Foilsiú
Tuilleadh Eolais ar an Suirbhé ar Shástacht Custaiméirí na Seirbhísí Leasa Pobail
Foilsithe
An t-eolas is déanaí
Sheol mé an litir seo chugat chun a chur in iúl duit go bhfuil suirbhé ar Shástacht Custaiméirí ar siúl go luath, agus go bhféadfaí teagmháil a dhéanamh leat agus go n-iarrfaí ort páirt a ghlacadh ann. D’iarramar ar chuideachta suirbhéireachta, Behaviour & Attitudes, eolas a fháil ar do thaithí leis an tSeirbhís Leasa Pobail. Tá seans go gcuirfidh Behaviour & Attitudes glaoch ort chun cúpla ceist a chur ort.
Ní gá duit páirt a ghlacadh sa suirbhé seo. Mura dteastaíonn uait go ndéanfaí teagmháil leat faoin suirbhé, déan teagmháil linn le do thoil ag CustomerSatisfactionSurvey@welfare.ie agus bainfimid den tacar sonraí thú.
Chuir an Roinn d’ainm agus d’uimhir theileafóin ar fáil do Behaviour & Attitudes chun críche an tsuirbhé seo amháin. Tá roinnt eolais tugtha don cuideachta freisin ar an gcatagóir ina bhfuil tú, mar seo a leanas:
- gnéas
- má tá tú faoi 30, idir 30 agus 45, nó os cionn 45
- an réigiún in Éirinn a bhfuil tú i do chónaí ann (Iarthar, Meán-Iarthar, Oirdheisceart, Iardheisceart, Baile Átha Cliath, Lár-Oirthir, Lár na Tíre, nó Teorainn, de réir Ainmníocht na nAonad Críche maidir le caighdeán Staidrimh geochóid)
- má tá Íocaíocht Riachtanas Breise faighte agat, catagóir na híocaíochta seo agus do chatagóir foinse ioncaim
Ní fhaigheann siad aon eolas eile.
Roghnaíodh thú go randamach chun páirt a ghlacadh sa suirbhé. Leis na sonraí thuas amháin, chuir an Roinn tacar sonraí le chéile le haghaidh Behaviour & Attitudes. Tá Behaviour & Attitudes i dteagmháil le sampla de dhaoine a fuair Íocaíocht Riachtanas Breise nó Liúntas Leasa Forlíontach Bunúsach ag tráth éigin suas go dtí deireadh mhí an Mhárta 2023.
Cuirfidh Behaviour & Attitudes glaoch ort agus cuirfidh siad ceisteanna ort ón suirbhé. Ní bhaileoidh siad ach freagra amháin in aghaidh an duine.
Nuair a bheidh an suirbhé déanta, scriosfaidh Behaviour & Attitudes sonraí na fhreagróirí go léir a cuireadh ar fáil dóibh as a dtaifid. Ní luaifear aon ainmneacha sna torthaí; ní bheidh siad nasctha leat. Déanfaidh Behaviour & Attitudes miondealú ar na torthaí, mar shampla, chun na scóir sástachta a fháil d’fhir agus do mhná, nó dóibh siúd faoi 30 agus os cionn 45 bliain d’aois, srl. Ní féidir le do fhreagraí, nó má roghnaíonn tú gan páirt a ghlacadh, cur isteach ar aon éileamh reatha nó sa todhchaí a d’fhéadfadh a bheith agat leis an Roinn.
Ní mór dúinn a thuiscint conas is féidir leis an Roinn Coimirce Sóisialaí a chinntiú go gcomhlíonann ár Seirbhís Leasa Pobail a gealltanais maidir le seirbhísí a sholáthar duit.
Chun é seo a dhéanamh, bheimis buíoch díot ceisteanna an tsuirbhé a fhreagairt agus do thaithí a chur in iúl dúinn. Ní thógfaidh an suirbhé ach cúpla nóiméad.
Féadfaidh an Roinn teagmháil a dhéanamh le custaiméirí chun críocha taighde a luaithe a chomhlíontar ceanglais eile sa Rialachán Ginearálta maidir le Cosaint Sonraí (RGCS) agus in Achtanna um Chosaint Sonraí na hÉireann. Is gníomhairí ar conradh iad Behaviour & Attitudes d’Aonad Staidrimh na Roinne don suirbhé seo.
Tá comhaontú Próiseála Sonraí i bhfeidhm ag an Roinn agus Behaviour & Attitudes. Ciallaíonn sé seo, de réir an dlí, nach féidir le Behaviour & Attitudes do shonraí a úsáid ach amháin chun críocha an tsuirbhé seo. Ciallaíonn sé freisin go gcaithfidh siad do shonraí a choinneáil sábháilte agus slán i gcónaí. Tá do chuid freagraí go hiomlán príobháideach agus faoi rún – ní féidir leo cur isteach ar aon éileamh reatha nó sa todhchaí a d’fhéadfadh a bheith agat leis an Roinn. Ní gá duit páirt a ghlacadh sa suirbhé seo. Mura dteastaíonn uait go ndéanfaí teagmháil leat faoin suirbhé, déan teagmháil linn le do thoil ag CustomerSatisfactionSurvey@welfare.ie agus bainfimid den tacar sonraí thú.
Le haghaidh tuilleadh eolais, déan teagmháil le CustomerSatisfactionSurvey@welfare.ie nó féach ar gov.ie/dsp/surveys nó Cás-staidéar 10, 2003.
