Foilsiú
Achomhairc maidir le díbirt nó fionraí do thréimhse nó tréimhsí nach lú ná 20 lá scoile i scoilbhliain
Foilsithe
An t-eolas is déanaí
- 1. Conas achomharc a dhéanamh má díbríodh mo leanbh ón scoil
- 2. Conas achomharc a dhéanamh má rinneadh mo leanbh a fhionraí ó fhreastal ar scoil
- 3. Cathain a dhéanaim achomharc
- 4. Conas mar a dhéanaim achomharc
- 5. Cad é an próiseas a bhaineann le hachomharc
- 6. Cé a dhéanfaidh m’achomharc ar alt 29 a éisteacht
- 7. Ce hiad na daoine a bhfuil cead acu freastal ar éisteacht achomhairc
- 8. Cén leagan amach a bheidh ar an éisteacht achomhairc
- 9. Cad is féidir le coiste achomhairc a chur san áireamh nuair a bhíonn Achomharc á dhéanamh maidir le díbirt/fionraí
- 10. Cé na torthaí a d’fhéadfadh teacht ón achomharc
- 11. Cad a tharlaíonn mura gceadaítear m’achomharc
- 12. Conas mar is féidir liom eolas a fháil faoi bheartas agus faoi phróisis iontrála na scoile
- 13. Achomharc a tharraingt siar
- 14. Éisteachtaí ó bhéal a reáchtáiltear trí fhíschomhdháil
Le halt 29 den Acht Oideachais, 1998, foráiltear d’achomharc i gcás go ndéanfaidh bord bainistíochta, nó duine atá ag gníomhú thar ceann an bhoird bainistíochta (príomhoide na scoile de ghnáth), mac léinn a dhíbirt.
Is féidir achomharc alt 29 a dhéanamh ar líne agus is féidir an doiciméadacht tacaíochta ar fad a uaslódáil trí www.section29appeals.gov.ie/
De rogha air sin, is féidir leat foirm achomhairc alt 29 a íoslódáil agus í a sheoladh i dteannta na ndoiciméad tacaíochta ar fad tríd an bpost cláraithe chuig:
Foirm Iarratais ar Achomharc Alt 29 le haghaidh achomharc a dhéanamh in aghaidh duine a dhíbirt nó a chur ar fionraí ar feadh tréimhse 20 lá scoile nó níos mó in aon scoilbhliain
Íosluchtaigh nasc le haghaidh
Íoslódáil
féachaint ar an gcomhad
Amharc
Aonad Riaracháin na nAchomharc faoi Alt 29
Seoladh:
An Roinn Oideachais, Aonad Riaracháin na nAchomharc faoi Alt 29, Bóthar Mhuileann na mBráthar, An Muileann gCearr
, Contae na hIarmhí
, N91 H30Y
Uimhir theileafóin:
Ní mór duit cóip den chinneadh ón mbord bainistíochta ina ndeimhnítear an díbirt a chur isteach i dteannta d’fhoirme achomhairc comhlánaithe.
Le halt 29 den Acht Oideachais, 1998, foráiltear d’achomharc i gcás go ndéanfaidh bord bainistíochta, nó duine atá ag gníomhú thar ceann an bhoird bainistíochta (príomhoide na scoile de ghnáth), mac léinn a fhionraí ar feadh tréimhse nó tréimhsí nach lú san iomlán ná 20 lá i scoilbhliain.
Ní fhéadfar achomharc a dhéanamh más lú tréimhse nó tréimhsí na fionraí ná 20 lá scoile san iomlán i scoilbhliain.
Is féidir achomharc alt 29 a dhéanamh ar líne agus is féidir an doiciméadacht tacaíochta ar fad a uaslódáil trí www.section29appeals.gov.ie/
De rogha air sin, is féidir leat foirm achomhairc alt 29 a íoslódáil agus í a sheoladh i dteannta na ndoiciméad tacaíochta ar fad tríd an bpost cláraithe chuig:
Foirm Iarratais ar Achomharc Alt 29 le haghaidh achomharc a dhéanamh in aghaidh duine a dhíbirt nó a chur ar fionraí ar feadh tréimhse 20 lá scoile nó níos mó in aon scoilbhliain
Íosluchtaigh nasc le haghaidh
Íoslódáil
féachaint ar an gcomhad
Amharc
Aonad Riaracháin na nAchomharc faoi Alt 29
Seoladh:
An Roinn Oideachais, Aonad Riaracháin na nAchomharc faoi Alt 29, Bóthar Mhuileann na mBráthar, An Muileann gCearr
, Contae na hIarmhí
, N91 H30Y
Uimhir theileafóin:
Ní mór duit cóip den chinneadh ón mbord bainistíochta ina ndeimhnítear an tréimhse fionraí/na tréimhsí fionraí a chur isteach i dteannta d’fhoirme achomhairc comhlánaithe.
Más mian leat achomharc a dhéanamh, caithfear é sin a dhéanamh i scríbhinn laistigh de 42 lá féilire ó dháta chinneadh an bhoird bhainistíochta.
Caithfidh tú foirm achomhairc, atá ar fáil ar láithreán gréasáin na Roinne Oideachais ag an nasc seo a leanas, a chomhlánú.
Section 29 Appeal Application Form for an appeal against expulsion or suspension for a period of 20 or more school days in a school year
Íosluchtaigh nasc le haghaidh
Íoslódáil
féachaint ar an gcomhad
Amharc
Caithfear iad seo a leanas a chur isteach le d’fhoirm iarratais chomhlánaithe:
Cóip de chinneadh an bhoird bhainistíochta ag deimhniú díbirt/fionraí.
Déanfaidh Aonad Riaracháin Achomhairc Alt 29 aon soiléiriú nó aon eolas eile is gá a
éileamh ón iarratasóir
Nuair a bhíonn d’fhoirm iarratais agus na doiciméid ábhartha faighte, déanfaidh aonad riaracháin achomhairc alt 29 teagmháil leat le dáta don éisteacht. De ghnáth beidh sé seo laistigh de 21 lá féilire ón dáta a fhaightear an fhoirm iarratais achomhairc lánchomhlánaithe. Cuirfear fógra freisin chuig an scoil atá i gceist ag cur in iúl dóibh faoin achomharc agus dáta na héisteachta. Iarrfar ar an dá pháirtí san achomharc (an tachomharcóir agus an scoil) aon eolas breise a d’fhéadfadh a bheith ábhartha don achomharc a chur isteach, lena n-áirítear ainmneacha na ndaoine a fhreastalóidh ar an achomharc, faoi dháta a bheidh luaite, de ghnáth 12 lá roimh an éisteacht.
Déanfar aon eolas a fhaightear a roinnt le dhá pháirtí an achomhairc agus leis an gcoiste éisteachta 3 dhuine, ar a laghad 3 lá sula dtarlaíonn an éisteacht.
Ceapann an tAire Oideachais agus Scileanna baill an choiste achomhairc ach tá an coiste achomhairc neamhspleách ar an Roinn Oideachais & Scileanna.
Cuimsíonn painéal na gceapaithe daoine le taithí agus eolas ar earnáil an oideachais.
Féadfaidh na tuismitheoirí agus an scoláire, má tá an scoláire os cionn 18 mbliana d’aois, freastal ar an éisteacht. Féadfaidh beirt bhall den bhord bainistíochta freastal thar ceann na scoile, nó ball amháin den bhord bainistíochta agus príomhoide na scoile. Ina theannta sin, is féidir le beirt eile a bheith in éineacht le gach páirtí ag an éisteacht. Féadfaidh an Oifigeach Leasa Oideachais agus an Eagraí Riachtanas Oideachais Speisialta a bheith i láthair freisin. Ní féidir le haon duine a bheidh in éineacht le ceachtar páirtí san achomharc ráitis a dhéanamh ag an éisteacht mura dtugann coiste achomhairc alt 29 cead dóibh a leithéid a dhéanamh.
Mar aon leis sin, féadfaidh coiste achomhairc alt 29 cuireadh a thabhairt do dhaoine a bhfuil an saineolas ábhartha acu freastal agus ráitis a dhéanamh ag an éisteacht.
Cuirfear ainmneacha na ndaoine a bheidh i láthair ag an éisteacht in iúl do gach páirtí roimh an éisteacht.
Réamhrá
Atosóidh éisteachtaí fisiceacha “aghaidh ar aghaidh” ó bhéal ar achomhairc a dhéantar faoi alt 29[1] [a] [b] [c] [ii] den Acht Oideachais 1998 mar atá in Alt 7 den Acht Oideachais [Ligean Isteach i Scoileanna] 1998, ó mhí na Samhan 2022.
Tá na nósanna imeachta comhaontaithe foilsithe a bhaineann leis na hachomhairc seo ar fáil anseo:
Leagan Amach
Déanfar éisteachtaí a reáchtáil lena laghad foirmiúlachta ach comhréireach le héisteacht chóir a thabhairt do gach páirtí san achomharc.
Cé nach suíomh dlíthiúil í an éisteacht ó bhéal, baineann impleachtaí dlíthiúla le toradh na héisteachta agus dá bhrí sin, caithfear rialacha agus nósanna imeachta áirithe a leanúint.
- Níl sé ceadaithe an éisteacht nó cuid den éisteacht achomhairc a thaifeadadh in aon chúinsí. Más rud é gur léir nó go líomhnaítear go bhfuil taifeadadh dá leithéid sin déanta ag páirtí, déanfaidh an Cathaoirleach éisteacht na n-achomharc a fhoirceannadh.
- Ní féidir ach le páirtithe a bhfuil cead faighte acu roimh ré ón Roinn Oideachais freastal ar an éisteacht achomhairc.
- Níl sé ceadaithe do pháirtithe san achomharc sonraí an achomhairc a phlé le haon bhall den Choiste Achomhairc roimh nó tar éis na hÉisteachta ó Bhéal.
- Caithfidh gach ball de gach páirtí san Éisteacht ó Bhéal a dtoiliú ó bhéal a thabhairt go gcloífidh siad le rialacha agus nósanna imeachta na hÉisteachta ó Bhéal roimh thús na hÉisteachta ó Bhéal.
Sainmhínithe
Chun críche na faisnéise treorach beidh feidhm ag na sainmhínithe seo a leanas:
An Roinn:
Is é seo Aonad Riaracháin Alt 29 na Roinne Oideachais atá lonnaithe sa Mhuileann gCearr a chuireann tacaíocht riaracháin ar fáil do Choiste Achomharc Alt 29.
An Coiste:
Is é seo an coiste achomhairc neamhspleách de thriúr[3] atá sannta chun an t-achomharc atá curtha isteach faoi ailt 29(1)(a) agus 29(1)(b) agus 29(1)(c)(ii) den Acht a bhreithniú
An Cathaoirleach:
Is é seo Cathaoirleach an Choiste Achomharc Alt 29 agus beidh sé/sí mar óstach agus mar stiúrthóir ar Éisteacht ó Bhéal an achomhairc
ERSO / OLO
Is fostaí de chuid na Comhairle Náisiúnta um Oideachas Speisialta é an tEagraí Riachtanas Speisialta [ERSO] agus é de chúram air/uirthi measúnú a dhéanamh ar na tacaíochtaí oideachais a d’fhéadfadh a bheith ag dalta a bhfuil riachtanais speisialta oideachais aige/aici chun freastal ar scoil.
Is fostaí de chuid Tusla é an tOifigeach Leasa Oideachais [OLO] a chuireann comhairle agus treoir ar fáil do thuismitheoirí a bhfuil tacaíocht de dhíth orthu lena chinntiú go bhfreastalaíonn a linbh ar scoil go rialta.
Achomharcóir
Ciallaíonn sé seo an tuismitheoir/caomhnóir dlíthiúil nó an scoláire féin [má tá sé/sí os cionn 18 mbliana d’aois] a chuir achomharc isteach in aghaidh chinneadh Bhord Bainistíochta na scoile
Páirtí Ábhartha
Ciallaíonn sé seo aon duine nó daoine a bhfuil tionchar ag cinneadh an Bhoird Bhainistíochta is ábhar don achomharc orthu, ar nós an t-achomharcóir, údaráis na scoile an ERSO agus nó an OLO
An Próiseas
(a) Nuair a fhaightear achomharc ó achomharcóir déanfaidh an Roinn teagmháil leis na páirtithe ábhartha go léir chun iad a chur ar an eolas faoin Achomharc agus a chur in iúl dóibh go ndéanfar cinneadh ar an achomharc tar éis éisteacht fisiceach “aghaidh ar aghaidh” ó bhéal.
(b) Ar fhógra éisteachta a fháil tabharfaidh gach páirtí ábhartha freagra ar an bhfógra ríomhphoist laistigh de 5 lá oibre ina ndeimhneofar an méid seo a leanas:
- Ainmneacha róil, ríomhphoist agus sonraí teagmhála gutháin na ndaoine go léir ar mian leo freastal ar an éisteacht
- Go mbeidh gach duine a bhfuil sé beartaithe aige/aici freastal ar an eolas agus go n-aontaíonn agus go gcloífidh sé le próisis agus nósanna imeachta éisteachtaí ó bhéal na Roinne.
- Nach ndéanfaidh aon duine a bhfuil sé beartaithe aige/aici freastal an éisteacht ó bhéal a thaifeadadh.
(c) Nuair a fhaightear an deimhniú ríomhphoist ó na páirtithe ábhartha eiseoidh an Roinn ríomhphost ina mbeidh dáta, am agus suíomh na hÉisteachta ó Bhéal
(d) Cuirfear in iúl sa deimhniú ríomhphoist freisin go bhfuil údarás ag Cathaoirleach Choiste Achomhairc na hÉisteachta ó Bhéal a fhoirceannadh má tá sé/sí den tuairim nár lean aon pháirtí nósanna imeachta na hÉisteachta ó Bhéal.
Nós imeacht chun Achomharc a éisteacht ó bhéal
Réamhéisteacht
a) Deimhneoidh an Roinn iad siúd a bheidh ag freastal ar an Éisteacht ó bhéal. I ngeall ar neamhfhoirmiúlacht na hÉisteachta ó Bhéal ní bheidh gá ionadaíocht dhlíthiúil a bheith i láthair thar ceann na bpáirtithe.
b) Ba chóir do gach páirtí a chinntiú go bhfreastalaíonn siad ar láthair an achomhairc sách luath do thús na hÉisteachta ó Bhéal.
c) Tosaíonn Éisteachtaí ó Bhéal ag 11.00a.m. d’éisteacht maidine agus ag 2.00i.n. d’éisteachtaí atá le tarlú um thráthnóna.
d) Ní leanfaidh Éisteacht ó Bhéal níos faide ná 2 uair an chloig in aon seisiún amháin gan sos a ofráil do pháirtithe an achomhairc.
e) Is é an leagan amach a bheidh ar an éisteacht ná go bhféadfaidh na páirtithe uile san achomharc éisteacht lena bhfuil á rá agus go bhfeicfidh siad cé atá ag labhairt freisin. Cuirfear bord ar fáil do gach páirtí le húsáid agus beidh leagan amach na mbord ag brath ar an suíomh.
Le linn na héisteachta
f) Tosóidh an Éisteacht ó Bhéal ag 11.00a.m. mura gcuirtear a mhalairt in iúl.
Cuirfidh an Cathaoirleach tús leis an Éisteacht ó Bhéal agus is é/í a bheidh mar óstach ar an éisteacht.
g) Osclóidh Cathaoirleach an choiste achomhairc an éisteacht achomhairc trí na daoine a bheidh i láthair a chur in aithne agus cur síos a dhéanamh ar an ord inar féidir le gach páirtí san achomharc a c(h)ás a chur i láthair .
h) Beidh cead ag an dá pháirtí san achomharc a gcás a chur i láthair agus beidh ceart freagartha acu maidir leis an ábhar atá faoi achomhairc.
i) Féadfaidh baill an choiste achomhairc aon pháirtí nó an dá pháirtí san achomharc agus aon duine eile atá i láthair ag an éisteacht a cheistiú.
j) Féadfaidh an tOifigeach Leasa Oideachais agus/nó an tEagraí Riachtanas Oideachais Speisialta cur i láthair a dhéanamh ag an éisteacht freisin más ábhartha don achomharc.
k) Déanfar éisteachtaí a reáchtáil lena laghad foirmiúlachta ach comhréireach le héisteacht chóir a thabhairt do gach páirtí san achomharc.
l) Déanfaidh an Cathaoirleach dearbhú ó bhéal a éileamh agus a fháil ó na páirtithe go bhfuil gach páirtí ar an eolas nach ndéanfar an éisteacht a thaifeadadh agus gur tríd an gCathaoirleach a dhéanfar gach cumarsáid.
m) Cuirfidh an Cathaoirleach i gcuimhne do gach páirtí go bhféadfaí deireadh a chur leis an éisteacht má theipeann ar aon pháirtí cloí le nósanna imeachta na hÉisteachta.
n) Cuirfidh an Cathaoirleach tús leis an éisteacht nuair a bhíonn sé/sí sásta go bhfuil sé deimhnithe acu siúd uile atá i láthair go gcloífidh siad leis na nósanna imeachta.
o) Tabharfaidh an Cathaoirleach cead do dhuine amháin labhairt ag aon am ar leith le linn na héisteachta agus beidh forais deireadh a chur leis an éisteacht má theipeann ar pháirtí cloí leis an treoir seo.
p) Sula gcríochnaíonn an éisteacht iarrfaidh an Cathaoirleach ar gach páirtí a dheimhniú gur tugadh deis iomlán dóibh a gcás iomlán a chur i láthair mar thaca leis an achomharc atá á bhreithniú.
Tar éis na hÉisteachta
q) Nuair a bhíonn an éisteacht thart, déanfaidh an Coiste an t-eolas a mheas mar aon le haon doiciméid a bhíonn faighte ón dá pháirtí chuig an Achomharc agus tosófar ar réamhchinneadh a dhéanamh ar an achomharc.
r) Faoi réir mhionsonraí an achomhairc atá i gceist beidh am de dhíth ar an gCoiste chun an t-eolas a bhreithniú agus chun réamhchinneadh a dhéanamh. Dá bhrí sin, ní eisítear aon chinneadh maidir leis an achomharc ar lá na héisteachta.
s) Nuair a bheidh a gcinneadh déanta ag an gCoiste, cuirfidh an Coiste an cinneadh sin ar aghaidh chuig an Roinn a eiseoidh an réamhchinneadh chuig na páirtithe ábhartha ag tabhairt cuireadh dóibh a dtuairimí agus a mbreathnóireachtaí a thabhairt ar an réamhchinneadh.
t) Beidh 7 lá féilire san iomlán ag na páirtithe más mian leo aon tuairimí nó barúlacha a d’fhéadfadh a bheith acu a chur ar aghaidh tar éis don réamhchinneadh a bheith eisithe.
u) Ní féidir le ceachtar páirtí gníomhú ar an réamhchinneadh toisc nach bhfuil deireadh tagtha leis an bpróiseas achomhairc.
v) Beidh cruinniú eile ag an gCoiste Achomhairc ansin chun aon bharúlacha nó aon tuairimí a bhíonn faighte tar éis an réamhchinneadh a phlé agus a bhreithniú. Tar éis breithnithe dá leithéid sin eiseoidh an Coiste Achomhairc a mbreith chríochnaitheach [a bheidh ina cheangal dlí]. Níl aon ráthaíocht gur ionann an réamhchinneadh agus an bhreith chríochnaitheach agus arís níor cheart do cheachtar páirtí gníomhú go dtí go mbeidh an bhreith chríochnaitheach eisithe.
w) Tagann deireadh leis an bpróiseas achomhairc agus bíonn sé ina cheangal dlí ar gach páirtí nuair a eisítear Cinneadh Deiridh an Choiste Achomhairc.
Éilíonn Acht 1998 go gcaithfidh coiste achomhairc iad seo a chur san áireamh
- cineál, scála agus leanúnachas aon iompar a líomhnaítear a d'eascair as, nó a chur le, cinneadh an bhoird, agus cibé an bhfuil nó nach bhfuil iompar dá leithéid teoranta do ranganna ar leith sa scoil atá i gceist
- fiúntas aon mhínithe a thugann an scoláire maidir lena (h)iompar
- réasúnacht aon iarrachtaí a rinne an scoil le cur ar chumas an scoláire páirt a ghlacadh san oideachas agus leas a bhaint as agus má tá gach iarracht réasúnach ídithe in aon fhreagairt ón scoláire ar aon iarrachtaí a rinne an scoil le cur ar chumas an scoláire páirt a ghlacadh agus tairbhe a fháil ón oideachas
- leasanna oideachais an scoláire atá i gceist agus a inmhianaithe is atá sé a chur ar a c(h)umas páirt a ghlacadh san oideachas, agus leas a bhaint as an oideachas, lena p(h)iaraí,
- leasanna oideachasúla, agus soláthar éifeachtach oideachais do scoláirí eile na scoile agus timpeallacht seomra ranga agus scoile a chothabháil a thacaíonn leis an bhfoghlaim i measc scoláirí uile na scoile agus a dheimhníonn leanúnachas na dteagasc a sholáthraítear do scoláirí
- aon fhianaise go raibh tionchar ag iompar an scoláire ar shábháilteacht, ar shláinte agus ar leas múinteoirí, baill foirne nó scoláirí eile na scoile
- cód iompair na scoile faoi alt 29 d’Acht 2000 mar aon le haon pholasaithe scoile ábhartha eile, agus
(i) i gcás an chóid iompair, cibé an gcomhlíonann sé alt 23 den Acht 2000 agus aon treoirlínte a eisíodh faoi fho-alt (3) den alt sin (Cód Iompair a Fhorbairt:Treoirlínte i gcomhair Scoileanna - https://www.tusla.ie/uploads/content/guidelines_school_codes_gae.pdf
agus
(ii) i gcás aon bheartais ábhartha eile, a mhéid a chuirtear gach ceann acu i bhfeidhm agus atá i gcomhlíonadh le
-aon achtacháin a chuir dualgais ar scoileanna nó a mbord,
-aon treoirlínte nó beartas ábhartha de chuid an Aire
- na dualgais a fhorchuirtear ar scoileanna nó a mbord ag nó aon achtachán,
- aon treoirlínte atá eisithe ag an Gníomhaireacht Leanaí agus Teaghlaigh faoi alt 22(7) den Acht Oideachais 2000
- aon aighneachtaí a dhéanann An Chomhairle Náisiúnta um Oideachas Speisialta agus/nó an Gníomhaireacht Leanaí agus Teaghlaigh, agus
- cibé nithe eile a mheasann an coiste achomhairc a bheith ábhartha
Déanfaidh an coiste achomhairc cinneadh
(a) an t-achomharc a cheadú nó
(b) gan an t-achomharc a cheadú.
Má cheadaíonn an coiste an t-achomharc, treoróidh sé don bhord bainistíochta an scoláire a athligean isteach agus an díbirt a bhaint de thaifead an scoláire (cás díbeartha) nó an scoláire a athligean isteach agus an fionraí a bhaint de thaifead an scoláire (cás fionraí).
Cuirfear toradh an achomhairc, lena n-áirítear na cúiseanna a bhaineann le cinneadh an choiste achomhairc, in iúl do dhá pháirtí an achomhairc, a luaithe is féidir tar éis na héisteachta achomhairc. Cuirfear cóip den chinneadh chuig an Gníomhaireacht Leanaí agus Teaghlaigh freisin.
Is é Seirbhísí Tacaíochta Oideachais Tusla (TESS) an comhlacht dlí a chabhraíonn le tuismitheoirí a bhfuil deacrachtaí acu áit scoile a fháil dá leanbh. Is féidir sonraí faoi d’oifig réigiúnach áitiúil a fháil ag https://www.tusla.ie/tess/get-in-touch/
In Alt 63 den Acht Oideachais 1998, ceanglaítear ar gach bord bainistíochta Fógra Ligean Isteach a ullmhú agus a fhoilsiú gach bliain. Caithfear an fógra seo a fhoilsiú ar láithreán gréasáin na scoile ar a laghad seachtain sula dtosaíonn an scoil a próiseas iontrála bliantúil.
Tá eolas breise maidir leis an Acht um Oideachas (Ligean isteach i Scoileanna) 2018 ar fáil ar láithreán gréasáin na Roinne ag an nasc seo a leanas anseo
Is féidir leat d’achomharc a tharraingt siar am ar bith le linn an phróisis tri riomhphost a chur chuig section29@education.gov.ie
Ceapadh an treoir seo chun cuidiú le tuismitheoirí/caomhnóirí agus le húdaráis scoile ina rannpháirtíocht maidir le hachomharc atá á dhéanamh faoi alt 29[1] [a] [b] [c] [ii] den Acht Oideachais, 1998 a éistear agus feidhm á baint as an gcóras físchomhdhála ar a dtugtar webex agus ba cheart í a léamh i gcomhar leis na nósanna imeachta atá foilsithe do na catagóirí achomharc ar leith.
Bailí ó: An 17 Deireadh Fómhair 2022 go dtí go bhfógrófar a mhalairt
Sainmhínithe: Chun críocha na nósanna imeachta seo tá feidhm ag na sainmhínithe seo a leanas
An tAcht:
A chiallaíonn na fo-ailt éagsúla d’Alt 29 den Acht Oideachais, 1998, arna gcur isteach ag Alt 7 den Acht Oideachais [ligean isteach i Scoileanna], 2018.
An Roinn:
Is é seo an tAonad Riaracháin um Alt 29 de chuid na Roinne Oideachais atá lonnaithe sa Mhuileann gCearr agus a thugann tacaíocht riaracháin do Choiste Achomhairc Alt 29.
An Coiste:
Is é seo an coiste achomharc neamhspleách ar a bhfuil triúr [3] agus a leagtar de chúram air an t-achomharc a chuirtear isteach faoi ailt 29 (1) (a) agus 29 (1) (b) agus 29 (1) (c) (ii) den Acht a bhreithniú
An Cathaoirleach:
Is é seo an Cathaoirleach atá ar an gCoiste Achomhairc um Alt 29 a mbeidh Éisteacht webex an achomhairc á hóstáil agus á stiúradh aige nó aici
ERSO / OLO
Fostaí de chuid na Comhairle Náisiúnta um Oideachas Speisialta is ea an tEagraí Riachtanais Speisialta Oideachais (ERSO) a bhfuil sé de fhreagracht air nó uirthi measúnú a dhéanamh ar na tacaíochtaí oideachais a d’fhéadfadh a bheith ag scoláire a bhfuil riachtanais speisialta oideachais aige nó aici chun freastal ar scoil.
Fostaí de chuid Tusla is ea an tOifigeach Leasa Oideachais (OLO) a chuireann comhairle agus treoir ar fáil do thuismitheoirí a bhfuil tacaíocht de dhíth orthu lena chinntiú go bhfreastalaíonn a leanbh ar scoil go rialta.
Achomharcóir
Ciallaíonn sé sin an tuismitheoir/ caomhnóir dlíthiúil nó an scoláire féin (má tá sé nó sí os cionn 18 mbliana d’aois) a chuir isteach an t-achomharc in aghaidh an chinnidh a rinne Bord Bainistíochta scoile.
Páirtí ábhartha
Ciallaíonn sé sin duine nó daoine ar bith a bhfuil éifeacht ag cinneadh an Bhoird Bainistíochta orthu, an duine is ábhar don achomharc amhail an t-achomharcóir, údaráis na scoile, an ESRO agus/nó an OLO
Webex
An t-ainm atá ar an gcóras físchomhdhála atá in úsáid ag an Roinn Oideachais.
Réamhrá
Tá éisteachtaí achomharc fisiceacha ó bhéal “aghaidh ar aghaidh” a dhéantar faoi alt 29[1] [a] [b] [c] [ii] den Acht atosaithe ó scoilbhliain 2022/2023.
I gcás nach mian le hachomharcóir páirt a ghlacadh in éisteacht fhisiceach dá (h)achomharc nó freastal uirthi, tá sé de rogha ag achomharcóir go ndéanfaí a (h)achomharc a bhreithniú agus úsáid á baint as físchomhdháil
Socróidh [Webex] agus an Roinn go ndéanfar an t-achomharc a éisteacht ar webex.
Níor tháinig aon athrú ar na nósanna imeachta seo do na hachomhairc agus is féidir féachaint orthu anseo:
Go Ginearálta
1. Déantar an éisteacht le Webex a reáchtáil lena laghad foirmiúlachta agus is féidir lena chinntiú go mbeidh deis chóir agus chothrom ag na páirtithe go léir san achomharc éisteacht chóir a fháil.
2. Ní suíomh dlíthiúil atá san éisteacht ach baineann impleachtaí dlíthiúla le toradh na héisteachta agus ar an gcúis sin, ní mór go leanfadh na páirtithe rialacha agus nósanna imeachta áirithe.
- Ní ceadmhach an éisteacht achomhairc a thaifeadadh nó a thaifeadadh go páirteach i gcúinsí ar bith. I gcás go bhfaightear amach nó go líomhnaítear go ndearna páirtí taifeadadh den chineál sin, déanfaidh an Cathaoirleach an éisteacht achomhairc a fhoirceannadh.
- Ní fhéadfaidh ach páirtithe a fuair réamhchead ón Roinn freastal ar an éisteacht achomharc.
- Ní fhéadfaidh na páirtithe teagmháil a dhéanamh le comhalta ar bith den Choiste Achomhairc ná iarracht a dhéanamh teagmháil a dhéanamh leo roimh an Éisteacht ó Bhéal ná ina diaidh.
- Ní fhéadfaidh na páirtithe sonraí rochtana na héisteachta a roinnt le duine ar bith nach bhfuil údaraithe ag an Roinn
- Ní mór do gach comhalta de gach páirtí san Éisteacht ó Bhéal toiliú go gcloífidh sé/sí leis na rialacha agus leis na nósanna imeachta a bhaineann le héisteacht ó Bhéal sula gcuirfear tús leis an éisteacht ó Bhéal
3. Cuirfear tús leis na héisteachtaí webex ag 11.00 am d’éisteacht ar maidin agus ag 2.00pm d’éisteacht atá sceidealaithe don iarnóin.
4. Féadfaidh Bord Bainistíochta na Scoile úsáid a bhaint as áiseanna TF na scoile chun rochtain a fháil ar an éisteacht agus dá bhrí sin ní ceadmhach do scoil diúltú freastal ar éisteacht le Webex
5. Ní mhairfidh éisteacht níos mó ná dhá uair an chloig gan briseadh faoisimh a thairiscint do na páirtithe. Féadfaidh an Cathaoirleach briseadh faoisimh a cheadú ag am ar bith le linn na héisteachta faoi rogha an Chathaoirligh. Ní gá dícheangal ón webex le linn briseadh faoisimh.
An Próiseas
(a) Eiseoidh an Roinn ríomhphost chuig na páirtithe go léir san achomharc ina dtabharfar le fios go ndéanfar éisteacht an achomhairc a éisteacht agus úsáid á baint as webex agus an lá agus an t-am atá beartaithe do reáchtáil na héisteachta á liostú ann.
(b) Beidh cúig lá oibre ag na páirtithe san achomharc chun freagra a thabhairt ar an ríomhphost agus an t-eolas seo a leanas a chur in iúl don Roinn:
- Infhaighteacht na bpáirtithe don lá agus don am atá beartaithe don éisteacht
- Ainmneacha agus sonraí teagmhála na ndaoine ar mian leo freastal ar éisteacht webex an achomhairc.
- Go bhfuil siad siúd a bheidh ag freastal ar an éisteacht webex eolach ar na nósanna imeachta agus ar an mbealach a ndéanfar an t-achomharc a reáchtáil agus go bhfuil siad toilteanach cloí le rialacha agus le nósanna imeachta na héisteachta
-
(c) Nuair a gheobhaidh an Roinn an deimhniú cuirfidh sí na socruithe don éisteacht webex i gcrích agus eiseoidh sí sonraí faoin mbealach ar féidir rochtain a fháil ar an éisteacht webex chuig na páirtithe
(d) Sa ríomhphost sin, cuirfear in iúl freisin do na páirtithe go léir go bhfuil Cathaoirleach an Choiste Achomhairc údaraithe chun an éisteacht webex a fhoirceannadh má tá sé nó sí den tuairim nár lean páirtí ar bith nósanna imeachta na héisteachta ó bhéal
Treoir d’éisteachtaí Achomhairc le Webex
Roimh an éisteacht
Ba cheart do na páirtithe go léir san éisteacht logáil isteach ar an éisteacht ag úsáid na sonraí um logáil isteach a sholáthair an Roinn dóibh deich [10] nóiméad roimh thús sceidealaithe
na héisteachta lena sheiceáil go bhfuil a nascacht féin leordhóthanach chun páirt a ghlacadh san éisteacht.
I gcás go bhfuil deacracht ag páirtí rochtain a fháil ar an éisteacht ba cheart dó nó di glaoch fóin a chur ar an Roinn nó ríomhphost a chur chuici chun an cás a chur in iúl don Roinn.
Is é an seoladh ríomhphoist ná: section29@education.gov.ie
Is í uimhir fóin na Roinne ná: 01 8650 0588
Le linn na héisteachta
2.0 Cuirfear tús leis an Éisteacht ag 11.00 am nó ag 2pm
2.1 Osclóidh an Cathaoirleach an Éisteacht agus déanfaidh sé nó sí an éisteacht a óstáil
2.2 Iarrfaidh an Cathaoirleach ar na páirtithe go léir atá i láthair a dheimhniú go bhfuil a fhios acu nach ceadmhach an éisteacht a thaifeadadh agus go ndéanfar gach cumarsáid ag an
éisteacht tríd an gCathaoir
2.3 Deimhneoidh an Cathaoirleach sonraí teagmhála na bpáirtithe i gcás go gcaillfear nascacht
2.5 Cuirfidh an Cathaoirleach tús leis an éisteacht nuair atá sé nó sí sásta go bhfuil an lucht freastail réidh le tosú
2.6 Féadfaidh daoine a bheidh ag freastal ar an éisteacht fágáil le linn na héisteachta más mian leo ach má tá siad ag iarraidh filleadh ar an éisteacht ní mór dóibh é sin a chur in iúl don Chathaoirleach
2.7 Ní thabharfaidh an Cathaoirleach cead ach do dhuine amháin labhairt ag aon am faoi leith le linn na héisteachta
2.8 Sula gcuirfear deireadh leis an éisteacht fiafróidh an Cathaoirleach de na páirtithe go léir an raibh dóthain ama acu chun a gcás iomlán a chur i láthair i dtaca leis an achomharc atá á bhreithniú.
2.9 Nuair a bheidh an éisteacht críochnaithe, fágfaidh na páirtithe go léir san éisteacht an éisteacht trí dhínascadh ón éisteacht.
Prótacal maidir le nascacht a chailleadh
I gcás go gcailltear nascacht le linn na héisteachtaí déanfar na bearta seo a leanas.
1. Cuirfidh an cathaoirleach an éisteacht ar sos lena fháil amach cé a chaill an nascacht agus cathain a cailleadh an nascacht.
2. I gcás go gcailleann an t-achomharcóir nó ionadaí ón scoil an nascacht
Nuair a fhaightear é sin amach, rachaidh an Cathaoirleach i dteagmháil ar an bhfón nó ar ríomhphost leis an duine atá i gceist chun a fháil amach cathain a cailleadh an nascacht agus ag brath ar an gcás a thagann chun solais, d’fhéadfadh sé go mbeadh air nó uirthi mír den achomharc a athdhéanamh.
3. I gcás go mbeidh an Coiste Achomhairc den tuairim, mar thoradh ar an gcailleadh nascachta thar ceann páirtí ábhartha san achomharc, nach féidir leanúint go rathúil leis an achomharc gan dochar do cheann de na páirtithe, tá cead ag an gCathaoirleach an éisteacht a chur ar athlá go dtí lá eile ina dhiadh sin nó an éisteacht a athsceidealú do lá is faide anonn.
I nDiaidh na hÉisteachta
1.0 Tógfaidh an Coiste an t-eolas go léir a fuarthas agus a cuireadh i láthair agus breithneoidh sé an t-achomharc i gcomhréir le téarmaí an Achta.
2.1 Ní eiseoidh an Coiste Achomhairc cinneadh ar bith chuig ceann ar bith de na páirtithe ar lá na héisteachta
2.2 Ní fhéadfar eolas breise ar bith a chur i láthair an Choiste Achomhairc ná a chur chuig an Roinn nuair a bheidh an éisteacht críochnaithe agus sula ndéanfaidh an Roinn cinneadh tosaigh an choiste achomhairc a eisiúint
2.3 Cuirfidh an Roinn cinneadh tosaigh an Choiste Achomhairc ar ríomhphost chuig na páirtithe a luaithe a bheidh a gcinneadh déanta ag an gCoiste Achomhairc.
Tabhair faoi deara le do thoil, go bhfuil Mír 11 de na nósanna imeachta i gcomhair Achomharc in aghaidh díbeartha nó fionraíochta ar feadh tréimhse nó tréimhsí nach lú ná 20 lá scoile ina iomláine sa scoilbhliain, i bhfeidhm faoi láthair.
Achomhairc in aghaidh díbeartha nó fionraí ar feadh tréimhse nó tréimhsí nach lú ná 20 lá scoile san iomlán in aon scoilbhliain ar leith
Íosluchtaigh nasc le haghaidh
Íoslódáil
féachaint ar an gcomhad
Amharc
Foirm Iarratais Achomharc Alt 29 maidir le hachomharc i gcoinne díbeartha nó fionraí ar feadh tréimhse 20 lá scoile nó níos mó i scoilbhliain
Íosluchtaigh nasc le haghaidh
Íoslódáil