Creat á fhoilsiú ag an Rialtas le haghaidh Chóras Tarchurtha Leictreachais Eischósta na hÉireann d’fhonn borradh mór faoin bhfuinneamh in-athnuaite a éascú
Ó An Roinn Comhshaoil, Aeráide agus Cumarsáide
Foilsithe
An t-eolas is déanaí
Ó An Roinn Comhshaoil, Aeráide agus Cumarsáide
Foilsithe
An t-eolas is déanaí
Tá an Roinn Comhshaoil, Aeráide agus Cumarsáide (RCAC) tar éis creat a fhoilsiú le haghaidh córas todhchaí eischósta tarchurtha leictreachais na hÉireann, rud a éascóidh leitheadú an fhuinnimh gaoithe amach ón gcósta le cuidiú leis an tír a cuid spriocanna i dtaca le hastaíochtaí gás ceaptha teasa a chomhlíonadh.
Ag labhairt dó inniu, arsa an tAire Eamon Ryan TD:
“Chun an sprioc uaillmhianach de 70% leictreachas in-athnuaite faoi 2030 a chomhlíonadh beidh gá le líonra suntasach d’fhuinneamh in-athnuaite amach ón gcósta a fhorbairt sna deich mbliana atá romhainn. An rud is tábhachtaí ná gurb ionann an polasaí seo agus céim eile i dtreo acmhainn in-athnuaite inbhuanaithe a thógáil ar leac an dorais againn féin anseo in Éirinn. Tabharfaidh sé cinnteacht fuinnimh dúinn agus cuideoidh linn ár gcuid astaíochtaí carbóin a laghdú. Sna deich mbliana atá romhainn, beimid ag iarraidh ár gcóras iompair agus córais eile dár gcuid a leictriú agus beidh cumhacht leictreach ag teastáil uainn ó acmhainní inbhuanaithe chun é sin a dhéanamh. Rachaidh an fuinneamh gaoithe amach ón gcósta chun sochair do phobail áitiúla agus d’Éirinn trí chéile.”
Le go mbeimid in ann an sprioc de 5 GW de ghiniúint gaoithe amach ón gcósta a shuiteáil faoi 2030, beidh orainn sruthanna oibre éagsúla beartais, reachtaíochta agus rialála a fhorbairt i gcomhthráth lena chéile. Cuimsíonn sé seo réimeas úr toilithe rialála don earnáil fuinnimh in-athnuaite amach ón gcósta in Éirinn, bealach chun margaidh do thionscadail gaoithe todhchaí amach ón gcósta trí cheantanna a bheidh saindírithe ar an teicneolaíocht laistigh den Scéim Tacaíochta um Fhuinneamh In-Athnuaite (RESS), scéim fhaofa státchabhrach de chuid an AE, agus forbairt creata úir le haghaidh chóras todhchaí eischósta tarchurtha leictreachais na hÉireann.
Beidh forálacha sa chreat, mar aon leis an mbeartas úr bainteach, a d’fhaomh an rialtas i mí Aibreáin tar éis comhairliúchán poiblí i samhradh na bliana 2020, a bhaineann le forbairt, feidhmiú agus úinéireacht chóras eischósta tarchurtha leictreachais na hÉireann. De bhreis air sin, soláthróidh sé soiléireacht, a bhfuil gá leis, don Choimisiún um Rialáil Fóntas (CRF), EirGrid, Gréasáin BSL, pobail áitiúla tionscal an fhuinnimh in-athnuaite, eagraíochtaí neamhrialtasacha agus páirtithe leasmhara eile sula reáchtálfar an chéad cheann de na trí cheant sceidealaithe de chuid na Scéime Tacaíochta um Fhuinneamh In-athnuaite a bhaineann go sainiúil le gaoth eischósta a chuirfidh ar chumas na hÉireann an sprioc 5GW a bhaint amach faoin mbliain 2030.
Cuimsíonn beartas úr an chórais tarchurtha eischósta atá faofa ag an Rialtas:
Tá an ráiteas polasaí ar fáil ar gov.ie
CRÍOCH