Preasráitis
Fáiltíonn an tAire McConalogue roimh an Lá ‘Cuir Stop le Cur Amú Bia’ 2022
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
Mheabhraigh an tAire Talmhaíochta, Bia agus Mara, Charlie McConalogue, T.D., tomhaltóirí inniu, an Lá ‘Cuir Stop le Cur Amú Bia’, smaoineamh go criticiúil faoin méid bia a chuirimid amú.
Dúirt an tAire McConalogue:
“Nuair a smaoinímid ar chur amú bia, ritheann an méid bia a chuirimid inár n-araidí dramhaíola linn. Ach ní smaoinímid i gcónaí ar an bhfáth go bhfuil sé á chur againn iontu. Glacaimis an t-am inniu chun smaoineamh faoin gceist sin agus cén bia a chuirimid amú, cé mhéid bia a chuirimid amú agus an fáth go gcuirimid amú é a thuiscint. Is féidir le gach duine againn oibriú i dtreo an méid bia a chuirimid amú a laghdú, agus cabhróidh sé sin linn, ar a uain sin, ár lorg carbóin a laghdú.”
Tá mar chuspóir ag Plean um Ghníomhú ar son na hAeráide na hÉireann cur amú bia a laghdú 50% faoin mbliain 2030. Tagann le sprioc amháin de Sprioc Forbartha Inbhuanaithe 12 na NA ‘an cur amú bia domhanda in aghaidh an duine ar leibhéal miondíola agus tomhaltóra a laghdú 50% agus caillteanais bhia a laghdú feadh na slabhraí táirgthe agus soláthair (caillteanais iarfhómhair san áireamh) faoin mbliain 2030’ agus le gealltanais na Físe don Bhia 2030 maidir le cur amú bia a laghdú.
Díríonn an Lá Stop a Chur le Cur Amú Bia ar ‘Fiúntas a Bhaint as Dátaí faoinar Cheart é a Úsáid’ leis an méid seo a leanas a chur in iúl do dhaoine:
Meastar gurb ionann an lorg carbóin a chruthaíonn cur amú bia agus 3.3 billiún tonna de CO2, arb ionann é agus astaíochtaí Gáis Ceaptha Teasa a scaoiltear isteach san atmaisféar sa bhliain. Gintear breis agus 1 milliún tonna de dhramhbhia gach bliain in Éirinn agus titeann an tríú cuid de sin amach inár n-áiteanna cónaithe.
Dúirt an tAire McConalogue chomh maith:
“Trínár gcur amú bia a laghdú, taispeánaimid dár bhfeirmeoirí, dár n-iascairí agus do tháirgeoirí eile bia freisin go léirímid luach ar a gcuid oibre agus ar an mbia sábháilte agus cothaitheach a n-oibríonn siad ó thús deireadh na bliana lena sholáthar.”
Clár é Stop a Chur le Cur Amú Bia atá á chistiú ag an nGníomhaireacht um Chaomhnú Comhshaoil faoin gClár Náisiúnta um Chosc na Dramhaíola ó 2009 ar aghaidh. Cuirtear sonraí ar fáil ar an láithreán gréasáin faoi bhia a ithe nó a reo a fhaide lena ‘dháta faoinar cheart é a úsáid’ agus is féidir leis seo airgead a shábháil agus cur amú bia a sheachaint; do shiopadóireacht a phleanáil; agus an tionchar comhshaoil a imríonn dramhbhia.
UN Sustainable Development Goal (SDG) 12 na Náisiún Aontaithe Ídiú agus Táirgeadh Freagrach - 17 SDGs. . Is í sprioc SFI 12 patrúin inbhuanaithe ídithe agus táirgthe a chinntiú agus cur amú bia domhanda a laghdú 50% faoin mbliain 2030
Food Vision 2030 (Misean 1, Sprioc 6), ar aon dul leis an ngealltanas sa Phlean Gníomhaíochta Dramhaíola, go n-oibreoidh an Roinn Talmhaíochta, Bia agus Mara le páirtithe leasmhara le Treochlár Náisiúnta Dramhbhia a fhorbairt ina leagtar amach sraith gníomhartha leis na laghduithe a sholáthar atá riachtanach lenár ndramhbhia in aghaidh an duine a laghdú 50% faoin mbliain 2030, aon spriocanna gaolmhara eile a bhaint amach, agus ár n-aistriú go dtí geilleagar ciorclach a chur chun cinn.