Preasráitis
Cuirtear tús le híocaíochtaí faoi Bhearta Sadhlais Bháinseacha Ilspeicis agus Seamair Dheirg 2023
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
D’fhógair an tAire Talmhaíochta, Bia agus Mara, Charlie McConalogue T.D, inniu go bhfuil tús á chur le híocaíochtaí faoi Bhearta Sadhlais Bháinseacha Ilspeicis agus Seamair Dheirg 2023.
Ag fógairt na n-íocaíochtaí, dúirt an tAire McConalogue:
“Tá lúcháir orm a dhearbhú go n-eiseofar íocaíochtaí os cionn €1.1 milliún do na bearta seo sna laethanta amach romhainn. Leathnóidh na bearta seo na limistéir a bunaíodh cheana faoi chlár píolótach na bliana seo caite agus bainfear leas as na tairbhí comhshaoil a chuireann na báinseacha seo ar fáil.”
“Méadaíodh an maoiniú do na bearta seo in 2023 chun breis tacaíochta a cheadú chun na báinseacha seo a bhunú. Gheobhaidh iarrthóirí incháilithe ráta íocaíochta €300/ha, arb ionann é agus méadú suntasach ar an ráta cúnaimh a íocadh in 2022.”
Leanfar d’éilimh atá faoi cheist faoi láthair a íoc sna seachtainí atá romhainn de réir mar a réitítear iad.
CRÍOCH
Nótaí d’Eagarthóirí:
Tugadh an Beart seo isteach ag an Roinn Talmhaíochta, Bia agus Mara chun modhanna feirmeoireachta atá inbhuanaithe ó thaobh na timpeallachta de a chur chun cinn, a mbeidh tionchar dearfach acu ar astaíochtaí aeráide, bithéagsúlacht agus cáilíocht uisce.
Is é an ráta íocaíochta €300/ha, a léiríonn méadú suntasach ar an ráta cúnaimh a íocadh anuraidh agus tá sé mar chuid de fhreagra an rialtais chun costais mhéadaithe ionchuir a ghlanadh.
Tá torthaí dearfacha léirithe ag obair thrialach ar Bháinseacha Ilspeicis maidir le húsáid íseal leasacháin nítrigine a mbeidh tionchar tairbheach aici ar astaíochtaí ocsaíde nítriúla agus a laghdóidh costais ionchuir d’fheirmeoirí ag an am céanna. I measc na mbuntáistí eile a eascraíonn as an mbeart seo tá bithéagsúlacht fheabhsaithe, acmhainn níos fearr ar dhálaí triomaigh agus laghdú ar riachtanais frith-heilminteach.
Léiríonn taighde a rinneadh ar Shadhlas Seimre Deirge go bhfuil próitéin níos airde sna báinseacha seo ná mar atá sa ghnáthshadhlas mar gheall ar a gcumas fosaithe nítrigine chomh maith lena gcumas níos mó ná 14t ÁT/ha a tháirgeadh, rud a chuideoidh le feirmeoirí a mbillí beatha thacúil a laghdú.