Preasráitis
Seolann an tAire Meabhairshláinte agus Daoine Scothaosta feachtas chun díolacháin shábháilte paraicéiteamól a chur chun cinn
Foilsithe
An t-eolas is déanaí
Foilsithe
An t-eolas is déanaí
Tá feachtas faisnéise nua seolta ag an tAire Meabhairshláinte agus Daoine Scothaosta Mary Butler T.D. chun díolachán sábháilte paraicéiteamól a chur chun cinn ag baill foirne atá ag obair i suíomhanna miondíola cógaisíochta agus neamhchógaisíochta.
Cuirfidh an feachtas pacáistí faisnéise nua chun cinn a bheidh ar fáil go náisiúnta don fhoireann atá ag obair i suíomhanna cógaisíochta agus miondíola neamhchógaisíochta. Is é cuspóir an fheachtais faisnéise ná:
Is é paracetamol an druga a úsáidtear is minice i ródháileog drugaí d’aon ghnó (RDA) i go leor tíortha. Is i measc daoine óga (faoi 25 bliana) is airde a úsáidtear é in RDA agus tá fianaise ann go bhfuil méadú tagtha ar a mhinicíocht i dtíortha, lena n-áirítear Éire.
Tá sé mar aidhm ag an bhfeachtas feabhas a chur ar airdeall na foirne miondíola cógaisíochta agus neamh-chógaisíochta ar cheist ródháileog drugaí d’aon ghnó a bhaineann le paraicéiteamól in Éirinn.
Ag labhairt dó ag an seoladh inniu sa Roinn Sláinte, dúirt an tAire Butler:
“Is gníomh fíorthábhachtach é an feachtas seo faoinár straitéis náisiúnta um fhéinmharú a laghdú, Connecting for Life. Is cuid riachtanach dár gcuid oibre an leibhéal féindochair d’aon ghnó le paraicéiteamól a laghdú. D’fhorbair Grúpa oibre ilghníomhaireachta an feachtas, agus tháinig gníomhaireachtaí iolracha le chéile chun a chinntiú go laghdaítear leibhéil an fhéindochair agus an fhéinmharaithe ar mhaithe leis an daonra.”
“Ba mhaith liom freisin ómós a thabhairt d’iarrachtaí gach duine a bhí páirteach san fheachtas seo, i bhfianaise thábhacht an ábhair seo agus an tionchar a d’fhéadfadh a bheith aige ar shaol daoine.”
Dúirt Mr. John Meehan, Ceannasaí Oifige Náisiúnta Fheidhmeannacht na Seirbhíse Sláinte (FSS) um Fhéinmharú a Chosc:
“Tá Oifig Náisiúnta FSS um Fhéinmharú a Chosc an-bhródúil as tacú leis an bhfeachtas faisnéise seo, a bhfuil sé mar aidhm aige feasacht a mhéadú i measc na foirne miondíola – i suíomhanna an-difriúla – ar na srianta a bhaineann le táirgí a bhfuil paraicéiteamól iontu a dhíol.
“Ba cheart dúinn cuimhneamh gur féidir le gach duine cuidiú le leibhéil ródháileog drugaí d’aon ghnó a laghdú in Éirinn. Le linn idirghníomhaíochtaí laethúla le custaiméirí ag an bpointe díola, is féidir leis an bhfoireann miondíola a bheith an-aireach ar na srianta, agus difríocht dhearfach a dhéanamh ina bpobal.”
N.B. – Moltar d’iriseoirí atá ag tuairisciú ar an imeacht seo faisnéis a chur isteach ar líne chabhrach agus ar suíomhanna gréasáin ábhartha:
Féadfaidh nochtadh do thuairisciú mionsonraithe ar mhodhanna féindochair agus féinmharaithe sna meáin chumarsáide cur le teagmhais ‘aithrise’ agus gabhálacht féinmharaithe. Molann an Fhondúireacht Náisiúnta Taighde faoin bhFéinmharú go láidir go gcloífeadh na cuideachtaí meán go léir leis na treoirlínte meán atá ann cheana maidir le tuairisciú freagrach ar fhéinghortú agus ar fhéinmharú, lena n-áirítear ar aon ardáin meán sóisialta.
Is féidir treoirlínte tuairiscithe féinmharaithe a fháil anseo
Beidh ábhair feachtais ar fáil le híoslódáil ag an nasc seo a leanas ó Dé Máirt 17 Deireadh Fómhair, 2023: Safe sales of paracetamol.
Le haghaidh tuilleadh fiosrúchán preasa déan teagmháil leis Mr. Ciaran Austin, Oifig Náisiúnta FSS um Fhéinmharú a Chosc R: ciaran.austin@hse.ie nó Mr. Niall McTernan, an Fhondúireacht Náisiúnta Taighde faoin bhFéinmharú R:niall.mcternan@ucc.ie
Taighde paraicéiteamól