Preasráitis
Foilsíonn an tAire Donohoe an Bille Airgeadais (An Sásra Cobhsaíochta Eorpach agus an Ciste Réitigh Aonair)
Foilsithe
An t-eolas is déanaí
Foilsithe
An t-eolas is déanaí
Tá an Bille Airgeadais (An Sásra Cobhsaíochta Eorpach agus an Ciste Réitigh Aonair), 2021 á fhoilsiú inniu ag an Aire Airgeadais, Paschal Donohoe TD.
Lorgaíonn an Bille formheas ón Oireachtas chun comhaontuithe leasaitheacha a dhaingniú leis an gConradh maidir leis an Sásra Cobhsaíochta Eorpach (SCE) agus leis an gComhaontú Idir-Rialtasach (CIR) maidir leis an gCiste Réitigh Aonair (CRA).
Ceanglaítear ar gach Ballstát den limistéar euro an dá chomhaontú leasaitheacha a dhaingniú chun comhaontú an Ghrúpa Euro a chur chun feidhme, ó mhí na Samhna 2020, i ndáil le hathchóiriú Chonradh SCE agus tabhairt isteach an Chúlstop Choitinn do CRA, dhá bhliain roimh an sprioc.
Tugtar aghaidh i gcomhaontú an Ghrúpa Euro ar bhearna ríthábhachtach san Aontas Baincéireachta trí chumhacht a thabhairt do SCE gníomhú mar chúlstop coiteann do CRA, ó mhí Eanáir 2022. Ina theannta sin, déanann an comhaontú ionstraimí cúnaimh airgeadais réamhchúraim SCE a fhorbairt tuilleadh agus feabhsaíonn sé éifeachtacht oibríochtúil na hinstitiúide.
Tá gealltanas tugtha ag Ballstáit den Limistéir Euro na nósanna imeachta daingniúcháin atá acu faoi seach a chur i gcrích faoi dheireadh 2021 chun go bhféadfaidh na comhaontuithe leasaitheacha a bhaineann le Conradh SCE agus le CIR CRA teacht i bhfeidhm ag tús na bliana seo chugainn.
Ag labhairt faoi fhoilsiú an Bhille, dúirt an tAire Donohoe:
“Cuirim fáilte roimh fhoilsiú an Bhille seo agus táim ag tnúth le bheith páirteach inár nós imeachta daingniúcháin náisiúnta san Oireachtas. Is céim ríthábhachtach é an t-athchóiriú ar Chonradh SCE, a síníodh i mí Eanáir, chun an tAontas Eacnamaíoch agus Airgeadaíochta a neartú agus cuireann sé seo go mór lenár n-iarrachtaí tacú leis an téarnamh geilleagrach. Cuirfidh sé borradh faoin muinín as cumas an Limistéir Euro géarchéimeanna a mhaolú sula n-éireoidh siad níos measa”.
Críoch
Nóta d’Eagarthóirí