Preasráitis
Baineann an Roinn Coimirce Sóisialaí comhaontú amach leis an gCoimisiún Cosanta Sonraí maidir le clárú SAFE agus an Cárta Seirbhísí Poiblí
Foilsithe
An t-eolas is déanaí
Foilsithe
An t-eolas is déanaí
Bhain an Roinn Coimirce Sóisialaí agus an Coimisiún Cosanta Sonraí (an CSS) comhaontú amach inniu maidir le sonraí pearsanta a phróiseáil i dtaobh clárú SAFE agus an Chárta Seirbhísí Poiblí (an CSP).
Baineadh an comhaontú seo amach i gcomhthéacs achomhairc a rinne an roinn in aghaidh an fhógra forfheidhmiúcháin a d’eisigh an CCS a d’iarr, mar chuid dá théarmaí, ar an roinn deireadh a chur leis an bpróiseáil go léir a dhéantar ar shonraí pearsanta ar mhaithe le clárú SAFE agus CSPanna a eisiúint seachas nuair a eisítear CSP maidir le duine a éilíonn sochar ón roinn nó a thagann i láthair na roinne nó a fhaigheann sochar ón roinn.
D’imreodh gan SAFE/an CSP a chur ar fáil ach do chustaiméirí na roinne amháin tionchair shuntasacha i dtaobh oibriú phróiseas SAFE agus an chuir chuige reatha i dtaobh seirbhísí poiblí sábháilte agus slána ardluacha a sholáthar ag comhlachtaí poiblí eile.
Faoin gcomhaontú:
Fógra a comhaontaíodh idir an CCS agus an Roinn a bhaineann leis an gComhaontú. Féach sonraí breise Sonraí ar na ceisteanna a comhaontaíodh.
De dhroim an chomhaontaithe, d’aistarraing an CCS a Fhógra Forfheidhmiúcháin agus d’aistarraing an Roinn a hachomharc.
Ag caint di faoin réiteach, dúirt an tAire Coimirce Sóisialaí, Heather Humphreys:
“Táim an-sásta gur réitíodh an cheist seo. Nuair a chuirtear an t-ardleibhéal glactha leis an CSP/MyGovID, dea-nuacht é comhaontú an lae inniu dár saoránaigh agus do na soláthraithe seirbhíse poiblí.
“Thar aon ní eile, a bhuíochas leis an gcomhaontú, is féidir le baill den phobal leanúint le hiarratas a dhéanamh ar a gCárta Seirbhísí Poiblí ar mhaithe le gnó a dhéanamh le ranna rialtais, agus cruthaíodh go bhfuil seo an-áisiúil nuair a chuirtear an t-idirghníomhú méadaithe ar líne san áireamh i rith COVID-19.
“Tá mo Roinn ag tnúth le hoibriú go cuiditheach leis an CCS lena chinntiú go gcosnaítear cearta um chosaint sonraí ár saoránach go hiomlán.”
Ar cheann d’fheidhmeanna an Aire Coimirce Sóisialaí é aitheantas daoine a fhíordheimhniú, ar mhaithe leis na hidirbhearta faoi mar a leagtar amach iad sa reachtaíocht. Is é clárú SAFE an próiseas trína ndéanann an tAire aitheantas a fhíordheimhniú.
A luaithe a d’éirigh le duine an próiseas seo a chríochnú, eisítear Cárta Seirbhísí Poiblí (CSP) dóibh agus is féidir é sin a úsáid mar chruthúnas aitheantais nuair a dhéantar gnó le comhlachtaí poiblí áirithe a shonraítear sa reachtaíocht leasa shóisialaigh.
Leagann clárú SAFE le CSP an bonn faoi chuntas MyGovID ar líne slán a sholáthar freisin.
Go dtí seo, rinne 3.5 milliún duine a n-aitheantas a fhíordheimhniú trí chlárú SAFE agus eisíodh CSP dóibh.
Is é MyGovId an tseirbhís fíordheimhnithe aitheantais shlán ar líne a sholáthraíonn an Roinn of Coimirce Sóisialaí (an RCS) ar féidir í a úsáid chun teacht ar sheirbhísí poiblí ardluacha ar líne. Cuireann sé próiseas aonair logála isteach agus fíordheimhnithe ar fáil d’úsáideoirí ar féidir é a úsáid i measc go leor seirbhísí poiblí. Cuireann sé dearbhú tréan ar fáil do sholáthraithe seirbhíse gurb é an duine atá ag teacht ar sheirbhísí ar líne an duine a mhaíonn siad atá iontu agus cabhraíonn sé le cosaint a dhéanamh in aghaidh bradaíl aitheantais ar líne.
Caithfear a bheith cláraithe ó thaobh SAFE agus teastaíonn CSP chun cuntas deimhnithe MyGovId a bhunú.
Bhunaigh breis agus 3 milliún duine cuntas MyGovID agus rinneadh breis agus 21 milliún logáil isteach in MyGovID go dtí an tráth seo in 2021 ar mhaithe le teacht ar sheirbhísí poiblí.
Is féidir MyGovID a úsáid chun teacht ar sheirbhís(í) ar líne a chuireann na comhlachtaí seirbhíse poiblí seo a leanas ar fáil:
Riarann Comhairle Cathrach Bhaile Átha Cliath an láithreán gréasáin Voter.ie thar ceann Chomhairle Contae Bhaile Átha Cliath agus Chomhairle Contae Fhine Gall, Dhún Laoghaire agus Ráth an Dúin, Chomhairle Contae Bhaile Átha Cliath Theas ar mhaithe leis an gCláir Toghthóirí a ullmhú.
Is éard atá sa chreat bainistíochta Aitheantais Seirbhíse Poiblí (ASP) seirbhís cláraithe SAFE, an CSP agus MyGovID.
I Samhain na bliana seo, d’fhoilsigh an Roinn Caiteachais Phoiblí agus Athchóirithe tuarascáil anailíse costais is tairbhe ar chreat bainistíochta ASP. Dheimhnigh an tuarascáil an méid seo a leanas: