Foilsithe
An t-eolas is déanaí
Inniu, sheol an Taoiseach Leo Varadkar feachtas nua - In This Together/Ann Le Chéile - a bhfuil d'aidhm aige cabhrú le gach duine in Éirinn Fanacht Nasctha, Bheith Gníomhach agus aire a thabhairt dá bhFolláine Mheabhrach le linn Ghéarchéim Covid-19.
Leis an bhfeachtas seo - a thosaíonn inniu - spreagtar daoine chun gníomhaíocht nua a roghnú a chabhródh leo mothú beagán níos sláintiúla, níos folláine agus muid i ngleic le Covid-19.
I gcuideachta an Taoisigh ag an seoladh bhí an tAire Sláinte, Simon Harris, agus an tAire Gnóthaí Leanaí agus Óige, Katherine Zappone.
Tá treoir ann maidir le comhairle úsáideach chun cabhrú le daoine de gach aoisghrúpa plé leis na srianta leanúnacha, bíodh siad ag tabhairt aire do leanaí, ag déileáil le féin-aonrú, ag ullmhú le haghaidh na hArdteistiméireachta nó ag iarraidh fiabhras cábáin a shárú.
I bhfeachtas Ann Le Chéile, tairgfear físeáin, smaointe agus gníomhaíochtaí go rialta le linn na hÉigeandála do dhaoine de gach aois, ar na meáin shóisialta, trínár gcomhpháirtithe sna meáin agus beidh siad á gcur chun cinn ag Fóraim Ghlao an Phobail atá bunaithe ar fud na hÉireann.
Tá an fhaisnéis seo ar fad á cur ar fáil ar gov.ie/Together, ar do shuíomh gréasáin údaráis áitiúil, ar na meáin shóisialta, teilifís, raidió agus sna nuachtáin le linn na hÉigeandála agus is féidir teacht ar mhionsonraí ar thionscnaimh áitiúla ar do shuíomh gréasáin údaráis áitiúil.
Ag labhairt dó ag an seoladh, arsa An Taoiseach:
“Is suntasach an tionchar atá ag Covid-19. Táimid tagtha i gceann a chéile mar thír chun muid féin a chosaint agus le daoine eile a shábháil. Rinneamar uile ár gcion féin. Is iontach an comhoibriú atá eadrainn. Agus tá sé ag tosú ag oibriú.
“Tuigim go bhfuil imní agus buairt ar dhaoine. Thar gach ní, is gá dúinn uile aire a thabhairt dúinn féin, más duine scothaosta thú ag féinleithlisiú sa bhaile, má tá tú ag obair sa bhaile nó ligthe chun bealaigh le linn na hÉigeandála.
“Is gá dúinn uile bheith gníomhach, nasc a choimeád le cairde agus lenár muintir, agus aire a thabhairt dár meabhairshláinte. Mar sin de, táimid ag seoladh In This Together/Ann Le Chéile le gach duine a spreagadh chun aire a thabhairt dóibh féin. Táimid ann le chéile agus tiocfaimid amach as le chéile fosta. Tugaimis sprioc dá chéile rud éigin a dhéanamh gach lá a fhágfaidh sinn beagán níos sláintiúla, níos sona.”
Le In This Together/Ann Le Chéile, tarraingítear le chéile réimse ollmhór gníomhaíochtaí is féidir a dhéanamh sa bhaile nó i do cheantar féin, leat féin nó le baill teaghlaigh nó le cairde ar líne. Tá smaointe agus gníomhaíochtaí ann do dhaoine de gach aois. I measc na mbuaicphointí tá:
I bhfeachtas In This Together /Ann Le Chéile tarraingítear le chéile fosta réimse ollmhór de chomhairle agus de thacaíocht atá ar fáil ar líne do dhaoine de gach aois, lena n-áirítear:
Arsa an tAire Harris:
“Tá níos mó ná ár sláinte fhisiciúil i gceist lenár bhfolláine. Anois, níos mó ná riamh, is gá dúinn cabhrú lena chéile. Bíodh sé trí ranganna aclaíochta grúpa, nó trí thacaíocht oideachais, físghlao le do mhuintir, is gá dúinn gach rud is féidir linn a dhéanamh chun ár sláinte a chosaint - meabhairshláinte agus sláinte fhisiciúil. Tá réimse tacaíochta le cois ár seirbhís sláinte ar fáil.”
Cuimsítear san fheachtas fosta tacar nua d'acmhainní do leanaí agus tuismitheoirí.
**Arsa Katherine Zappone, Aire Leanaí agus Gnóthaí Óige:*
“Ag an am dúshlánach seo, féadann sé a bheith deacair do thuismitheoirí fios a bheith acu cén áit ar féidir eolas agus tacaíocht iontaofa a fháil. Tá eolas do thuismitheoirí i Lárionad na dTuismitheoirí agus nasc le réimse leathan d'acmhainní iontaofa, ardchaighdeáin ar líne lena n-áirítear foghlaim, tuismitheoireacht agus eolas ar thacaíocht do thuismitheoirí. Ceapadh Let’s Play Ireland/Bímis ag Súgradh lena chur i gcuimhne dúinn uile, idir óg agus aosta, an bhuntábhacht atá leis an súgradh.
“Tá an súgradh lárnach i sláinte agus folláine fhisiciúil, mheabhrach, shóisialta agus mhothúchánach leanaí. Is tríd an súgradh a fhoghlaimíonn leanaí agus iad ag forbairt seasmhachta, solúbthachta agus tuiscint ar an domhan. Saibhríonn an súgradh i measc an teaghlaigh saol na hóige agus, i láthair na huaire, le linn an ama éiginnte shuaite seo, is tábhachtaí an súgradh ná riamh.”
Tugtar le chéile sa tionscnamh seo Rialtas Náisiúnta, Gníomhaireachtaí Rialtais, Rialtas Áitiúil, na Meáin, earnálacha pobail agus deonacha, agus Fóraim Ghlao an Phobail ar fud na tíre.
Tá tionscnaimh folláine i ngach cuid den rialtas á dtiomsú ionas gur féidir teacht ar eolas gan dua, bíodh sé ar Gov.ie nó ar shuíomhanna gréasáin na nÚdarás Áitiúil bainteach.
Tá a thuilleadh samplaí de thionscnaimh folláine leagtha amach san Aguisín atá faoi iamh.
Críoch
Tá liosta thíos d'acmhainní reatha agus atá le teacht chun cabhrú leat cúram a dhéanamh de do mheabhairshláinte, bheith gníomhach agus fanacht ceangailte. Breathnaigh ar gov.ie/together i gcomhair tuilleadh mionsonraí.
I bhfeachtas Gov.ie/together tá comhairle ar fholláine mheabhrach, tuismitheoireacht, cúrsaí caidrimh, gnáthaimh laethúla a cheapadh, bheith gníomhach, ithe go maith, féinleithlisiú, cabhrú le do phobal, súgradh le leanaí agus nasc leis an obair atá ar siúl ag údaráis áitiúla ar fud na tíre.
Tá Údaráis Áitiúla ar fud na tíre ag cur a gcuid seirbhísí ar líne, ag cruthú ábhair a bhaineann le meabhairshláinte agus ag dul i dteagmháil le pobail áitiúla chun cabhrú le daoine meabhairshláinte dhearfach a choinneáil. Áirítear leis na tionscnaimh:
Le linn mhí Aibreáin agus mhí na Bealtaine beidh Éire Ildánach ag cur chun cinn na cruthaitheachta sa bhaile ar na meáin shóisialta (teachtaireachtaí ar bhuntáistí meabhairshláinte san áireamh). Cnuasach d'acmhainní cruthaitheacha ar líne saor in aisce ar fud na hÉireann chun cabhrú le daoine a bheith cruthaitheach sa bhaile #CreateAtHome. Tá Comhairle Dhearaidh agus Cheardaíochta na hÉireann páirteach ann seo lena #GetIrelandMaking.
Cé go bhfuil ár bPáirceanna agus Anaclainn Náisiúnta fós ar fáil do bhunadh ná háite (laistigh de 2km) tá formhór ár suíomhanna oidhreachta dúnta. Tá a lán oibre ar siúl chun go mbeidh siad inrochtana go fíorúil trí thurais dhigiteacha, píosaí scannáin dróin, treoracha staire ar líne, puzail, comórtais líníochta, lena n-áirítear:
Tá a lán de línte cabhrach Ghlao an Phobail de chuid na nÚdarás Áitiúil ag coinneáil teagmháil leo sin a ghlaoigh nó tá siad ag cruthú cairdis le saorálaithe ar féidir leo a chinntiú go bhfuil siad i gceart agus comhrá a bheith acu leo ar an bhfón nó ar líne.
Áirítear le tionscnaimh áitiúla eile:
Gov.ie/together: Féinleithlisiú: https://www.gov.ie/en/publication/d56870-cocooning/
Ní mhothaíonn an Féinleithlisiú nádúrtha agus féadann sé cur as do dhaoine
Gov.ie/together
Téann COVID-19 i bhfeidhm ar ár ngnáthamh laethúil ar bhealaí éagsúla. Le linn tréimhse dheacair mar seo, is tábhachtaí ná riamh cúram a dhéanamh dár sláinte go ginearálta agus is cuid an-mhór de sin bia maith a ithe agus a bheith gníomhach.
Tá comhairle againn faoi
Maidir le haiste bia fholláin, tá comhairle againn faoi
Tá roinnt acmhainní cruthaithe ag Spórt Éireann chun gníomhaíocht fhisiciúil a chur chun cinn agus tá siad ag tacú le Comhpháirtíochtaí Spóirt Áitiúla (LSP), Boird Rialaithe Náisiúnta, Lucht Lúthchleasaíochta agus an pobal i gcoitinne le héirí gníomhach agus fanacht gníomhach, ag cloí le treoirlínte rialtais agus ag comhoibriú fosta le Age and Opportunity/Aois agus Deis do dhaoine scothaosta agus le CARA do lucht míchumais.
Tá roinnt údaráis áitiúla ag comhoibriú lena gComhpháirtíochtaí Spóirt áitiúla chun físeáin aclaíocht bhaile do gach aoisghrúpa a phostáil, lena n-áirítear dóibh sin atá ag féinleithlisiú nó ag féin-aonrú. Ar shamplaí de seo tá:
Bealaí eile chun fanacht gníomhach:
Gníomhaíochtaí do leanaí:
Tá Comhairle Contae Fhine Gall ag postáil físeáin gníomhaíocht cheardaíochta arna gcur i láthair ag leanaí 5-10 bliain agus níos sine ná 10 mbliana le cois ranganna códúcháin, finscéalta Lochlannacha agus Scéalaíocht as Gaeilge. Tá clár imeachtaí ar líne do leanaí ag Comhairle Contae an Longfoirt, lena n-áirítear cruthaitheacht sa ghairdín, machnamhacht chruthaitheach do theaghlaigh óga, ranganna códúcháin agus cuid mhaith comórtais ealaíne agus ceardaíochta.
Tá go leor ardán ar fáil le dul i gceann na Gaeilge agus í a fhoghlaim: