Preasráitis
Ráiteas ón bhFoireann Éigeandála Sláinte Poiblí Náisiúnta - Dé Domhnaigh, an 31 Deireadh Fómhair 2021
Foilsithe
An t-eolas is déanaí
Foilsithe
An t-eolas is déanaí
Preaseisiúint: Dé Domhnaigh, an 31 Deireadh Fómhair
Ráiteas ón bhFoireann Éigeandála Sláinte Poiblí Náisiúnta
Cuireadh an tIonad Faireachais um Chosaint Sláinte ar an eolas inniu ar 1,963* cás deimhnithe de COVID-19.
Amhail 8am inniu, tá 500 othar COVID-19 san ospidéal, agus tá 93 astu siúd san aonad dianchúraim.
Dúirt an Dr Tony Holohan, an Príomhoifigeach Leighis, an Roinn Sláinte:
“Tuigim go mbeidh tuismitheoirí agus caomhnóirí buartha faoin ardleibhéal leitheadúlachta COVID-19 i measc an aoisghrúpa 5-12 bhliain d’aois, go háirithe nuair a bheidh leanaí ag filleadh ar scoil ar an Luan i ndiaidh an tsosa lár téarma.
“Is mian liom a athdhearbhú duit, de réir mar a dhruideann an geimhreadh linn, go leanann an FÉSPN le monatóireacht a dhéanamh ar leibhéal leitheadúlachta an ghalair agus le hathbhreithniú dlúth a dhéanamh ar na sonraí eipidéimeolaíochta, an taighde agus treoir idirnáisiúnta agus lenár gcomhairle a nuashonrú dá réir.
“Cuireann fianaise idirnáisiúnta in iúl dúinn go dtagann comharthaí éadroma COVID-19 nó nach dtagann aon chomharthaí ar leanaí a dtagann an víreas orthu. Tá an chomhairle sláinte poiblí bunaithe ar fhianaise eolaíochta agus ar an eispéireas díreach den phaindéim in Éirinn. Tugann sé le fios gurb annamh a tharchuirtear an víreas ó leanbh go leanbh i suíomhanna scoile nuair a bhíonn bearta coisctheacha i bhfeidhm, cosúil leo siúd ar fud ár scoileanna.
“Baineann ríthábhacht le scoileanna maidir le sláinte agus folláine ár leanaí agus is tábhachtach go leanaimid le cothromaíocht a bhaint amach idir na tosaíochtaí a bhaineann le sláinte phoiblí a chosaint sa phobal agus riachtanais forbartha sóisialta agus síceolaíche ár nglúine is óige.
“Mar thuismitheoirí agus caomhnóirí, glacann tú le ról bunriachtanach in ionfhabhtú COVID-19 a laghdú inár bpobail. Iarrtar ort leanúint ag cloí leis an gcomhairle sláinte poiblí sa bhaile agus nuair a bhíonn leanaí á bhfágáil ag agus á mbailiú ón scoil agus cuimhnigh fad sábháilte 2 mhéadar a choimeád amach ó thuismitheoirí nó caomhnóirí eile ag na hamanna gnóthacha seo.
“Tá cleachtaí níos gnáiche á ndéanamh dár lámha a ní, ár gcasacht a chumhdach, maisc a chaitheamh agus fanacht sa bhaile nuair a bhíonn comharthaí orainn agus cabhróidh sé le tarchur an víris seo a laghdú má leanann teaghlaigh agus daoine muinteartha a thugann cuairt ar do theach leis seo a dhéanamh. Is sábháilte do gach duine iad gníomhaíochtaí taobh amuigh nó in áiteanna taobh istigh ina bhfuil dea-aerú. Nuair a bhíonn ócáidí sóisialta á bpleanáil, iarrtar ort cloí leis an gcomhairle sláinte poiblí i ngach rud a dhéanann tú.
“Ba mhaith liom buíochas a ghabháil le tuismitheoirí agus caomhnóirí, seantuismitheoirí, múinteoirí, scoileanna agus, dar ndóigh, na leanaí scoile iad féin, as leanúint ag oibriú linn teorainn a chur ar scaipeadh COVID-19 agus le leanúint le leitheadúlacht ionfhabhtuithe a laghdú. Tá tú ag cabhrú linn othair san ospidéal agus daoine sa phobal a chosaint arb iad is leochailí d’ionfhabhtú agus do bhreoiteacht throm. “Baineann ríthábhacht le d’iarracht maidir leis an rath a bheidh orainn.”