Preasráitis
Ráiteas ón bhFoireann Náisiúnta Éigeandála Sláinte Poiblí - Dé Céadaoin an 13 Eanáir
Foilsithe
An t-eolas is déanaí
Foilsithe
An t-eolas is déanaí
Cuireadh in iúl don Ionad Faireachais um Chosaint Sláinte inniu go bhfuil 63 duine le COVID-19 tar éis bás a fháil.
Bhain 56 de na básanna le mí Eanáir 2021, bhain 5 cinn acu le mí na Samhna agus bhain ceann le mí na Nollag 2020. Tá bás amháin a tuairiscíodh fós á fhiosrú.
2,460 duine san iomlán atá básaithe de thoradh COVID-19 in Éirinn go dtí seo.
Amhail meán oíche, Dé Máirt an 12 Eanáir, cuireadh 3,569 cás deimhnithe de COVID-19 in iúl don HPSC. 159,144* cás de COVID-19 a deimhníodh in Éirinn go dtí seo.
As na cásanna a cuireadh in iúl inniu;
Amhail 2pm inniu, tá 1,770 othar a bhfuil COVID-19 orthu san ospidéal, agus tá 172 acusan san aonad dianchúraim. Cuireadh 133 duine eile san ospidéal le 24 uair an chloig anuas.
Dúirt an Dr Tony Holohan, Príomhoifigeach Leighis, an Roinn Sláinte:
“Tá roinnt comharthaí luatha ann go bhfuil dul chun cinn á dhéanamh againn maidir le líon na gcásanna laethúla agus na rátaí dearfachta. Tá údar dóchais againn, ach tá píosa an-fhada le dul againn go fóill. Sna seachtainí amach romhainn, teastóidh an teacht aniar céanna a léiríomar san earrach mar is féidir linn a bheith ag súil gur ag ardú lá i ndiaidh lae a bheidh an ráta báis agus líon na ndaoine sna hospidéil agus sna haonaid dianchúraim mar gheall ar Covid-19."
“Is é an bealach is fearr is féidir linn go léir tacú lena chéile anois ná fanacht amach óna chéile. Faraor, tá an méid atá á fheiceáil againn anois mar thoradh ar an líon ard cásanna deimhnithe laethúla a bhí againn le seachtainí i ndiaidh a chéile. Lean ort ag leanúint comhairle sláinte poiblí agus fan sa bhaile chun ár n-ospidéil agus ár ngaolta a chosaint agus a chinntiú go bhfanfaidh siad beo go dtí go bhfaighidh siad an vacsaín."
“Ag an am dúshlánach seo, tá sé tábhachtach a mheabhrú dóibh siúd a dteastaíonn géarchúram uathu go bhfuil ospidéil ann dóibh siúd a bhfuil gá acu leo. Níor cheart go ndéanfadh aon duine neamhaird ar aon chomharthaí a thugann le fios go bhféadfadh cóir leighis a bheith ag teastáil uathu, mar shampla cnapanna, pianta cliabhraigh nó siomptóim nua eile. Cuir glaoch ar do dhochtúir teaghlaigh má tá aon imní ort, ní amháin imní faoi COVID-19."
Soláthraíonn Deais COVID-19 faisnéis cothrom le dáta faoi phríomhtháscairí COVID-19 sa phobal.
CRÍOCH
Cásanna an lae inniu, ráta minicíochta 14 lá in aghaidh gach 100,000 den daonra agus cásanna nua le 14 lá anuas (amhail meán oíche an 12 Eanáir 2021)
(ráta minicíochta bunaithe ar dhaonra contae Dhaonáireamh 2016)
| Contae | Cásanna an lae inniu (go meán oíche 12 Ean 2021) | Ráta minicíochta 14 lá in aghaidh gach 100,000 den daonra (30 Noll 2020 go 12 Ean 2021) | Cásanna Nua le 14 lá anuas (30 Noll 2020 go 12 Ean 2021) |
| Éire | 3,569 | 1448.8 | 68,990 |
| Muineachán | 98 | 2738.4 | 1,681 |
| Lú | 182 | 2323.0 | 2,994 |
| Luimneach | 165 | 2068.3 | 4,031 |
| Port Láirge | 169 | 1841.2 | 2,139 |
| Loch Garman | 123 | 1746.6 | 2,615 |
| Maigh Eo | 129 | 1688.0 | 2,203 |
| Baile Átha Cliath | 1,119 | 1634.1 | 22,017 |
| Ceatharlach | 35 | 1556.2 | 886 |
| An Clár | 59 | 1519.1 | 1,805 |
| An Cabhán | 66 | 1499.2 | 1,142 |
| Corcaigh | 416 | 1496.9 | 8,126 |
| Dún na nGall | 136 | 1481.9 | 2,359 |
| Cill Chainnigh | 59 | 1205.3 | 1,196 |
| An Mhí | 73 | 1186.4 | 2,314 |
| Sligeach | 14 | 1113.9 | 730 |
| Ciarraí | 65 | 1111.0 | 1,641 |
| Cill Dara | 135 | 1073.7 | 2,389 |
| Gaillimh | 200 | 1049.0 | 2,707 |
| Uíbh Fhailí | 66 | 1021.0 | 796 |
| Ros Comáin | 27 | 1014.8 | 655 |
| Longfort | 28 | 976.2 | 399 |
| Laois | 45 | 941.0 | 797 |
| Tiobraid Árann | 35 | 912.5 | 1,456 |
| An Iarmhí | 51 | 757.0 | 672 |
| Cill Mhantáin | 71 | 712.0 | 1,014 |
| Liatroim | <5 | 705.3 | 226 |
Minicíocht 7 lá 799.1
Meán gluaiseachta 5 lá 4,659