Preasráitis
Fógraíonn an tAire Humphreys feabhsuithe móra ar Phinsin do Chúramóirí
Foilsithe
An t-eolas is déanaí
Foilsithe
An t-eolas is déanaí
D’fhógair an tAire Coimirce Sóisialaí, Heather Humphreys TD inniu, athchóiriú suntasach ar an bPinsean Stáit (Ranníocach) a rachaidh chun tairbhe na mílte cúramóir sna blianta atá amach romhainn.
Ón tseachtain seo, is féidir cúramóirí rud atá comhionann le ranníocaíochtaí íoctha (Ranníocaíochtaí na gCúramóirí Fadtéarmacha) a fháil le haghaidh tréimhsí níos mó ná 20 bliain inar tugadh aire do chleithiúnaí éagumasaithe.
Feabhsóidh Ranníocaíochtaí na gCúramóirí Fadtéarmacha soláthar an Phinsin Stáit do chúramóirí a chaith níos mó ná 20 bliain dá saol ag tabhairt aire do dhuine, rud a dhéanfaidh sé níos éasca dóibh cáiliú le haghaidh Pinsean Stáit (Ranníocach) nuair a bhainfidh siad aois an phinsin amach.
Agus í ag labhairt ar an bhfeabhas do Chúramóirí, dúirt an tAire Humphreys:
“Tá lúcháir orm an beart seo a fhógairt, a áiritheofar den chéad uair i stair an Stáit go soláthrófar ranníocaíochtaí do chúramóirí fadtéarmacha na gcleithiúnaithe éagumasaithe i leith bearnaí ina dtaifead árachais shóisialaigh.
“Feabhsóidh sé seo soláthar an Phinsin Stáit do chúramóirí a chaith níos mó ná 20 bliain dá saol ag tabhairt aire do chleithiúnaithe éagumasaithe, agus cabhróidh sé chun a áirithiú go mbeidh na mílte duine, go príomha mná, a chaith am ag tabhairt aire dá ndaoine muinteartha in ann cáiliú le haghaidh an Phinsin Stáit (Ranníocach).”
Tá an Roinn ag glacadh le hiarratais ó chúramóirí maidir leis na Ranníocaíochtaí do Chúramóirí Fadtéarmacha ón 1 Meán Fómhair 2023.
Bhronn an Roinn Ranníocaíochtaí do Chúramóirí Fadtéarmacha ar bhreis agus 1,200 cúramóir agus ón 1 Eanáir 2024, is féidir na ranníocaíochtaí seo a úsáid chun cabhrú le Cúramóirí a bhaineann aois an Phinsin Stáit (Ranníocach) amach cáiliú le haghaidh an Phinsin Stáit (Ranníocach), nó ráta níos airde den phinsean má tá ceann á fháil acu cheana féin.
Nótaí do na hEagarthóirí:
Déanfaidh Tréimhsí Ranníocaíochta do Chúramóirí Fadtéarmacha an próiseas níos éasca do chúramóir chun cáiliú le haghaidh an Phinsin Stáit (Ranníocach) nuair a bhaineann siad aois an phinsin amach. Is féidir le haon tréimhse ina bhfuil an cúramóir cláraithe leis an Roinn Coimirce Sóisialaí go bhfuil siad ag tabhairt aire do chleithiúnaí éagumasaithe go lánaimseartha a chur san áireamh ina dtaifead árachais shóisialaigh phá-choibhneasa (ÁSPC).
Ní féidir le ranníocaíochtaí do Chúramóirí Fadtéarmacha a úsáid ach le haghaidh an Phinsin Stáit (Ranníocach) i ndiaidh tréimhse 20 bliain.
Is é an bealach is tapúla chun iarratas a dhéanamh ar Ranníocaíochtaí Cúramóirí Fadtéarmacha ná ar líne ag www.MyWelfare.ie.