Preasráitis
Ráiteas ón bhFoireann Éigeandála Sláinte Poiblí Náisiúnta - Dé Domhnaigh, an 24 Eanáir 2021
Foilsithe
An t-eolas is déanaí
Foilsithe
An t-eolas is déanaí
Cuireadh an tIonad Faireachais um Chosaint Sláinte ar an eolas inniu ar 23 bás breise a bhaineann le COVID-19.
Tharla gach ceann de na 23 bás seo in Eanáir.
Is é 84 bliain meánaois na ndaoine siúd a fuair bás, agus is é an raon aoise idir 61 agus 99 bliain.
Tá 2,970 duine, ar an iomlán, tar éis bás a fháil in Éirinn go dtí seo a bhain le COVID-19.
Amhail meán oíche Dé Sathairn, an 23 Eanáir, cuireadh an IFCS ar an eolas ar 1,378 cás deimhnithe de COVID-19. Tá 187,554* cás deimhnithe, ar an iomlán, de COVID-19 ann anois in Éirinn.
(*Mar thoradh ar bhailíochtú sonraí a rinne an IFCS, rinneadh 8 gcás dheimhnithe a dhífhógairt. Léirítear é seo san fhigiúr 187,554 cás deimhnithe.)
As na cásanna a cuireadh in iúl inniu:
Amhail 2pm inniu, tá 1,931 othar COVID-19 san ospidéal, agus tá 218 astu siúd san aonad dianchúraim. Tugadh 44 duine sa bhreis go dtí an t-ospidéal le 24 uair an chloig anuas.
Dúirt an Dr Tony Holohan, an Príomhoifigeach Leighis:
"Cé go bhfuil dul chun cinn á dhéanamh againn de réir a chéile chun leibhéal an víris sa phobal a laghdú, tá sé thar a bheith tábhachtach go gcloímid go léir go daingean leis an gcomhairle sláinte poiblí i láthair na huaire. Níor cheart dúinn éirí réchúiseach in aghaidh an ghalair seo atá an-tógálach agus in aghaidh an bhaoil a chruthaíonn sé dúinn féin agus dóibh siúd is mó atá leochaileach ó thaobh cúrsaí leighis go dtiocfaidh an galar orthu.
"Tá an galar scaipthe go fairsing sa tír agus leanann an borradh atá tagtha le déanaí ar chásanna le brú gan choinne a chur ar aonaid dianchúraim, ospidéil agus seirbhísí cúraim sláinte túslíne eile. Is é réiteach na faidhbe ná an méid daoine a ndéanaimid teagmháil shóisialta leo agus tionóil shóisialta a laghdú i ngach suíomh, in ionaid oibre san áireamh.
"Ba cheart do dhuine ar bith ar féidir leis nó léi oibriú as baile, é sin a dhéanamh. I gcás daoine nach féidir leo oibriú as baile, tá sé bunriachtanach cloí leis an gcomhairle sláinte poiblí san ionad oibre, ar nós clúdaigh aghaidhe a chaitheamh nuair a shiúltar timpeall limistéir chomhchoiteanna. Spreagaimid na fostóirí go léir oibriú as baile a éascú a mhéid agus is féidir agus lena chinntiú go gcloítear go dian le bearta sláinte poiblí san ionad oibre."
Cuirtear eolas cothrom le dáta ar fáil ar Chlár Eolais COVID-19 ar phríomhtháscairí COVID-19 sa phobal.
CRÍOCH