Oibríonn Rannán an Aontais Eorpaigh lena chinntiú go bhfuil ról iomlán agus éifeachtach ag Éirinn i ngach gné den Aontas Eorpach; ár leasanna náisiúnta a chur chun cinn agus a chosaint agus rannchuidiú le dul chun cinn agus rathúnas ar fud an aontais freisin.
Laistigh den rannán, oibríonn Aonad Comhtháthaithe Beartais an AE chun comhleanúnachas ‘rialtas iomlán’ a chinntiú i mbeartais leathana an AE, ag soláthar forbhreathnú agus fócas straitéiseach i réimsí lena n-áirítear buiséad an aontais (MFF); cúrsaí limistéar an euro; an margadh inmheánach agus an trádáil; agus an Seimeastar Eorpach.
Tacaíonn Aonad Pleanála Straitéisí an AE - atá mar chuid den rannán freisin - leis an Taoiseach mar bhall den Chomhairle Eorpach, lena n-áirítear ar phróiseas Brexit Airteagal 50, agus soláthraíonn sé maoirseacht agus treoir straitéiseach ar shaincheisteanna beartais lena n-áirítear imirce, slándáil agus cosaint, agus caidreamh seachtrach . Oibríonn sé freisin chun ár rannpháirtíocht straitéiseach le comhpháirtithe AE a fhorbairt agus tacaíonn sé le hobair Choiste Comh-Aireachta C.