Nuacht
Ceapacháin chuig Bhord Clárúcháin na nDiaitéiteach:
Foilsithe
An t-eolas is déanaí
Foilsithe
An t-eolas is déanaí
Tá an tAire Sláinte, Stephen Donnelly T.D., tar éis na daoine seo a leanas a cheapadh / athcheapadh mar chomhaltaí de Bhord Clárúcháin na nDiaitéiteach.
Tá an tUasal Eamonn Dunne fostaithe faoi láthair mar Phríomhfheidhmeannach ar Sheirbhísí Cúraim Baile an Taobh Thuaidh (NHCS). Tá 250 ball foirne fostaithe ag NHCS, is ann a sholáthraítear cúram baile do 1,000 cliant scothaosta agus seirbhís béilí ar rothaí do 900 cliant i dTuaisceart Bhaile Átha Cliath. Bhí an tUasal Dunne freagrach as NHCS agus Home Care Northeast Bay a chomhtháthú in 2014, agus, níos déanaí, as iad a chumasc le Seirbhísí Sóisialta KARE in 2017. Rinne an tUasal Dunne maoirseacht ar an bpróiseas bainistithe athraithe, lenar tiontaíodh an eagraíocht ina fiontar beoga agus sócmhainneach. Leantar le NHCS a fhás, agus tá an tUasal Dunne faoi láthair ag déanamh maoirseacht ar chomhtháthú dhá eagraíocht chomhchineála i mórcheantar Bhaile Átha Cliath.
Ba í an NHCS an chéad chuideachta cúraim baile in Éirinn a bhain dámhachtain cáilíochta ISO 9001 agus an dámhachtain Feabhas Trí Dhaoine araon amach.
Maidir lena fhostaíocht roimhe seo, d'oibrigh an tUasal Dunne mar Stiúrthóir Bainistíochta agus mar Bhainisteoir Ginearálta ar eagraíochtaí tráchtála agus neamhbhrabúis araon lena n-áirítear Ionad Oiliúna Pobail Ghort na Silíní agus Tionscadal Gníomhaíochta Pobail Lár na Cathrach Thuaidh. D’oibrigh an tUasal Dunne ar feadh beagnach 20 bliain sa tionscal tógála agus bhí sé ina bhunaitheoir agus ina Stiúrthóir Bainistíochta ar Dunne Contracting Ltd.
Tá máistreacht ag an Uasal Dunne i riarachán gnó (Onórach) agus is Comhalta Comhlach é d’Institiúid Chairte na Foirgníochta, d’Institiúid na nAiltirí agus na Suirbhéirí agus d’Eagraíocht Dhomhanda na nOifigeach Foirgníochta. Tá Teastas i gCuntasaíocht Sage agus i Sláinte agus Sábháilteacht ag an Uasal Dunne freisin.
Déantar Eamonn Dunne a athcheapadh le héifeacht ón 14 Feabhra 2024 go dtí an 13 Feabhra 2028.
Tá os cionn 15 bliana de thaithí ag Ann Sheehan ar a bheith ag obair i gcúrsaí rialála. Bhí sí ina comhalta boird gníomhach leis an NMBI agus leis an gCumann Cógaisíochta agus bhí sí ina cathaoirleach freisin ar choiste sláinte an PSI. Mar gheall ar an taithí atá ag Ann san abhcóideacht othar agus ar a bheith ag obair sa phobal, tugtar tuiscint, comhbhá agus atrua do gach úsáideoir seirbhíse.
Déantar Avril Sheridan a athcheapadh le héifeacht ón 14 Feabhra 2024 go dtí an 13 Feabhra 2028, is athcheapachán le toiliú an Aire Fiontar, Trádála agus Fostaíochta é.
Tá 40 bliain de thaithí ar an tseirbhís sláinte poiblí ag Susan Temple. Le linn an ama sin, bhí roinnt róil straitéiseacha ceannaireachta agus bainistíochta ag Susan i Seirbhísí Pobail agus Géar-Ospidéil.
Ceapadh í mar Bhainisteoir Ginearálta Ospidéil Ghéarmhíochaine in 2001 agus ina Bainisteoir Ginearálta um Cháilíocht agus Sábháilteacht Othar agus Feabhsú Seirbhíse ag leibhéal an Ghrúpa Ospidéil in 2015.
Bronnadh Teastas i Rialachas ón bhForas Riaracháin ar Susan in 2018, chomh maith le Dioplóma i gCeannaireacht agus Cáilíocht ón RCPI in 2016, agus MBA ó Ollscoil Coventry in 2002. Tá Dioplóma Teastaithe sa Chuntasaíocht agus Airgeadas (ACCA) agus Dioplóma i mBainistíocht Seirbhíse Sláinte aici freisin.
Déantar Susan Temple a athcheapadh, i ndiaidh próiseas PAS, le héifeacht ón 14 Feabhra 2024 go dtí an 13 Feabhra 2028. Ceapachán le toiliú an Aire Fiontar, Trádála agus Fostaíochta is ea é.