Foilsiú
Tacaíochtaí oibre a fháil má tá tú faoi mhíchumas
Foilsithe
An t-eolas is déanaí
Foilsithe
An t-eolas is déanaí
Má tá tú faoi mhíchumas agus más mian leat tosú ag obair, filleadh ar an obair nó leanúint ar aghaidh ag obair, tá raon tacaíochtaí ar fáil duit. Tá tacaíochtaí ar fáil d'fhostóirí freisin chun d'ionad oibre a dhéanamh níos oiriúnaí más gá
Is pointe teagmhála aonair é Intreo (Seirbhísí Fostaíochta Poiblí na hÉireann) do gach seirbhís fostaíochta.
Is féidir le d'Ionad Intreo Áitiúil tacaíocht agus comhairle a thabhairt duit maidir le:
Soláthraíonn Intreo an méid seo a leanas freisin:
Cuireann cuideachtaí atá ag obair thar ceann Intreo Seirbhísí EmployAbility ar fáil. Cuireann siad sainseirbhís fostaíochta ar fáil do dhaoine faoi mhíchumas. Is féidir le do Chásoifigeach Intreo (nó idirghabhálaí LES) tú a atreorú chuig an tseirbhís má aontaíonn an bheirt agaibh go mbainfeá tairbhe as na tacaíochtaí a chuireann na cuideachtaí seo ar fáil - lena n-áirítear tacaíocht cóitseála poist agus tacaíocht ionfhostaíochta. Cuireann Seirbhísí EmployAbility seirbhís earcaíochta agus meaitseála poist ar fáil d'fhostóirí freisin.
Déan teagmháil le d'ionad Intreo áitiúil le haghaidh tuilleadh sonraí.
Maoiníonn an Roinn Coimirce Sóisialaí an Cumann um Rochtain Ardoideachais agus Míchumas (AHEAD) chun an clár Willing Able Mentoring (WAM) agus an clár Get Ahead a sheachadadh do mhic léinn tríú leibhéal agus do chéimithe faoi mhíchumas.
Is clár socrúcháin oibre é WAM a chuidíonn le céimithe faoi mhíchumas fostaíocht a fháil. Faigh tuilleadh eolais faoi WAM anseo.
I mí Lúnasa 2021, d’fhógair an tAire Coimirce Sóisialaí cistiú €7.2 milliún faoi Phlean Gníomhaíochta na gCuntas Díomhaoin 2021 chun tacú le tionscnaimh faoi bheart “Tacú le Torthaí Fostaíochta, Oideachais agus Oiliúna do Dhaoine faoi Mhíchumas”. Tá an próiseas á bhainistiú ag Pobal thar ceann na Roinne.
Tá dhá phríomhchuspóir ag an mbeart seo:
Lorgaíodh iarratais ar mhaoiniú ó eagraíochtaí ábhartha pobail agus deonacha ar fud na tíre. Roghnaíodh 45 tionscadal áitiúil, réigiúnach agus náisiúnta le haghaidh cistithe agus is í an tréimhse seachadta do na hiarratasóirí rathúla ná an 1 Meán Fómhair 2021 go dtí an an 31 Nollaig 2022.
Téigh chuig ár láithreán gréasáin chun eolas a fháil ar thacaíochtaí oiliúna agus oideachais.
Má tá tú faoi mhíchumas agus má tá post nua á thosú agat, d'fhéadfá a bheith in ann cuid de na sochair atá agat cheana a choinneáil.
Má tá Liúntas Míchumais nó Pinsean na nDall, á fháil agat is féidir leat d'íocaíocht iomlán a choinneáil agus suas le €140 in aghaidh na seachtaine á thuilleamh agat ó fhostaíocht nó ó fhéinfhostaíocht.
Má thuilleann tú os cionn €140 sa tseachtain ón obair, ní chuirtear leath de do thuilleamh idir €140 agus €375 san áireamh sa tástáil acmhainne don Liúntas Míchumais nó do Phinsean na nDall.
Déantar aon tuilleamh ó obair os cionn €375 in aghaidh na seachtaine a mheasúnú mar ioncam ar bhonn euro (€ 1) in aghaidh an euro (€1), is é sin déanfar do Liúntas Míchumais nó Pinsean na nDall a laghdú de €1 in aghaidh gach €1 a thuilltear ó fhostaíocht os cionn €375 in aghaidh na seachtaine.
Má tá Liúntas Míchumais nó Pinsean na nDall á fháil agat, is iad seo na scéimeanna eile a d'fhéadfadh a bheith ar fáil duit:
Má tá Pinsean Easláine á fháil agat nó má bhí Sochar Breoiteachta á fháil agat ar feadh sé mhí nó níos mó, agus más mian leat dul i mbun oibre, is féidir leat iarratas a dhéanamh ar Shochar Cumais Pháirtigh. Ciallaíonn an scéim seo go bhféadfá leanúint le hioncam breise a fháil agus tú ag obair.
Tabhair ar aird, le do thoil, nach féidir leat dul i mbun oibre go dtí go mbeidh cead i scríbhinn faighte agat ón Roinn chun é sin a dhéanamh, tar éis d'iarratas ar Shochar Cumais Pháirtigh a bhreithniú.
Tá an ráta íocaíochta a gheobhaidh tú, chomh maith le do thuilleamh féin, bunaithe ar d'Íocaíocht Pinsean Easláine nó íocaíocht Sochar Breoiteachta reatha agus ar mheasúnú leighis. Níl aon riosca ann do do shochair agus tú ag tabhairt faoin measúnú seo. Tá an scéim deonach agus tá sí deartha chun borradh ioncaim a thabhairt duit agus tú i mbun oibre.
Faoin scéim seo, is féidir leat dul ar ais chuig do bhuníocaíocht más gá duit, ar an gcoinníoll go leanann tú le do bhunchoinníollacha éilimh a shásamh.
Chun tuilleadh eolais a fháil, déan teagmháil leis an bhfoireann Sochair Cumais Pháirtigh.
Má tá tú ag filleadh ar obair lánaimseartha nó pháirtaimseartha, d'fhéadfá a bheith in ann do chárta leighis a choinneáil. Téigh chuig láithreán gréasáin FSS le haghaidh tuilleadh sonraí.
Is féidir leat an Meastóir Sochar Oibre a úsáid má tá íocaíochtaí míchumais nó breoiteachta á bhfáil agat. Léiríonn sé seo conas a d'fhéadfadh ioncam ó fhostaíocht tionchar a bheith aige ar d'íocaíocht leasa shóisialaigh.
Soláthraíonn an Ciste um Freastal Réasúnta tacaíocht airgeadais do dhaoine faoi mhíchumas agus dá bhfostóirí lena n-áirítear:
Chun an cistiú seo a fháil ní mór duit a bheith fostaithe nó ag tosú poist san earnáil phríobháideach.
Tá deontas suas le €1,000 ar fáil tríd an Deontas Tacaíochta Oiliúna nuair a aithníonn oifigeach tiomnaithe bearna scileanna a chuireann cosc ort post a fháil. Cuireann an deontas seo cistiú ar fáil le haghaidh:
Cuireann an Scéim Tacaíochta um Fheasacht Míchumas cistiú ar fáil d'fhostóirí na hearnála príobháidí chun oiliúint um fheasacht míchumas a thabhairt do bhaill foirne a oibríonn le comhghleacaí atá faoi mhíchumas.
Cuireann an Scéim Fóirdheontais Pá dreasachtaí airgeadais ar fáil d'fhostóirí san earnáil phríobháideach chun daoine faoi mhíchumas a fhostú. Caithfidh an obair a thairgtear a bheith ar feadh idir 21 agus 39 uair an chloig in aghaidh na seachtaine.
Is féidir leat tuilleadh faisnéise a fháil trí theagmháil a dhéanamh le d'Ionad Intreo áitiúil nó leis an Oifigeach Cáis Ainmnithe do Dhaoine faoi Mhíchumas i do cheantar.