Is éard atá i bhFógraí Mara ná fógraí eolais arna n-eisiúint ag an roinn chun poiblíocht a thabhairt d’eolas tábhachtach sábháilteachta, rialála agus eile a bhaineann leis an earnáil mhuirí in Éirinn.
Is féidir Fógraí Mara a roinnt i dtrí chatagóir:
- fógraí reachtúla - eisítear iad seo chun aird a tharraingt ar rialachán nó ar cheanglas dlíthiúil eile
- fógraí eolais - eisítear iad seo chun eolas a thabhairt maidir le cúrsaí neamhreachtúla amhail nósanna imeachta agus scrúduithe Oifig na Suirbhéireachta Muirí, foilseacháin, aisghairmeacha táirgí, foláirimh sábháilteachta agus fógraí eile tionscail
- fógraí oibreacha - eisítear iad seo chun eolas a thabhairt maidir le tógáil, oibreacha nó suirbhéanna ar an bhfarraige a d’fhéadfadh cur isteach ar chúrsaí loingseoireachta. Áirítear leis an catagóir seo láithriú baoithe agus barr tobair fhomhuirí ar chósta na hÉireann, chomh maith le fógra a thabhairt maidir le cleachtais raon lámhaigh
Más maith leat go bhfógróidh an Roinn Iompair, Turasóireachta agus Spóirt Fógra Mara, comhlánaigh an t-eolas riachtanach thíos agus seol ríomhphost chuig marinenotices@dttas.gov.ie tráth nach déanaí ná coicís roimh thús na n-oibreacha/an imeachta beartaithe.
