Preasráitis
Scéim Speisialta de Shaoire Íoctha curtha i bhfeidhm go sealadach arís d'fhostaithe áirithe san earnáil sláinte poiblí a bhfuil COVID fada orthu
Foilsithe
An t-eolas is déanaí
Foilsithe
An t-eolas is déanaí
Tugadh isteach Scéim Speisialta Shealadach 12 mhí de Shaoire Íoctha i mí Iúil 2022 d'fhostaithe incháilithe áirithe san earnáil sláinte poiblí a bhfuil COVID fada orthu.
Ar iarratas an Aire Sláinte, cuireadh síneadh leis an Scéim Speisialta seo cúpla uair, le déanaí i mí Dheireadh Fómhair 2023 nuair a leathnaíodh í go deireadh mhí an Mhárta 2024. Chuir an Roinn Caiteachais Phoiblí, Sheachadadh PFN agus Athchóirithe in iúl go soiléir gur síneadh deiridh a bhí i gceist, rud a chiallódh go dtiocfadh deireadh leis an Scéim Speisialta ar an 31 Márta 2024.
Bhí conclúid na Scéime Speisialta mar chúis leis an éileamh caidrimh thionsclaíoch ó chomhlachtaí ionadaíocha foirne san earnáil sláinte agus atreoraíodh í ar ais chuig an gCoimisiún um Chaidreamh san Áit Oibre.
Lorg an tAire Donnelly síneadh ama eile le go bhféadfaí tuilleadh comhréitigh a bhaint amach don scéal.
Tá an Roinn Sláinte sásta a dheimhniú go bhfuil síneadh 3 mhí ceadaithe ar maidin ag an Roinn Caiteachais Phoiblí, Sheachadadh PFN agus Athchóirithe chun é seo a éascú.
Beidh cur i bhfeidhm na scéime siarghabhálach go 1 Aibreán 2024, agus ní bhainfidh sé ach amháin leis na daoine aonair sin a bhí ar an scéim roimhe sin.
Ní bheidh tionchar aige seo ar theidlíochtaí saoire bhreoiteachta dóibh siúd a bhaineann seo leo ar an 31 Márta. Cuirfear é sin in iúl d'fhostaithe na seirbhíse sláinte a bhfuil tionchar aige seo orthu gan mhoill.