Preasráitis
Tráchtann an tAire McConalogue ar an naoú cruinniú den Tascfhórsa Mairteola
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
Bhí an naoú cruinniú den Tascfhórsa Mairteola ar siúl Déardaoin 22 Aibreán.
Is cuid lárnach d’obair an Tascfhórsa iad trí thuarascáil chomhairleoireachta a coimisiúnaíodh ar shaincheisteanna trédhearcachta margaidh.
Foilsíodh an chéad dá thuarascáil a chuir Grant Thornton ar fáil, ar dhlí na hiomaíochta in earnáil na mairteola, agus ar shonraíochtaí agus riachtanais an mhargaidh, agus tá siad ar fáil ar shuíomh Gréasáin na Roinne.
Tá dréacht den tríú tuarascáil ar chomhdhéanamh praghsanna feadh an tslabhra soláthair curtha ar fáil do bhaill an Tascfhórsa le haghaidh barúlacha. Foilseofar an tuarascáil tar éis plé ag an gcéad chruinniú eile den Tascfhórsa, atá beartaithe go luath i mí an Mheithimh.
Dúirt an tAire Talmhaíochta, Bia agus Mara, Charlie McConalogue T.D.,
“Tá áthas orm a fheiceáil go gcuirfear na trí staidéar trédhearcachta margaidh a choimisiúnaigh mo Roinn i gcrích go luath. D'ainneoin na ndúshlán maidir le hinfhaighteacht sonraí ar feadh an tslabhra soláthair ar an leibhéal mionsonraithe is gá, feidhmeoidh na tuarascálacha seo mar phointe tosaigh tábhachtach chun trédhearcacht mhéadaithe a thiomáint agus soláthróidh siad na bunchlocha le haghaidh tuilleadh oibre ar thrédhearcacht, a thabharfaidh ar aghaidh í oifig nua an Ombudsman Náisiúnta Bia le bunú níos déanaí i mbliana. Beidh sainchúram ar leith ag an oifig sin maidir le tuairisciú agus anailísiú praghsanna. "
Lean plé mionsonraithe ar staid agus dearcadh reatha an mhargaidh ar chur i láthair ó Bhord Bia. Tugadh breac-chuntas freisin ar an dul chun cinn maidir leis na gníomhartha eile sa Chomhaontú Tascfhórsa Mairteola.
Cuirfear gach doiciméad a bhaineann leis an Tascfhórsa Mairteola lena n-áirítear miontuairiscí, nuair a bheidh sé críochnaithe, ar fáil ar shuíomh Gréasáin na Roinne: gov.ie - Beef (www.gov.ie)
CRÍOCH