Ó An Roinn Talmhaíochta, Bia agus Mara
Foilsithe
An t-eolas is déanaí
D'fháiltigh an tAire Talmhaíochta, Bia agus Mara Charlie McConalogue TD roimh an gcur chuige comhoibríoch atá ag páirtithe leasmhara san earnáil mairteola maidir le branda nua PGI Mairteola Mairteoil Fhéarbheathaithe na hÉireann a fhorbairt do mhairteoil na hÉireann. Tionscadal cúig bliana a bhí san obair chun aitheantas PGI a fháil ón Aontas Eorpach, a raibh seoladh promóisin an táirge do thomhaltóirí san Iodáil mar thoradh air an tseachtain seo.
Agus é ag trácht ar seo dúirt an tAire
“Tógann sé iarracht ollmhór iarratas PGI a fháil thar an líne agus ní féidir ach leis na táirgí is fearr agus táirgí scoth an caighdeán sin a bhaint amach. Ba cheart gur cúis mhór mhórtais do gach duine a bhfuil baint acu le hearnáil mairteola na hÉireann í Mairteoil Fhéarbheathaithe na hÉireann a bheith ar liosta eisiach sin. Bhí an deis agam ar fheirm i gCo. Dhún na nGall an mhí seo caite a admháil gurb iad ár bhfeirmeacha na háiteanna ina dtosaíonn an táirge seo agus is iad ár bhfeirmeoirí bunchloch na hearnála. Ba mhaith liom aitheantas a thabhairt dár bhfeirmeoirí, dár bpróiseálaithe, dár margóirí agus d'obair mo Roinne agus Bhord Bia mar an t-iarratasóir ar a gcur chuige comhoibríoch i leith an tionscadail seo. Ba mhaith liom aitheantas a thabhairt freisin dár gcomhghleacaithe i dTuaisceart Éireann a d'oibrigh linn air seo toisc go bhfuil infheidhmeacht uile-oileáin ag an PGI agus bhí áthas orm a bheith páirteach le mo chomhghleacaí an tAire Andrew Muir dár seoladh ar an bhfeirm an mhí seo caite. Ciallaíonn stádas PGI go bhfuil tréithe uathúla sainithe anois ag Mairteoil Fhéarbheathaithe na hÉireann ar féidir iad a mharcáil ar lipéad na dtáirgí sin do thomhaltóirí."
Bhí an ócáid chun PGI Mairteoil Fhéarbheathaithe na hÉireann a chur chun cinn do thomhaltóirí ar siúl i Milano an tseachtain seo agus rinneadh ceiliúradh ar an ócáid de PGI Mairteoil Fhéarbheathaithe na hÉireann a bheith curtha ar an margadh den chéad uair. In éineacht leis an Aire in Milano bhí ionadaithe ón onnmhaireoir, ó Ghrúpa ABP chomh maith le hionadaithe ó chomhlachtaí feirme le hUachtaráin Fheirmeoirí Aontaithe na hÉireann, Francie Gorman agus Cumann Soláthróirí Bainne Uachtarlainne na hÉireann, Denis Drennan chomh maith le Jim O’Toole, POF Bhord Bia.
Ag labhairt dó ar an méid sin, dúirt an tAire
“Táim bródúil i gcónaí as scéal mhairteoil na hÉireann a insint cibé áit a dtéim go hidirnáisiúnta agus is cloch mhíle mhór í an seoladh seo san Iodáil chun na táirgí mairteola Éireannacha den scoth atá ar fáil a thaispeáint. Ní aon duine in ann an scéal seo a insint níos fearr ná na daoine a oibríonn ar ár bhfeirmeacha, na daoine a thógann ár n-ainmhithe agus a dhéanann próiseáil agus margú ar ár bhfeoil ardchaighdeáin a phróiseáil agus ba mhaith liom buíochas a ghabháil le John Walshe de chuid ABP, Francie Gorman de chuid Fheirmeoirí Aontaithe na hÉireann agus Denis Drennan de chuid Chumann Soláthróirí Bainne Uachtarlainne na hÉireann as a n-ionchur san imeacht seo. Tá diongbháilteacht roinnte anseo ar fud an Rialtais in éineacht le Bord Bia atá ar an láthair san Iodáil chun tacú lenár bpróiseálaithe agus feirmeoirí den chéad scoth ár dtáirgí iontacha a thaispeáint. Is tríd an gcur chuige comhchoiteann seo amháin a bheifear in ann luach a spreagadh d'earnáil mairteola na hÉireann. B'iontach an rud é a bheith in ann a léiriú an nádúr ón bhfeirm chuig an bhforc ceart atá ag mairteoil na hÉireann san Iodáil an tseachtain seo trí na táirgeoirí a fhad leis na próiseálaithe agus na margóirí ag insint a scéil i margadh iomaíoch. Táim ag tnúth le forbairt an táirge mairteola PGI agus a sheoladh ar mhargaí tábhachtacha eile a leanúint go dlúth in am trátha.
DEIREADH
Físeán ón Tásc Geografach faoi Chosaint (PGI) imeacht Mairteoil Fhéarbheathaithe na hÉireann in Milano na hIodáile le hamharc air. Ar fáil ach é a iarraidh: https://youtu.be/27PIDAy7YSk
Íomhá 1 - An tUasal Denis Drennan, Uachtarán, Cumann Soláthróirí Bainne Uachtarlainne na hÉireann, an tUasal Francie Gorman, Uachtarán, Feirmeoirí Aontaithe na hÉireann, an tUasal Giorgio Pellegrini, Uachtarán ar Butchers Association of Milan, agus an tAire Charlie McConalogue ag sonrú go bhfuil Mairteoil Fhéarbheathaithe na hÉireann (PGI) ar fáil ar sheilfeanna ollmhargaí na hIodáile níos luaithe inniu
Íomhá 2 - An tUasal Francie Gorman, Uachtarán, Feirmeoirí Aontaithe na hÉireann, an tUasal Fusar Poli Massimiliano, Ceannaitheoir Feola Deirge ag Esselunga , an tUasal Charlie McConalogue, an tAire Talmhaíochta, Bia agus Mara, Uasal Francesca Perfetto, Speisialtóir Margaidh, Bord Bia, an Iodáil, an tUasal Denis Drennan, Uachtarán, Cumann Soláthróirí Bainne Uachtarlainne na hÉireann
Nótaí d’Eagarthóirí
• Is é is aidhm do bheartas cáilíochta AE ainmneacha táirgí sonracha a chosaint chun a saintréithe uathúla a chur chun cinn, agus iad nasctha lena dtionscnamh geografach chomh maith le fios gnó traidisiúnta. Is féidir 'tásc geografach' (GI) a dheonú d'ainmneacha táirgí má tá nasc sonrach acu leis an áit ina ndéantar iad. Cuireann an t-aitheantas GI ar chumas tomhaltóirí muinín a bheith acu as táirgí ardchaighdeáin agus idirdhealú a dhéanamh eatarthu agus ag an am céanna cabhraíonn sé le táirgeoirí a dtáirgí a mhargú ar bhealach níos fearr.
• Ní mór don Roinn Talmhaíochta, Bia agus Mara comhlíonadh na sonraíochta táirge a fhíorú, sula gcuirfear an táirge ar an margadh.
• Is ainm é “Tásc Geografach faoi Chosaint” (PGI) a shainaithníonn táirge: (a) de bhunadh áit, réigiún nó tír ar leith; (b) a bhfuil a cháilíocht, a cháil nó a thréith eile ar leith inchurtha go bunúsach i leith a limistéir shainithe dhúchais; agus (c) ceann amháin ar a laghad de na céimeanna táirgthe a tharlaíonn sa limistéar geografach sainithe.
• Tá trí dheoch biotáille GI uile-oileáin cláraithe ag Éirinn freisin: Uisce Beatha na hÉireann, Uachtar na hÉireann agus Poitín na hÉireann.
• Faoi láthair tá naoi n-ainm cláraithe ag Éirinn ar tháirgí bia PDO/PGI - Bradán Oileán Chliara (PGI), Imokilly Regato (PDO), Putóg Dhonn Thigh Molaige (PGI), Uan Sléibhe Chonamara (PGI), Blaa Phort Láirge (PGI), Salann Sáile Oirialla (PDO), Mianraí Sáile Oirialla (PDO), Putóg Dhubh na Snadhma (PGI) agus Salann Mara Oileán Acla (PDO).