Foilsiú
An Coiste Comhairleach Náisiúnta um Scagadh: Moltaí
Foilsithe
An t-eolas is déanaí
Úsáideann an NSAC fianaise idirnáisiúnta chun machnamh a dhéanamh ar chóir cláir náisiúnta scagthástála nua nó modhnuithe ar chláir atá ann cheana a mholadh.
Is féidir Critéir an NSAC chun inmharthanacht, éifeachtúlacht agus oiriúnacht clár scagthástála a mheas chun athbhreithniú a dhéanamh ar fhianaise a bhaineann le cláir scagthástála a thabhairt isteach nó a mhodhnú.
Tá na moltaí seo a leanas déanta ag an NSAC agus faofa ag an Aire Sláinte:
1. Easnamh Dí-aimíonáise Adanóisín - Comheaspa Imdhíonachta Throm (ADA-SCID) a chur ar liosta na bhfadhbanna sláinte atá le scagthástáil mar chuid den Chlár Náisiúnta Scagthástála Fuilspota do Naíonáin Nuabheirthe (NNBSP):
- ag a chruinniú an 17 Iúil 2020, cheadaigh an NSAC iarratas Ghrúpa Rialachais an Chláir Náisiúnta Scagthástála Fuilspota do Naíonáin Nuabheirthe chun ADA-SCID a chur le liosta na 8 fadhb sláinte atá á scagthástáil sa chlár atá ann faoi láthair
- is éard is Comheaspa Imdhíonachta Throm (SCID) ann ná grúpa neamhord ó oidhreacht de chóras imdhíonachta an duine agus, mura ndéantar cóireáil air, bíonn sé marfach le linn na naíonachta
- le scagthástáil a thabhairt isteach le haghaidh ADA-SCID, aithneofar leanaí a bhfuil na fadhbanna sláinte seo acu níos luaithe, cuirfear tús lena gcóireáil níos luaithe agus go beidh feabhas ar thorthaí
- tá FSS ag dul chun cinn leis an moladh seo faoi láthair agus tá sé san áireamh mar chuid de Phlean Seirbhíse Náisiúnta FSS 2021
Léigh tuilleadh faisnéise (cinneadh/moladh) anseo.
2. Modhnú ar an gClár Náisiúnta Scagthástála Reitiní do Dhiaibéitigh, chun an t-eatramh idir thástálacha a leathnú ó bhliain go dhá bhliain do dhaoine le diaibéiteas atá i mbaol íseal reitineapaite:
- ag a chruinniú an 15 Deireadh Fómhair 2020, cheadaigh an NSAC modhnú an Chláir Náisiúnta Scagthástála Reitiní do Dhiaibéitigh. Athróidh sé seo anois ó uair amháin sa bhliain go coinne dhá uair sa bhliain do dhaoine a mheastar a bheith incháilithe
- laghdóidh an cosán nua líon na gcoinní scagthástála agus laghdóidh sé cuairteanna agus scrúduithe clinic gan ghá dóibh siúd atá i mbaol níos lú do reitineapaite diaibéitis
- d’fhógair FSS an modhnú ar an gClár Náisiúnta Scagthástála Reitiní do Dhiaibéitigh an 16 Feabhra 2021
- bhí an cinneadh maidir le modhnú an Chláir Náisiúnta Scagthástála Reitiní do Dhiaibéitigh bunaithe ar an doiciméad seo a leanas a chuir HIQA ar fáil chun tacú le hobair an NSAC: Prótacal Tuarascála Scóipe HIQA - Scagthástáil Eatramh Sínte ag an gClár Náisiúnta Scagthástála Reitiní do Dhiaibéitigh in Éirinn
Léigh tuilleadh faisnéise (cinneadh/moladh) anseo.
3 Modhnú ar an gClár Náisiúnta Scagthástála Putóige , chun glacadh le treoirlínte faireachais iar-pholaipectomy agus athghearrtha ailse iar-cholaireic Chumann Gaistreintreolaíochta na Breataine/Cumann Coloproctology na Breataine Móire agus na hÉireann/Sláinte Phoiblí Shasana chun a chinntiú go bhfuil BowelScreen ailínithe le cleachtas cliniciúil reatha ar fud an seirbhís shiomptómach i FSS.
- Fuair an Coiste an togra seo maidir le clár ScagthástálaPutóige ó chlár na Seirbhíse Náisiúnta Scagtha, mar fhreagra ar an gcéad Ghlao Bliantúil ar thograí, a bhí ar siúl i rith mhí na Samhna agus mhí na Nollag 2021. Tháinig an togra faoi bhráid an Choiste Chomhairligh Náisiúnta um Scagadh (CCNS) mar cuimsíonn an Clár ScagthástálaPutóige faireachas mar chuid den chosán iomlán.
- Ag an gcruinniú a bhí aige an 17 Feabhra 2022, rinne an CCNS an modhnú a bheartaítear ar an gClár ScagthástálaPutóige a mheas agus a fhormheas.
- Tabharfaidh an t-athrú seo cothrom le dáta na conairí faireachais atá ann faoi láthair do dhaoine a théann, tar éis a dtástáil scagthástála tosaigh, ar aghaidh go dtí ionscópacht ar an drólann agus baint de pholaipí réamhailseacha, agus beidh an éifeacht oibríochta aige minicíocht an fhaireachais iar-pholaipectomy a athrú do roinnt othar.
- Cheadaigh an tAire an moladh i mí an Mhárta 2022 agus beidh sé á chur i bhfeidhm anois ag FSS.
4 Mhol an Coiste Comhairleach Náisiúnta Scagthástála go gcuirfí riochtaí Comheaspa Imdhíonachta Trom (SCID) leis an gClár Náisiúnta Scagthástála Spota Fola Nuabheirthe (NBS).
- Ag a chruinniú ar an 08 Nollaig 2022 chinn an Coiste a mholadh don Aire Sláinte gur cheart scagthástáil don ghrúpa riochtaí ar a dtugtar Comheaspa Imdhíonachta Trom (SCID) a chur leis an gClár Náisiúnta Scagthástála Spota Fola Nuabheirthe ar bhonn na fianaise a cuireadh ar fáil sa Mheasúnú ar Theicneolaíocht na Sláinte (HTA) a rinne HIQA.
- Is grúpa de riochtaí ó bhroinn neamhchoitianta ach trom é SCID atá beagnach go haonfhoirmeach marfach sa chéad bhliain den saol gan chóireáil chuí.
- Má thugtar isteach scagthástáil do Chomheaspa Imdhíonachta Trom (SCID) aithneofar an riocht níos luaithe, rud a chumasóidh coireáil luath agus torthaí feabhsaithe do na leanaí atá buailte.
- Cuirfidh an FSS tús le hobair anois le hullmhú don phleanáil do chur i bhfeidhm an ghrúpa riochtaí SCID sa Chlár NBS.
- D’fhaomhaigh an tAire Sláinte an moladh i mí Eanáir 2023 agus beidh sé á chur i bhfeidhm anois ag FSS.
5. Mhol an Coiste Comhairleach Náisiúnta um Scagadh (NSAC) go gcuirfí Seargadh Matánach Dromlaigh (SMA) leis an gClár Náisiúnta Scagthástála Fuilspota Naíonna (NBS).
- Ag cruinniú den NSAC an 20 Deireadh Fómhair 2023, chinn an Coiste a mholadh don Aire Sláinte go gcuirfí SMA leis an gClár Náisiúnta NBS bunaithe ar an bhfianaise atá leagtha amach sa Mheasúnú Teicneolaíochta Sláinte cuimsitheach (HTA) a chuir HIQA i gcrích.
- D’fhaomh an tAire Sláinte, Stephen Donnelly moladh an Choiste i ndáil le SMA go foirmiúil an 26 Samhain 2023.
- Is neamhord annamh ach néaramhatánach géiniteach tromchúiseach é SMA, ar féidir leis tionchar an-suntasach a bheith ar leanaí, lena n-áirítear básmhaireacht naíonán agus míchumais thromchúiseacha bhuana ar nós deacrachtaí siúil agus análaithe.
- Ceadóidh tabhairt isteach scagthástála le haghaidh SMA sainaithint agus diagnóis níos luaithe, rud a éascóidh bainistiú agus cóireáil galair níos luaithe.
- D'iarr an tAire Donnelly an FSS tús a chur le pleanáil forfheidhmithe chun ullmhúchán a dhéanamh do chur leis Seargadh Matánach Dromlaigh (SMA) leis an gClár Náisiúnta Scagthástála Fuilspota Naíonna.
