Bearta nua fógartha ag an Aire Donnelly chun róphlódú a laghdú in Ospidéal na hOllscoile, Luimneach
Foilsithe
An t-eolas is déanaí
Foilsithe
An t-eolas is déanaí
Thug an tAire Sláinte, Stephen Donnelly cuairt inniu ar Ospidéal na hOllscoile, Luimneach (UHL) áit ar bhuail sé leis an mbainistíocht, lena n-áirítear An tOifigeach Feidhmiúcháin Réigiúnach Sandra Broderick, Príomhfheidhmeannach Fheidhmeannacht na Seirbhíse Sláinte (FSS) Bernard Gloster, chomh maith le comhairleoirí agus ceannairí cliniciúla eile.
Go náisiúnta, go dtí seo i mbliana chonaiceamar méadú 11.5% (37k) ar líon na ndaoine a bhí i láthair ag Ranna Éigeandála (EDanna) i gcomparáid leis an tréimhse chéanna in 2023. Dóibh siúd atá 75+ bliain d'aois, tá ardú 16% (7,000) le feiceáil.
In ainneoin seo, ciallaíonn acmhainn bhreise mar aon le hathchóirithe leanúnacha go bhfuil líon na n-othar ar thralaithe tite 10.4% (3.3k).
Is ag UHL atá an líon is mó daoine sa tír ag fanacht ar thralaithe le haghaidh leapa ospidéil.
In 2024 go dtí seo, as na daoine ar fad a bhí ag fanacht ar thralaithe sa tír, tharla 17% de chásanna ag UHL, ospidéal a bhfuil 6% de thinreamh na Roinne Éigeandála aige, agus 6% de thinreamh na ndaoine os cionn 75 bliain ann.
In UHL, in 2024 chonaiceamar méadú 14% (2.4k) ar líon na ndaoine a bhí i láthair ag ED i gcomparáid leis an tréimhse chéanna in 2023.
Tháinig méadú 49% (1.6k) ar líon na n-othar ar thralaithe.
As na cúig ospidéal leis an líon is airde othar ar thralaithe, is é UHL an t-aon cheann a léiríonn méadú ar líon na dtralaithe do 2024.
Dúirt an tAire Donnelly:
“Ní féidir liom glacadh leis an bhfadhb leanúnach seo mar Aire, agus is cinnte nach bhfuil sé inghlactha ag muintir an réigiúin seo ach an oiread.
“Chun dul i ngleic leis a bhfadhb seo, d'aontaigh mé le FSS roinnt beart a chur i bhfeidhm a chabhróidh, tá súil agam, leis:
"Tá na bearta nua seo sa bhreis ar mhéadú 41% ar an bhfoireann ag UHL ó 2019, agus 108 leaba sa bhreis ó 2020. Tá méadú 44% tagtha ar leithdháileadh buiséid don Ospidéal seo ó 2019 go dtí €383 milliún in 2023."
Bhuail an tAire Donnelly freisin le grúpaí ionadaíocha d'fhoireann altranais agus NCHD. Le gach duine ar bhuail sé leo, dheimhnigh an tAire gurb iad na hospidéil sin is fearr a fheidhmíonn ó thaobh tralaithe de ná iad siúd a d'athraigh an bealach a n-oibríonn siad, chun freastal níos fearr ar riachtanais na bpobal timpeall orthu.
Dúirt an tAire:
“Tá na hospidéil sin atá ag cur feabhais ar a bhfeidhmíocht, ag déanamh amhlaidh trí mheascán d'acmhainní méadaithe – tá níos mó leapacha agus níos mó foirne againn ar fud na seirbhíse sláinte cé nach bhfuil siad chomh mór céanna agus atá anseo i Luimneach – agus cleachtais oibre leasaithe.
“Dá bhrí sin, d'iarr mé agus táim ag súil go bhfeicfimid anseo in UHL an méid seo a leanas:
"D'éirigh go maith leis na bearta seo nuair a cuireadh i bhfeidhm iad i bPort Láirge, sa Mhuileann gCearr, in Beaumont agus in áiteanna eile agus tá mé ag súil go n-éireoidh leo nuair a chuirfear i bhfeidhm iad anseo i Luimneach.
“Tá sé deacair athchóiriú agus athrú a dhéanamh, bíonn siad mar dhúshláin dúinn go léir, ach tá athchóiriú agus athrú ag teastáil anseo in UHL má táimid chun seirbhís a chur ar fáil atá sásúil do mhuintir an réigiúin seo."