanamh maidir leis an gcomhairliúchán seo. Déanfar breithniú ar na haighneachtaí agus an t-aiseolas go léir sula bhfoilseofar an leagan deireanach den Scéim Tacaíochta Micrighiniúna.
Trí fhreagairt don chomhairliúchán, toilíonn freagróirí go bhfoilseofar a n-ainm ar líne leis an aighneacht. Tabhair faoi deara, le do thoil: tá freagairtí don chomhairliúchán seo faoi réir fhorálacha an Achta um Shaoráil Faisnéise, 2014 agus Rialacháin na gComhphobal Eorpach (Rochtain ar Fhaisnéis maidir leis an gComhshaol), 2007-2014. Ba cheart eolas rúnda nó eolas atá íogair i dtaobh cúrsaí tráchtála de a shainaithint go soiléir i d’aighneacht.