Foilsíodh an Measúnú Náisiúnta Riosca (NRA) den chéad uair in 2014 agus déantar foráil ann chun rioscaí ollmhóra straitéiseacha atá roimh Éire sa ghearrthéarma, sa mheántéarma san fhadtéarma a aithint, a phlé agus a bhreithniú.
Tá sé ríthábhachtach foghlaim ó na botúin sin a tharla roimhe seo agus tugadh isteach próiseas an NRA lena chinntiú go spreagfadh an Rialtas agus an tsochaí i gcoitinne cainteanna fhaire na fáistine agus go mbeidís rannpháirteach iontu lena chinntiú go ndéanaimid rioscaí a aithint luath chun go mbeimid ábalta ullmhú go diongbháilte dóibh.
Tá aird tarraingthe ag próiseas an NRA ar rioscaí éagsúla a d'iompaigh isteach ina bhfadhbanna ollmhóra do shochaí na hÉireann, lena n-áirítear an Breatimeacht, rioscaí maidir le soláthar tithíochta agus paindéim.
Cé nach bhfuil sé i gceist macasamhlú a dhéanamh ar na próisis bainistithe riosca mhionsonraithe a bhfuiltear ina mbun laistigh de ranna agus gníomhaireachtaí rialtais ná iad a chur as áit, tá sé i gceist le próiseas an NRA forléargas córasach a thabhairt ar rioscaí straitéiseacha atá in ann a bheith ina gcuid thábhachtach agus uilechuimsitheach den phróiseas foriomlán bainistithe riosca.
Is féidir cóipeanna de thuarascálacha NRA a bhaineann leis na blianta 2017 go 2019 a fheiceáil trí chliceáil ar an nasc seo. Tá an chéad atriall eile den NRA á fhorbairt i láthair na huaire ag an Roinn agus táthar ag súil go bhfoilseofar é níos deireanaí i mbliana.