Polasaí ar Nochtadh Éagóra san Ionad Oibre

Tá an Roinn Turasóireachta, Cultúir, Ealaíon, Gaeltachta, Spóirt agus Meán tiomanta do thimpeallacht chuí a chothú chun dul i ngleic le himní a bhaineann le héagóir thromchúiseach a d'fhéadfadh tarlú san ionad oibre agus don tacaíocht riachtanach a chur ar fáil do bhaill foirne, agus do dhaoine eile atá ag obair linn, a léiríonn imní maidir le cúrsaí den sórt sin.

Má tá tuairim réasúnach agat gur tharla éagóir thromchúiseach a bhaineann leis an ionad oibre, go bhfuil a leithéid ag tarlú faoi láthair nó go bhféadfadh a leithéid tarlú amach anseo, ní mór duit é seo a thuairisciú i dtosach báire do do bhainisteoir líne, agus bunús do thuairime a chur in iúl dó/di. Mura bhfuil do bhainisteoir líne ar fáil chun éisteacht le do nochtadh, nó má airíonn tú ar chúis ar bith eile nach féidir leat an t-ábhar a ardú le do bhainisteoir líne, ansin féadfaidh tú an fhaisnéis a nochtadh i scríbhinn d'oifigeach níos sinsearaí agus cóip a chur chuig an Rúnaí Cúnta - An Rannán Corparáideach.

Rialóidh an polasaí agus na nósanna imeachta atá leagtha amach sa cháipéis seo an bealach a ndéileálfar le nochtuithe.