Preasráitis
Ciste Piarthacaíochta do Thuismitheoirí 2023 oscailte le haghaidh iarratas anois
Ó An Roinn Leanaí, Comhionannais, Míchumais, Lánpháirtíochta agus Óige
Foilsithe
An t-eolas is déanaí
Sheol an tAire Leanaí, Comhionannais, Míchumais, Lánpháirtíochta agus Óige, Roderic O’Gorman, ciste Piarthacaíochta do Thuismitheoirí 2024 inniu. Tá an ciste oscailte d’eagraíochtaí a oibríonn le tuismitheoirí agus/nó le leanaí agus daoine óga chun forbairt agus tacaíocht grúpaí piarthacaíochta do thuismitheoirí a éascú.
Ar na tairbhithe a bhain leis an gcéad bhabhta de mhaoiniú Piarthacaíochta do Thuismitheoirí bhí eagraíochtaí a oibríonn le tuismitheoirí leanaí LADTI+, tuismitheoirí leanaí faoi mhíchumas agus tuismitheoirí leanaí a chuaigh ar imirce go hÉirinn le déanaí.
I mbliana, cuirfear €75,000 san iomlán ar fáil do 37 eagraíocht agus gheobhaidh gach iarratasóir rathúil €2000 chun gníomhaíochtaí piarthacaíochta do thuismitheoirí a sholáthar agus a chur chun cinn ar fud na tíre.
Agus é ag labhairt inniu dúirt an tAire O’Gorman:
“Tá mo Roinn tiomanta do na tacaíochtaí atá i bhfeidhm faoi láthair a fheabhsú ar bhonn leanúnach, agus tionscnaimh nua a chur i bhfeidhm ag an am céanna atá deartha chun leasa leanaí agus a gcúramóirí. Tá Maoiniú Piarthacaíochta do Thuismitheoirí mar chuid den ghealltanas seo, agus bhí an-áthas orm a fheiceáil conas a chuir an maoiniú seo ar chumas seirbhísí pobail agus deonacha leibhéil tacaíochta níos airde a sholáthar do thuismitheoirí ar fud na tíre anuraidh. Bhí an-fhonn orm an maoiniú seo a chur ar fáil arís in 2024 i ndiaidh dom aiseolas chomh dearfach sin a fháil ó na seirbhísí.”
"Táimid ag obair go dian chun tacú le gach tuismitheoir ina ról tuismitheora, lena n-áirítear tuismitheoirí ón Úcráin, tuismitheoirí imirceacha agus tuismitheoirí a bhfuil cónaí orthu i gCóiríocht Chosanta Idirnáisiúnta".
Is féidir le hiarratasóirí teacht ar na téarmaí agus coinníollacha maoinithe, an nóta treorach d’iarratasóirí agus an fhoirm iarratais thíos.
TÉARMAÍ AGUS COINNÍOLLACHA_Ciste Piarthacaíochta do Thuismitheoirí
Íosluchtaigh nasc le haghaidh
Íoslódáil
féachaint ar an gcomhad
Amharc
Ciste Piarthacaíochta do Thuismitheoirí_Nóta Treorach d'Iarratasóirí
Íosluchtaigh nasc le haghaidh
Íoslódáil
féachaint ar an gcomhad
Amharc
Le haghaidh ceisteanna seol ríomhphost chuig: parentingsupport@equality.gov.ie
Bhí Tionscnamh Acmhainní Teaghlaigh Eochaille, Co. Chorcaí, ar cheann de na hiarratasóirí a fuair maoiniú faoin gciste píolótach Piarthacaíochta do Thuismitheoirí anuraidh. Dúirt ionadaí ón tseirbhís:
“Go raibh míle maith agat as an deis a thabhairt dúinn tacaíocht a thabhairt do thuismitheoirí leanaí a bhfuil riachtanais bhreise acu leis an maoiniú seo. Tá sé ráite ag tuismitheoirí inár gceantar gur mian leo grúpa tacaíochta do thuismitheoirí a bheith acu chun cabhrú leo bheith ina dtuismitheoirí ar a gcuid leanaí agus bualadh le tuismitheoirí eile ar aistear cosúil lena gcuid féin.
"Cuirfidh an ciste seo ar ár gcumas grúpa piarthacaíochta do thuismitheoirí a bhunú leis an infreastruchtúr a theastaíonn chun tacú le tuismitheoirí ar bhealach a thugann cumhacht dóibh ionas gur féidir leo a bheith i gceannas ar a gcuid riachtanas, eispéiris agus a dtuairimí féin agus guth a bheith acu agus cúnamh á fháil acu ónár seirbhís chun a bheith ina ngrúpa tuismitheora aitheanta inár gceantar.”
Ag Tacú le Tuismitheoirí: forbraíodh Samhail Náisiúnta de Sheirbhísí Tacaíochta do Thuismitheoirí de réir gealltanais in Na Chéad 5, straitéis iomlán rialtais do leanaí, leanaí óga agus a dteaghlaigh 2019-2028. D'fhorbairt grúpa oibre comhoibríoch an tsamhail faoi cheannas na Roinne Leanaí, Comhionannais, Míchumais, Lánpháirtíochta agus Óige (RLCMLÓ), le hionchur ó raon leathan páirtithe leasmhara ó Ranna Rialtais éagsúla, Gníomhaireachtaí agus eagraíochtaí pobail agus deonacha.
Tógann tabhairt isteach maoiniú Piarthacaíochta do Thuismitheoirí ar ghealltanais atá leagtha amach laistigh de Ag Tacú le Tuismitheoirí (Samhail Náisiúnta de Sheirbhísí Tacaíochta do Thuismitheoirí) trí mhaoiniú a sholáthar chun tacaíochtaí a fheabhsú agus a chur chun cinn chun cabhrú le tuismitheoirí. Cuireadh an maoiniú i bhfeidhm ar bhonn píolótach anuraidh agus tar éis aiseolas dearfach a fháil agus leibhéil arda suime sa scéim, socraíodh maoiniú breise a chur ar fáil do sheirbhísí a thacaíonn le tuismitheoirí arís i mbliana.
Is féidir ceisteanna a chur chuig an Aonad Beartais um Thacaíocht do Thuismitheoirí trí ríomhphost a sheoladh chuig: parentingsupport@equality.gov.ie