Preasráitis
Chas McConalogue le hAire Mara na Fraince i bPáras chun rochtain ar uiscí cósta na hÉireann a phlé
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
Chas McConalogue le hAire Mara na Fraince i bPáras chun rochtain ar uiscí cósta na hÉireann a phlé
Bhuail an tAire Talmhaíochta, Bia agus Mara, Charlie McConalogue T.D. inniu (6 Aibreán) lena chontrapháirtí Francach, Annick Girardin, Aire Mara na Fraince, i bPáras. Ba é príomhfhócas an chruinnithe cás an Aire McConalogue a phlé chun cosaint níos fearr a thabhairt do na huiscí cladaigh timpeall na hÉireann faoin gComhbheartas Iascaigh.
Is é cúlra an chruinnithe ná go bhfuil sé beartaithe ag an gCoimisiún Eorpach na socruithe rochtana atá ann cheana féin do rochtain na mBallstát ar Uiscí Cósta a leathnú ar aghaidh go ceann 10 mbliana eile. Faoi láthair, tá cearta stairiúla ag roinnt Ballstát iascaireacht a dhéanamh inár gcrios 6 - 12 mhíle.
Ag labhairt faoin gcruinniú, dúirt an tAire
“Bhí an cruinniú inniu an-chuiditheach agus rinne mé mo chás ag iarraidh ar Uachtaránacht na Fraince breithniú breise a dhéanamh ar sheasamh na hÉireann maidir le rochtain ar ár n-uiscí cósta. Bhí plé mionsonraithe againn ar na saincheisteanna agus táim sásta go bhfuil tuiscint níos fearr ag Uachtaránacht na Fraince ar chás na hÉireann tar éis an chruinnithe. Gheall Aire na Fraince, an tAire Girardin, go mbreithneodh sé conas a rachadh Uachtaránacht na Fraince ar aghaidh agus tuairimí Ballstát ábhartha eile á gcur san áireamh.
Táthar ag súil go dtagfaidh cainteanna ar sheasamh Chomhairle Iascaigh an AE chun críche sna seachtainí atá romhainn. Tá a seasamh á leagan amach ag Parlaimint na hEorpa freisin. Táthar ag súil go dtagfaidh comhaontú na Comhairle, na Parlaiminte agus an Choimisiúin maidir le socruithe rochtana chun críche roimh an samhradh.