Preasráitis
Fógraíonn an tAire Sláinte luathú ar sheachadadh an dara bloc barda nua ag Ospidéal na hOllscoile, Luimneach
Foilsithe
An t-eolas is déanaí
Foilsithe
An t-eolas is déanaí
Fógraíonn an tAire Sláinte, Stephen Donnelly inniu (24 Bealtaine 2023) luathú ar phleananna breis leapacha a chur ar fáil ag Ospidéil na hOllscoile, Luimneach.
Tá an tógáil ar bhloc barda 96-leaba fós ag dul ar aghaidh. Moltar dhá bhloc barda 96-leaba eile a fhorbairt mar chuid de mháistirphlean Champus Ospidéal na hOllscoile, Luimneach.
Dúirt an tAire Donnelly:
"Tá áthas orm a fhógairt inniu go bhfuil socruithe idir láimhe ag an FFS chun oibíochtaí cumasaithe a luathú a chabhróidh le seachadadh an dara Bloc Barda 96-Leaba.
"Mar chuid den obair a bheidh ar siúl ag Ospidéal na hOllscoile, Luimneach sna míonna atá amach romhainn tógfar carrchlós faoi thalamh, chomh maith le spásanna folmha ar urlár na talún agus an chéad urlár, a sholáthróidh na hurláir íochtaracha den chéad bhloc ospidéil eile a shamhlaítear i máistirphlean an tsuímh.
"Ullmhóidh an FSS pleananna freisin chun céim bhreise d’oibreacha caipitil a thabhairt ar aghaidh lena n-áireofaí tógáil agus feistiú ceithre bharda eile d’othair chónaitheacha 24-leaba mar chuid den chuid uachtarach den dara bloc barda."
Tá an Rialtas seo tiomanta cúram sláinte na hÉireann a athrú, ag tógáil seirbhís sláinte atá bunaithe ar riachtanas othar agus ní ar a gcumas íoc as.
Sa mhéadú is mó i stair an FSS, tá 975 leapacha buaine breise oscailte againn, taobh amuigh de chúram criticiúil, ó 1 Eanáir 2020. Cuirfear breis leapacha ar fáil le linn 2023. Mhéadaíomar freisin uasmhéid leapacha cúram criticiúil go 323 leaba, a léiríonn méadú de thart ar 25% os cionn bhunlíne 2020 de 258 leaba agus tá sé i gceist ag an FSS 29 leapacha breise a chur ar fáil i mbliana freisin.
Is cuid ríthábhachtach é ár n-infreastruchtúr sláinte chun seribhísí sláinte a chur ar fáil agus is áisitheoir bunúsach é i leasú na seirbhíse sláinte. Le hinfheistíocht san infreastruchtúr, tá castachtaí na seribhísí sláinte á dtógaint san áireamh, chomh maith leis an mbealach athraitheach a sholáthraímid na seirbhísí sin anois agus amach anseo.