Ó An Roinn Tithíochta, Rialtais Áitúil agus Oidhreachta
Foilsithe
Oscailte le haghaidh aighneachtaí ó
Dúnadh na haighneachtaí
An t-eolas is déanaí
Tá comhairliúchán dúnta
Tá páipéar ullmhaithe ag an Aire Tithíochta, Rialtais Áitiúil agus Oidhreachta a leagann amach an cur chuige beartais molta ar mhaithe le hathbhreithniú a dhéanamh ar na ‘Treoirlínte Forbraíochta Cónaithe Inbhuanaithe’ (2009) agus le hathsholáthar a dhéanamh orthu le Treoirlínte le Lonnaíochtaí Dlútha Inbhuanaithe le haghaidh Údaráis Phleanála. Leagann an páipéar amach go bhfuil gá anois le hathsholáthar a dhéanamh ar Threoirlínte Alt 28, ag tabhairt faoi deara go bhfuil éabhlóid tagtha ar bheartais i gcoitinne ónar glacadh iad, go háirithe, ónar glacadh an Creat Náisiúnta Pleanála (2018).
Tugtar cuireadh d'aighneachtaí scríofa nó breathnuithe maidir leis an gcur chuige beartaithe laistigh den tréimhse dá dtagraítear agus cuirfear san áireamh iad sula gcuirtear na dréacht-treoirlínte i gcrích.
Is féidir aighneacht nó barúil a chur isteach trí ríomhphost a sheoladh go dtí an seoladh seo a leanas:nrupconsultation@housing.gov.ie nó i bhfoirm scríofa go dtí:
Comhairliúchán i leith Treoirlínte le haghaidh Lonnaíochtaí Dlútha Inbhuanaithe
An Rannóg Pleanála Náisiúnta, Réigiúnach agus Uirbeach
An Roinn Tithíochta, Rialtais Áitiúil, agus Oidhreachta
Teach an Chustaim
Baile Átha Cliath 1
D01 W6X0
Níor cheart aighneachtaí a chur isteach ach trí mheán amháin. Is é an dáta deiridh le haghaidh freagraí maidir leis an gcomhairliúchán seo ná an 27 Aibreán 2023, go dtí 5 pm .
Comhairliúchán Poiblí maidir le Cur Chuige Ionadaíochta ar Threoirlínte Forbartha Cónaithe (2009) - Ráiteas Príobháideachais
Cuirtear in iúl do fhreagróirí go bhfuil an Roinn faoi réir an Achta um Shaoráil Faisnéise, 2014, Rialacháin na gComhphobal Eorpach (Rochtain ar Fhaisnéis faoin gComhshaol), agus na reachtaíochta um Chosaint Sonraí. Níor cheart eolas pearsanta, príobháideach nó eolas atá íogair ó thaobh na tráchtála de a lua le d'aighneacht.
Déanfaidh na freagraí eolas do na dréacht-treoirlínte agus iad á gcur i gcrích. Tá sé i gceist ag an Roinn Tithíochta, Rialtais Áitiúil agus Oidhreachta na treoirlínte seo a eisiúint faoi Alt 28 den Acht um Pleanáil agus Forbairt, 2000 (arna leasú). Tabhair do d'aire go bhfuil seans ann go gcuirfear na haighneachtaí a fhaightear ar fáil ar shuíomh gréasáin an Rialtais. Féach le do thoil ar Ráiteas Príobháideachais an Chomhairliúcháin faoin nasc Doiciméid le tuilleadh eolais a fháil.