Preasráitis
Cuireann an tAire Sláinte fáilte roimh chistiú breise €5.1 milliún do thacaíochtaí do dhaoine gan dídean
Foilsithe
An t-eolas is déanaí
Foilsithe
An t-eolas is déanaí
Chuir an tAire Sláinte, Aire Sláinte, Stephen Donnelly, T.D., fáilte roimh €5.1 milliún sa bhreis a sholáthar do thacaíochtaí sláinte do dhaoine gan dídean.
Dúirt an tAire:
“Ceaptar go mbeidh an geimhreadh seo an-dúshlánach dár seirbhísí sláinte mar gheall ar phaindéim COVID-19. Tá baol níos airde roimh dhaoine atá gan dídean go dtiocfaidh COVID-19 orthu agus is dóchúla go dteastóidh seirbhísí cúram sláinte éigeandála uathu i rith an gheimhridh. Chun tacú leo siúd atá gan dídean i mBaile Átha Cliath, tá €2.4 milliún sa bhreis á chur ar fáil ag an rialtas do sheirbhísí sláinte mar chuid de phlean geimhridh FSS. Cuirfear €2.7 milliún sa bhreis ar fáil i réigiúin eile.”
Leanfar leis an gcistiú breise a chur ar fáil agus cuirfidh sé feabhas ar na bearta sláinte seo a leanas do dhaoine gan dídean i mBaile Átha Cliath i rith mhíonna an gheimhridh:
Bhí an tAire Sláinte ag labhairt i rith cuairt a thug sé ar áis féinaonraithe atá á reáchtáil ag FSS do dhaoine gan dídean i gcathair Bhaile Átha Cliath. Chas sé le foireann freagartha COVID-19 do dhaoine gan dídean i rith na cuairte.
D’éirigh leis an bhfreagairt chomhordaithe faoi stiúir FSS, i gcomhar le Feidhmeannacht Réigiún Bhaile Átha Cliath do Dhaoine gan Dídean agus seirbhísí deonacha do dhaoine gan dídean, iad siúd a chosaint atá gan dídean i rith phaindéim COVID-19 i mBaile Átha Cliath.
Dúirt sé:
“Is mian liom na hoibrithe sláinte agus cúraim shóisialta túslíne go léir a mholadh atá i seirbhísí do dhaoine gan dídean a d’oibrigh chomh dian dícheallach sin chun daoine atá gan dídean a chosaint. Is cinnte gur thug bhur gcuid gníomhartha saol go leor daoine slán.”
Dúirt an tAire:
“Is é plean an gheimhridh an chéad chéim chun aghaidh a thabhairt ar an ngealltanas a thugtar i gClár an Rialtais chun cistiú FSS a mhéadú d’idirghabháil spriocdhírithe do dhaoine gan dídean agus a bhfuil andúil acu.”
Cuirtear cistiú breise €11 milliún ar fáil i mBuiséad 2021 do bhearta aonuaire chun daoine leochaileacha a chosaint atá i mbaol bheith gan dídean faoi phleananna an Gheimhridh agus na Paindéime.
Dúirt an tAire Stáit le freagracht as Sláinte Poiblí, Folláine agus an Straitéis Náisiúnta Frithdhrugaí, Frank Feighan:
“Tarlaíonn go mbíonn daoine atá gan dídean agus a bhfuil andúil acu an-leochaileach agus go mbíonn riachtanais an-chasta acu. Mar chuid dár bhfreagairt do COVID-19, cuireadh roinnt beart i bhfeidhm chun daoine atá gan dídean a chosaint. Rinne seo an méid cásanna dearfacha a íoslaghdú go mór agus choimeád sé an méid básanna an-íseal. Tá sé ríthábhachtach go leanaimid leis na daoine is leochailí a chosaint ó COVID-19.”
Dúirt an tAire freisin,
“Déanfaidh an cistiú €11 milliún i mBuiséad 2021 soláthar freisin chun plean cúraim sláinte saincheaptha a fhorbairt do bhreis agus 1,000 duine singil a chónaíonn i gcóiríocht éigeandála. Cinnteoidh an t-airgead seo go leantar le bearta cosanta agus freagrúla COVID-19 do dhaoine gan dídean a chur ar siúl i gcaitheamh na bliana 2021 go léir.”
CRÍOCH