Preasráitis
Ráiteas ón Aire Sláinte ar éirí as Paul Reid mar Phríomhfheidhmeannach ar FSS
Foilsithe
An t-eolas is déanaí
Foilsithe
An t-eolas is déanaí
Tá aitheantas tugtha ag an Aire Sláinte, Stephen Donnelly TD do Paul Reid tar éis dó a fhógairt go bhfuil sé ag éirí as mar Phríomhoifigeach Feidhmiúcháin de chuid FSS.
Dúirt an tAire Donnelly:
"Ó ceapadh é mar Phríomhfheidhmeannach i mí an Mheithimh 2019, tá ceannaireacht den scoth tugtha ag Paul Reid do FSS.
“Stiúraigh sé seirbhís sláinte na hÉireann trí chuid de na leathanta ba dheacra a bhí aici agus rinne sé amhlaidh le dúthracht agus le gairmiúlacht.
“Le linn na paindéime, bhí ról ríthábhachtach ag Paul maidir le freagairt na hÉireann ar an éigeandáil sláinte is mó dár linne a threorú.
“Fágann sé ina dhiaidh eagraíocht atá feabhsaithe go mór a bhuíochas lena thréimhse mar Phríomhfheidhmeannach agus eagraíocht atá ag déanamh dul chun cinn dáiríre cheana féin maidir le hathchóiriú agus feabhsú a chur i bhfeidhm i go leor gnéithe de sholáthar cúram sláinte.
“Ba mhaith liom gach rath a ghuí ar Paul don am atá amach romhainn agus buíochas a ghabháil leis agus lena theaghlach as na híobairtí iomadúla atá déanta acu le trí bhliain anuas chun ligean dó é féin a thiomnú do ról an Phríomhfheidhmeannaigh.”