Ó An Roinn Forbartha Tuaithe agus Pobail
Foilsithe
An t-eolas is déanaí
Infheistíocht €200,000 déanta agus é tugtha le fios ag leabharlanna go bhfuil méadú suntasach tagtha ar bhallraíocht ar líne
Tá ciste €200,000 fógartha ag an Aire Michael Ring TD, an tAire Forbartha Tuaithe agus Pobail chun tacú le 5,000 ríomhLeabhar agus ríomhChlosleabhar breise a chur ar fáil chun an méadú suntasach atá tagtha ar an éileamh atá ar sheirbhísí leabharlainne poiblí ar líne le linn ghéarchéim COVID-19 a shásamh.
Tá an cistiú seo á chur ar fáil tríd an nGníomhaireacht Bainistíochta Rialtais Áitiúil a dhéanann an córas leabharlainne ar líne a riar.
Ag fógairt an mhaoinithe inniu, dúirt an tAire Ring,
"Cé nach bhfuil tú ábalta cuairt a thabhairt ar na leabharlanna faoi láthair, tá an tseirbhís leabharlainne fós ar fáil do dhaoine ar líne. Go deimhin, tháinig méadú mór ar líon na ndaoine atá ag iarraidh leas a bhaint as an tseirbhís leabharlainne ar líne ó dúnadh doirse na leabharlann.
"Lena chinntiú go mbeadh an stoc ar líne ábalta an méadú atá tagtha ar éileamh a shásamh tá €200,000 ceadaithe agam chun 5,000 ríomhLeabhar breise a chur leis an gcnuasach ar líne."
Chláraigh breis is 7,300 duine don tseirbhís Borrowbox sa tseachtain tar éis do na leabharlanna poiblí dúnadh, seirbhís a chuireann ríomhLeabhair agus Closleabhair ar fáil do bhaill den leabharlann. Is ionann sin agus beagnach líon iomlán na daoine a chláraigh don tseirbhís ó thús na bliana.
Íoslódáladh 25,521 ríomhLeabhar idir an 13 agus an 19 Márta, trí oiread an méid a íoslódáladh an tseachtain roimhe sin. Íoslódáladh níos mó ná 26,000 ríomhChlosleabhar, dhá oiread an méid a íoslódáladh an tseachtain roimhe sin.
Dúirt an tAire Ring freisin:
"Thosaigh foireann na leabharlann ag teacht ar bhealaí nuálacha chomh luath agus a dúnadh brainsí don phobal. Cuireadh stop leis an ngá a bhí ann go mbeadh ar dhaoine dul isteach i leabharlann chun bheith ina mbaill. Is féidir é seo a dhéanamh anois ar líne chun go mbeidh fáil ag daoine ar sheirbhísí ar líne láithreach.
"Ba mhaith liom a dhearbhú do gach uile dhuine go bhfuil mo Roinn ag glacadh gach uile ghníomh chun go mbeimid réidh le dul i ngleic leis na dúshláin atá romhainn agus chun go mbeidh daoine ábalta leas a bhaint as leabharlanna le linn na tréimhse seo."
Cuireann leabharlanna poiblí réimse seirbhísí ar líne saor in aisce ar fáil d'úsáideoirí, lena n-áirítear ríomhLeabhair, ríomhChlosleabhair, ríomhIrisleabhair, cúrsaí ar líne agus páipéir nuachta ar líne. Is féidir na hacmhainní ar fad a fháil ar Libraries Ireland.
Is féidir na seirbhísí ar líne a fháil ach na haipeanna seo a leanas a íoslódáil:
Is féidir leas a bhaint as na seirbhísí seo ar fad ach logáil isteach leis an uimhir atá ar do chárta leabharlainne. Is féidir leat glaoch a chur ar do leabharlann áitiúil má tá do chárta as dáta nó má theastaíonn cúnamh uait. Tá sonraí teagmhála ar fáil ar Libraries Ireland .
Chomh maith leis na seirbhísí ar líne seo, tá foireann na leabharlainne fós ag obair sna brainsí ag cur seirbhísí ar fáil, lena n-áirítear:
Seirbhísí leabharlainne poiblí ar líne i rith ráig an Choróinvíris
Is féidir leat clárú i do bhall den leabharlann ar líne agus ríomhLeabhair, closleabhair, irisleabhair agus páipéir nuachta ar líne a fháil saor in aisce láithreach, nó d'fhéadfá teanga nua a fhoghlaim agus cúrsaí eile a dhéanamh. Seo mar a dhéantar é!
Cláraigh ar líne
Chun clárú don leabharlann ar líne flíon isteach an fhoirm seo le d'ainm, do sheoladh, ríomhphost, agus roinnt sonraí eile.
Tá treoracha gearra thíos chun cuidiú leat na seirbhísí seo a fháil agus a úsáid.
Mar a úsáidtear Borrowbox do ríomhLeabhair agus Closleabhair
Is féidir leat an aip Borrowbox a íoslódáil nó do leabharlann a fháil anseo chun go gcuirfear ar aghaidh chuig an leagan ar líne thú.
Nuair atá sé sin déanta:
Sin é, tá tú istigh ar an gcóras agus tá tú réidh le brabhsáil agus léamh a dhéanamh!
Má tá cúnamh ar bith uait, déan teagmháil le support@bolindadigital.com
Mar a úsáidtear RB Digital d'irisleabhair ar líne
Is féidir an aip RB Digital a úsáid nó é a úsáid ar líne
Beidh ort clárú do chuntas saor in aisce le d'uimhir leabharlainne. Chun é seo a dhéanamh:
Sin é, tá tú réidh!
Má tá cúnamh ar bith uait, déan teagmháil le rbdigital@wfhowes.co.uk
Mar a úsáidtear RB Digital do pháipéir nuachta ar líne
Is féidir leat teacht ar PressReadar ag pressreader.com nó trí aip PressReadar a íoslódáil do dheiseanna Apple nó Android.
Beidh ort logáil isteach le d'uimhir leabharlainne, mar seo a leanas
Sin é, tá tú logáilte isteach ar an gcóras agus tá tú réidh le léamh a dhéanamh!
Beidh fáil agat ar ábhar ar feadh 30 lá ar dtús agus tú logáilte isteach. Nuair atá an 30 lá seo caite beidh tú ábalta tréimhse nua a shocrú trí logáil amach agus logáil isteach arís ar an mbealach céanna.
Má tá cúnamh ar bith uait, déan teagmháil le pressreader@wfhowes.co.uk
Mar a úsáidtear Transparent Languages chun teangacha a fhoghlaim
Is féidir Transparent Languages a fháil ar RB Digital - féach thuas chun a fháil amach mar ar féidir leat sin a dhéanamh.
Feicfidh tú nasc chuig Transparent Languages chomh luath agus atá tú logáilte isteach ar RB Digital. Cliceáil air sin agus tabharfaidh sé chuig an tseirbhís thú.
Má tá cúnamh ar bith uait, déan teagmháil le rbdigital@wfhowes.co.uk
Mar a úsáidtear Universal Class ar líne chun cúrsaí a dhéanamh
Chun an Universal Class a úsáid téigh chuig UniversalClass.com agus cuir d'uimhir leabharlainne isteach
Cláraigh mar úsáideoir nua agus cur tús leis an bhfoghlaim!
Má tá cúnamh ar bith uait, déan teagmháil le universalclass@wfhowes.co.uk