Cairt Chustaiméirí 2025 - 2027

Is é an Chairt Chustaiméirí seo ár ráiteas ar na leibhéil seirbhíse ar féidir lenár gcustaiméirí a bheith ag súil leo agus iad ag déileáil lenár roinn. Soláthraíonn an Plean Gníomhaíochta do Chustaiméirí tuilleadh eolais maidir leis an bPlean sin.

Táimid tiomanta don tseirbhís is tráthúla, is éifeachtaí agus is cúirteisí is féidir a sholáthar dár gcustaiméirí. Déileálfar go cothrom le gach custaiméir, agus déanfaimid gach iarracht a chinntiú go gcomhlíonann na seirbhísí a chuirimid ar fáil do riachtanais agus d’ionchais. Creideann an Roinn Talmhaíochta, Bia agus Mara gur cheart go mbeadh ionchas réasúnta ag gach custaiméir go n-éistfí leo, go dtuigfí iad agus go n-urramófaí iad. Ba cheart go mbeadh na hionchais chéanna ag baill foirne na Roinne freisin.

Is é an Chairt Chustaiméirí seo ár ráiteas ar na leibhéil seirbhíse ar féidir lenár gcustaiméirí a bheith ag súil leo agus iad ag déileáil linn agus leagann sí amach ár dtiomantas do sheirbhís ardchaighdeáin do chustaiméirí.

• Faisnéis chuimsitheach a sholáthar i bhformáid atá furasta le húsáid, ag baint úsáide as bealaí cumarsáide éagsúla, maidir lenár scéimeanna agus ár seirbhísí uile.
• An tseirbhís is fearr is féidir a sholáthar agus comhairle chabhrach a chur ar fáil do chustaiméirí.
• Spriocanna fíor agus indéanta a leagan síos maidir le seachadadh seirbhíse.
• Comhlíonadh na gceanglas rialála uile a chinntiú.
• Gach duine a chóireáil go cothrom, go neamhchlaonta agus le cúirtéis.
• Déanaimid ár ndícheall a chinntiú go gcoimeádtar cearta ár gcustaiméirí chun cóir chomhionann a thabhairt agus ár seirbhísí uile á seachadadh againn.
• Ag iarraidh freastal ar aon riachtanais speisialta a d'fhéadfadh a bheith ag ár gcustaiméirí.
• Dul i mbun oiliúna foirne bhríoch lena chinntiú go bhfuil an fhoireann cothrom le dáta agus ar an eolas faoi athruithe agus gníomhaíochtaí laistigh dá réimse oibre agus laistigh den eagraíocht.
• Dul i mbun oibre go réamhghníomhach lenár gcustaiméirí maidir le forbairtí nua do scéimeanna agus seirbhísí.

• Uimhreacha tagartha (e.g. uimhir tréada, uimhir chonartha foraoiseachta (CN), uimhir díoltóra etc.) a lua nuair a théann i dteagmháil linn faoi iarratas nó fiosrúchán atá ann cheana féin.
• Cuir uimhir theileafóin teagmhála lae agus seoladh ríomhphoist ar fáil i do chomhfhreagras, mar aon le seoladh poist iomlán lena n-áirítear d’Éirchód.
• Cuir faisnéis chruinn agus shoiléir ar fáil agus cuir isteach an doiciméadacht tacaíochta go léir is riachtanach.
• Seiceáil go bhfuil gach iarratas atá á chur isteach comhlánaithe go hiomlán agus go bailí ag an úsáideoir údaraithe.
• Cuir isteach iarratais in am trátha roimh dhátaí deiridh na scéime, agus faigh cruthúnas poist i gcás nach gcuirtear iarratas isteach tríd ár seirbhísí ar líne.
• Cinntigh go seoltar comhfhreagras chuig an seoladh ceart.
• Cuir muid ar an eolas maidir le haon athruithe a thagann ar do chúinsí a d’fhéadfadh tionchar a bheith acu ar d’iarratais (e.g. seoladh, uimhir theileafóin, uimhir mhóibíleach, seoladh ríomhphoist srl.).
• Freagraigh gach aon cheist nó iarratas ar aon fhaisnéis bhreise go pras chun tacú le hiarratais.
• Bí cúirtéiseach agus measúil agus tú i dteagmháil lenár bhfoireann.
• Cinntigh nach roinneann tú do shonraí logála isteach/cuntais Agfood le haon duine eile (tabhair faoi deara go bhfuil cuntas AgFood féin ag do Ghníomhaire Talmhaíochta, ní gá dóibh rochtain a fháil ar do chuntas féin).

Cinnteoimid go gcuirfear an fhaisnéis thábhachtach go léir ar fáil trí shuíomh gréasáin na Roinne. Ina theannta sin, cuirimid réimse leathan seirbhísí ar líne ar fáil trí acmhainní ar líne lena n-áirítear MyAgFood.ie agus an Breathnóir Ceadúnas Foraoiseachta.

Tá liosta iomlán de na seirbhísí a chuirtear ar fáil trí MyAgFood.ie ar fáil anseo. Táimid tiomanta do fheabhsú breise a dhéanamh ar an tairseach ar líne le haghaidh seirbhísí mar chuid den Chairt Chustaiméirí agus den Phlean Gníomhaíochta.

• Déanfar ríomhphoist a bhfuil freagra ag teastáil uathu a admháil, a mhéid is féidir, laistigh de 1 lá oibre ón dáta a bhfaightear iad.
• Eiseofar freagra iomlán i dteanga shimplí laistigh de 20 lá oibre ón dáta arna fáil.
• I gcás nach féidir é seo a dhéanamh, eiseofar freagra eatramhach laistigh de 10 lá oibre ón dáta a fhaightear é, ina mbeidh sonraí teagmhála an duine a bheidh ag déileáil leis an gcomhfhreagras agus an dáta ar féidir a bheith ag súil le freagra iomlán.
• Ba chóir ainm an teagmhálaí, an seoladh poist (lena n-áirítear Éirchód), uimhir theileafóin teagmhála agus seoladh ríomhphoist a áireamh i ngach comhfhreagras ríomhphoist.
• A mhéid is féidir, úsáidfidh an fhoireann uile freagraí ríomhphoist uathoibrithe nuair a bheidh siad lasmuigh den oifig ina mbeidh eolas ar fáil faoi theagmhálaithe malartacha.

• Freagróidh ár bhfoireann d’fhiosrúcháin teileafóin go pras agus go béasach.
• Cuirfidh an fhoireann a n-ainm iomlán agus ainm na Rannóige ar ghlaoigh tú uirthi in iúl duit.
• Bíonn ár línte teileafóin ar oscailt idir 9.15am – 12.45pm agus 2.00pm go 5.00 pm i rith na seachtaine. Féadfar cuid dár n-oifigí beaga a bheith dúnta le linn am lóin
• Déanfaimid iarracht do cheisteanna a fhreagairt láithreach. Más gá do ghlao a aistriú, cuirfear ar an eolas thú faoin gcúis agus faoin duine nó faoin rannóg dá n-aistreofar do ghlao.
• Más mian leat cead a thabhairt do theagmhálaí ainmnithe gníomhú thar do cheann i gcás gach fiosrúcháin a bhaineann leis an Roinn, ba chóir foirm DAFM Auth 4 a chomhlánú. Tá an fhoirm ar fáil ar shuíomh gréasáin na Roinne agus ar an suíomh gréasáin Agfood.ie.
• Úsáideann an Roinn córas Bainistíochta Caidrimh le Custaiméirí (BCC) chun tacú le deasca cabhrach seirbhíse do chustaiméirí agus seirbhís fheabhsaithe, éifeachtach agus éifeachtúil á seachadadh acu. Leis an gcóras seo cuirtear léargas comhtháite aonair ar fáil don duine atá ag déileáil leis an gceist ar chustaiméir, trí chomhéadan a dhéanamh le raon córas agus sreafaí sonraí atá ann cheana féin sa Roinn agus tá sé comhtháite le córas teileafónaíochta na Roinne, Cisco Finesse.

• Déanfar comhfhreagras a admháil laistigh de 3 lá oibre.
• Freagrófar comhfhreagras i dteanga shoiléir shimplí laistigh de 20 lá oibre.
• I gcás nach féidir é sin a dhéanamh, eiseofar freagra eatramhach chugat laistigh de 10 lá oibre ina mbeidh sonraí teagmhála an duine a bheidh ag déileáil le do chomhfhreagras agus an dáta ar féidir leat a bheith ag súil le freagra iomlán.
• Má bhaineann do chomhfhreagras le hábhar a thagann faoi chúram comhlachta phoiblí eile, cuirfimid an comhfhreagras chuig an gcomhlacht sin agus cuirfimid ar an eolas thú dá réir.

• Déileálfar le cuairteoirí ar an Roinn go cúirtéiseach, go héifeachtúil agus go pras le linn dóibh cuairt a thabhairt ar ár n-oifigí poiblí.
• Socrófar cruinnithe, nuair is féidir, ag am a oireann duit agus ní choinneoimid tú ag fanacht gan chúis.
• Déanfaimid gach iarracht i gcónaí a chinntiú go ndéantar gnó go príobháideach agus, nuair is féidir, cuirfimid seomraí cruinnithe príobháideacha ar fáil chun do cheist a phlé.
• Déanfaimid iarracht do cheisteanna a fhreagairt go hiomlán. Mura féidir linn é sin a dhéanamh tráth do chuairte, déanfaimid socruithe chun glaoch ort nó scríobh chugat más fearr leat.
• Cinnteoimid go gcomhlíonfaidh ár n-oifigí caighdeáin sláinte agus sábháilteachta ceirde agus Rochtain Uilíoch a mhéid is féidir go réasúnta.

Creidimid gur cheart go mbeadh ionchas réasúnta ag gach custaiméir go n-éistfí leo, go dtuigfí iad agus go n-urramófaí iad. Ba chóir go mbeadh na hionchais chéanna ag baill foirne na Roinne. Déantar formhór mór na n-idirghníomhaíochtaí le custaiméirí ar bhealach socair, réasúnta agus measúil. Mar sin féin, ó am go chéile, d’fhéadfadh líon beag custaiméirí iompar ar bhealach atá míréasúnta agus doghlactha.

Cad is cumarsáid mhíréasúnta ann?

Ceanglaítear ar fhoireann na Roinne éisteacht le custaiméirí, déileáil leo go cothrom agus freagra a thabhairt ar cheisteanna ar bhealach atá gairmiúil, measúil agus cúirtéiseach. E sin ráite níl sé réasúnta go nglacfaidh baill foirne le hiompar ó aon duine atá maslach, bagrach, imeaglach, bacach nó a mheastar a bheith ina bhulaíocht. Ina theannta sin, níor cheart don fhoireann glacadh le cumarsáid a thógann méid díréireach ama nó acmhainní mar gheall ar a minicíocht nó a cineál.

Tá Beartas um Iompar Míréasúnta i bhfeidhm ina leagtar amach conas a dhéileáiltear le cumarsáid mhíréasúnta den sórt sin.

Leanfaimid orainn de chustaiméirí a chur ar an eolas mar is ceart faoi fhorbairtí suntasacha ar bhealach réamhghníomhach trí bhealaí éagsúla, lena n-áirítear tríd ár suíomh gréasáin, bealaí meán sóisialta, seirbhís téacs agus trí na meáin áitiúla agus náisiúnta. Cinnteoimid go gcuirfear faisnéis chuimsitheach ar fáil dár gcustaiméirí i bhformáid atá éasca le húsáid.

Inrochtaineacht

Baineann inrochtaineacht le rochtain, ar bhonn comhionann, ar an timpeallacht fhisiciúil, ar fhaisnéis agus ar chumarsáid, lena n-áirítear teicneolaíochtaí agus córais faisnéise agus cumarsáide, agus ar áiseanna agus seirbhísí eile atá oscailte don phobal nó ar fáil don phobal, chun daoine faoi mhíchumas a chumasú chun maireachtáil go neamhspleách agus páirt iomlán a ghlacadh i ngach gné den saol.

Cinnteoimid go mbeidh ár n-oifigí agus ár seirbhísí inrochtana do dhaoine faoi mhíchumas. Is iad Oifigigh Rochtana agus Fiosrúcháin atá ceaptha i gcomhréir leis an Acht um Míchumas, 2005 an pointe teagmhála do dhaoine faoi mhíchumas agus tá siad freagrach as cúnamh agus treoir a sholáthar, a shocrú agus a chomhordú maidir le seirbhísí rochtana a sholáthraíonn ár n-oifigí.

Más féidir, bheimis buíoch asat dá dtabharfá fógra roimh ré faoi aon riachtanais rochtana sonracha a d'fhéadfadh a bheith ag teastáil uait ionas gur féidir linn na socruithe riachtanacha a dhéanamh roimh do chuairt.

Comhionannas i dtaobh na Teangacha Oifigiúla

Is é aidhm Acht na dTeangacha Oifigiúla úsáid na Gaeilge i ngnóthaí poiblí a chur chun cinn agus a chinntiú go n-úsáidfidh Comhlachtaí Poiblí an Gaeilge agus iad ag déanamh cumarsáid leis an bpobal agus ag soláthar seirbhísí dóibh. Tá an Roinn tiomanta don sprioc seo agus dár n-oibleagáidí faoi Acht na dTeangacha Oifigiúla, 2003 agus Acht na dTeangacha Oifigiúla (Leasú), 2021 a chomhlíonadh.

Cuirimid fáilte roimh thuairimí agus moltaí maidir le gach gné dár seirbhísí. Cuirfear muid ar ár gcumas dá réir ár seirbhísí a fhorbairt d’fhonn do riachtanais a chomhlíonadh go críochnúil agus freastal ort níos fearr. Cuir do thuairimí, do bharúlacha agus do mholtaí in iúl dúinn trí ríomhphost a chur chuig qualityserviceunit@agriculture.gov.ie.

I gcás nach bhfuil tú sásta le caighdeán na seirbhíse do chustaiméirí a fuair tú agus nach féidir an cheist a réiteach chun do shástachta leis an mball foirne lena raibh tú ag plé agus ina dhiaidh sin leis an Oifigeach Sinsearach atá i gceannas ar an réimse iomchuí, is féidir leat gearán foirmiúil a dhéanamh leis an Aonad um Cháilíocht Sheirbhíse.

Tá sonraí faoi conas gearán seirbhíse do chustaiméirí a dhéanamh ar fáil ar ár suíomh gréasáin.

Tá sásraí achomhairc inmheánacha agus seachtracha ag gabháil le gach scéim de chuid na Roinne ar féidir leas a bhaint astu mura bhfuil iarratasóir sásta le toradh iarratais ar scéim. Tá sonraí maidir le conas achomharc a chur isteach ar fáil i ngach téarmaí agus coinníollacha scéime.

Táimid tiomanta go hiomlán dár n-oibleagáidí reachtúla a chomhlíonadh i ndáil leis an Rialachán Ginearálta maidir le Cosaint Sonraí, Comhionannas, Saoirse Faisnéise agus Rochtain ar Fhaisnéis faoin gComhshaol, Sonraí Oscailte, Nochtuithe Cosanta, Tús Áite do Leanaí, Brústocaireacht Oifigiúil, Íocaíochtaí Pras Cuntas agus Sábháilteacht, Sláinte & Leas ag an Obair. Más rud é go bhfuil iarratas ar fhaisnéis á dhéanamh agat faoi cheann de na bealaí rochtana reachtacha seo, cuir an oiread faisnéise agus is féidir ar fáil i d’iarratas le cabhrú lenár bhfoireann cabhrú leat le d’iarratas.

Saoráil Faisnéise

Is féidir iarratais ar Shaoráil Faisnéise a dhéanamh trí theagmháil a dhéanamh leis an Aonad um Shaoráil Faisnéise trí ríomhphost ag freedomofinformation@agriculture.gov.ie. Déanfaimid gach iarracht an oiread eolais agus is féidir a chur ar fáil duit go neamhfhoirmiúil lasmuigh de théarmaí an Achta.

Sonraí Oscailte

Táimid tiomanta do raon na faisnéise ar an tairseach Sonraí Oscailte a leathnú.

Is féidir iarratais ar Shonraí Oscailte a chur isteach chuig opendata@agriculture.gov.ie

Rochtain ar Fhaisnéis faoin gComhshaol

Is féidir iarratais ar rochtain ar Fhaisnéis faoin gComhshaol a dhéanamh freisin trí theagmháil a dhéanamh leis an Aonad um Shaoráil Faisnéise trí ríomhphost ag freedomofinformation@agriculture.gov.ie.

Cosaint Sonraí

Glacaimid do phríobháideacht agus cosaint do shonraí pearsanta go han-dáiríre. Déileálfar go slán agus go rúnda le haon fhaisnéis phearsanta a thugann tú go deonach i gcomhréir leis na hAchtanna um Chosaint Sonraí,l 1988-2018 agus an Rialachán Ginearálta maidir le Cosaint Sonraí (GDPR) agus Ráiteas Príobháideachais na roinne.

Iarratais Rochtana Ábhair

Is féidir Iarratais ar Chosaint Sonraí/Rochtain ar Ábhair Sonraí a dhéanamh trí theagmháil a dhéanamh leis an Aonad um Chosaint Sonraí trí ríomhphost a chur chuig data.protection@agriculture.gov.ie nó is féidir leat an teimpléad ar an leathanach gréasáin seo a chomhlánú chun cabhrú leis na hiarratais seo.

Tá struchtúir an-fhorbartha i bhfeidhm le haghaidh comhairliúcháin le raon leathan comhlachtaí ionadaíocha, lena n-áirítear eagraíochtaí tionscail, i gcomhthéacs scéimeanna a fhaigheann tacaíocht ó íocaíochtaí ó CERT (Ciste Ráthaíochta Talmhaíochta na hEorpa) agus ó CETFT (Ciste Talmhaíochta na hEorpa um Fhorbairt Tuaithe), agus i ndáil le forbairt beartais agus cúrsaí rialála.

Comhaontaíodh spriocanna seachadta seirbhísí faoi Chairt um Chearta na bhFeirmeoirí, 2023-2027 i gcomhairle leis na hEagraíochtaí Feirmeoireachta. Mar thoradh ar an bpróiseas seo, socraíodh spriocanna soiléire inaitheanta agus indéanta maidir le seachadadh seirbhíse agus seirbhís ardchaighdeáin do chustaiméirí. Is féidir le feirmeoirí tagairt a dhéanamh do Chairt um Chearta na bhFeirmeoirí chun tuilleadh eolais mhionsonraithe a fháil maidir le rátaí íocaíochta, rátaí cigireachta agus spriocanna sonracha eile atá bunaithe ar scéimeanna. Déanfaidh coiste monatóireachta faoi chathaoirleach neamhspleách lena n-áirítear ionadaithe ó na heagraíochtaí feirmeoireachta agus oifigigh na Roinne monatóireacht ar sheachadadh seirbhísí.

Cinntíonn an Roinn go bhfuil rannpháirtíocht na bpáirtithe leasmhara mar chuid de gach mórthionscadal a dhéantar agus tá sí tiomanta do leanúint de bheith ag plé lenár gcustaiméirí agus lenár bpáirtithe leasmhara chun a chinntiú go leanann feabhas ar thaithí an chustaiméara agus go gcuirtear an t-aiseolas a fhaightear san áireamh.