Preasráitis
Ráiteas ón bhFoireann Náisiúnta Éigeandála Sláinte Poiblí - Dé hAoine an 20 Lúnasa 2021
Foilsithe
An t-eolas is déanaí
Foilsithe
An t-eolas is déanaí
Cuireadh 2,098* cás deimhnithe COVID-19 in iúl don Ionad Faireachais um Chosaint Sláinte inniu.
Amhail 8am inniu, tá 251 othar COVID-19 san ospidéal, agus tá 52 acusan san aonad dianchúraim.
Dúirt an Dr. Tony Holohan, Príomhoifigeach Leighis, an Roinn Sláinte:
"Don dara huair le seachtain, táimid ag tuairisciú os cionn 2,000 cás. Ní fhaca muid an líon seo cásanna ó dheireadh Eanáir 2021. Is léiriú imníoch é seo ar an leibhéal COVID-19 atá inár bpobail.
"Tá vacsaíní COVID-19 an-éifeachtach maidir le géarbhreoiteacht a chosc agus tá daoine á gcoinneáil amach as an ospidéal agus ón ionad dianchúraim acu. Cé gur féidir le daoine aonair atá vacsaínithe go hiomlán COVID-19 a tholg go fóill agus an víreas a scaipeadh chuig daoine eile, tá vacsaíní fós éifeachtach chun an riosca seo a laghdú go suntasach. Sin é an fáth go bhfuil sé ríthábhachtach go bhfaighidh an oiread daoine agus is féidir vacsaín i gcoinne an ghalair seo.
"Ní mór dúinn go léir a bheith airdeallach ar an mbaol go tolgfaimid COVID-19. Chun gach duine a chosaint agus chun an dul chun cinn atá déanta againn a chosaint, lean an chomhairle sláinte poiblí chun tarchur COVID-19 a theorannú.
"Má tá siomptóim COVID-19 agat cosúil le casacht, fiabhras, tinneas cinn, scornach tinn agus srón phlúchta nó smugach - aonraigh agus déan tástáil láithreach. Bí cúramach agus tú ag casadh le daoine eile trí mheasúnú riosca a dhéanamh agus bualadh le chéile amuigh faoin aer nuair is féidir. Coinnigh líon do theagmhálacha íseal agus seachain sluaite. Cuimhnigh, tá sé ceart go leor imeacht mura mbraitheann tú sábháilte."