Ó An Roinn Turasóireachta, Cultúir, Ealaíon, Gaeltachta, Spóirt agus Meán
Foilsithe
An t-eolas is déanaí
Inniu (29 Feabhra 2024), leag Cúirt Bhreithiúnachais an Aontas Eorpaigh fíneáil chnapshuime de €2.5m ar Éirinn mar gheall ar teip cur i bhfeidhm iomlán an Treoir maidir le Seirbhísí Meán Closamhairc (AVMSD) i ndlí na hÉireann a fhógairt. Leag an Chúirt fíneálacha laethúla de €10,000 ó dáta an bhreithiúnais go dtí go gcuirtear an AVMSD i bhfeidhm go hiomlán. Glacann Éire leis an mbreithiúnas agus déanfar grinnstaidéar air. Tá na fíneálacha seo, áfach, ag léibhéal i bhfad níos ísle ná an t-uasmhéid atá sé de chumhacht ag an gCúirt leagadh síos.
Faoin AVMSD, tá freagracht ag Éire as rialú a dhéanamh ar ardáin roinnte físeán atá bunaithe anseo ar son na hEorpa ar fad. Bhí sé riachtanach mar sin, ní amháin an AVMSD a chur i bhfeidhm i ndlí na hÉireann, ach rialaitheoir nua a bhunú chun maoirseacht a dhéanamh ar an bhfeidhmniú, rud a chuir moill ar an bpróiseas trasuímh.
Le tosach feidhme an Achta um Shábháilteacht Ar-Líne agus Rialú Meán 2022 (OSMR) i mí an Mhárta 2023, bhí trasuíomh páirteach an AVMSD bainte amach. Is reachtaíocht suntasach é an Acht OSMR, a chuir an tAire Catherine Martin i bhfeidhm agus a chúisigh bunadh Choimisiún na Meán, an rialaitheoir nua sábháiltheachta ar-líne agus mean, le cumhachtaí suntasacha agus láidre.
Tá Éire go hiomlán tiomanta an Treoir a chur i bhfeidhm i ndlí na hÉireann. Bainfear amach trasuíomh iomlán nuair a ghlacann Coimisiún na Meán le códanna sábháilte ar-líne agus seirbhíse meán.
Ónar bunaíodh i mí Mhárta 2023 é, tá an Rialtas tar éis maoiniú suntasach (€10.5m i 2023 agus suas go €6m i 2024) a thabhairt agus earcaíocht suntasach do 164 post a cheadú le tacú leis an gCoimisiún chun a chuid feidhmeanna a bhaint amach. Tá sé tábhachtach tabhairt faoi deara go bhfuil Coimisiún na Meán maoinithe go páirteach ag tobhacha ar na hearnálacha a dhéanann sé rialú orthu, agus gur maoiniú nach mór iomlán ar ghnímh an Choimisiúin a bheidh sna tobhacha seo ar deireadh.
Tá sé tábhachtach d’Éire go gcuirfidh Coimisiún na Meán códanna i bhfeidhm atá cuimsitheach agus láidir, agus go leanfar an phróis chuí chun baol agóide dhlithiúil a sheachaint. Nuair a chríochnófar na códanna seo, beidh an domhain ar-líne níos sábháilte agus beidh rialú agus maoirseacht níos láidre ar sheirbhísí sruthaithe bunaithe in Éirinn.
Nótaí d’Eagarthóirí:
Tá na figiúirí maidir leis na fíneálacha leagtha amach sa bhreithiúnas anseo .