Ó An Roinn Breisoideachais agus Ardoideachais, Taighde, Nuálaíochta agus Eolaíochta
Foilsithe
Éifeachtach ó
An ciorclán roimhe seo: 003/2023
Ciorclán 001 /2024: Athbhreithniú ar Phá d’Earnáil an Ardoideachais le héifeacht ón 1 Eanáir 2024
Circular 001/2024: Revision of Pay in the Higher Education Sector with effect from January 2024
With effect from 1 Jan 2024
**Chuig: Ollscoileanna Teicneolaíochta, Institiúidí Teicneolaíochta, Ollscoil na hÉireann, Acadamh Ríoga na hÉireann, Coláiste Oideachais Mhuire gan Smál, an Coláiste Náisiúnta Ealaíne agus Deartha agus
Coláiste San Aingeal.**
Is mian leis an Aire Breisoideachais agus Ardoideachais, Taighde, Nuálaíochta agus Eolaíochta na hInstitiúidí Ardoideachais a chur ar an eolas faoi rátaí athbhreithnithe tuarastail agus liúntas le haghaidh baill foirne shonracha le héifeacht ón 1 Eanáir 2024 i gcomhréir le "Comhaontú na Seirbhíse Poiblí 2024-2026".
Ba cheart na coigeartuithe pá a chur i bhfeidhm, de réir mar is iomchuí, ón 1 Eanáir 2024.
Leagtar amach scálaí tuarastail athbhreithnithe le héifeacht ón 1 Eanáir 2024 in Aguisín 1 atá i gceangal leis seo.
Leagtar amach sa chiorclán seo méaduithe pá atá dlite an 1 Eanáir 2024 dá bhforáiltear faoi ‘Comhaontú na Seirbhíse Poiblí 2024-2026’. (Tá na rátaí seo leagtha amach sna hAguisíní atá i gceangal leis seo)
Ba cheart na coigeartuithe a shlánú go dtí an euro is gaire ar scálaí pá bliantúla agus go dtí an cent is gaire ar na scálaí pá seachtainiúla. Ba chóir rátaí in aghaidh na huaire a shlánú go dtí an €0.01 is gaire.
Chun amhras a sheachaint, ba cheart d’Institiúidí Ardoideachais a bheith soiléir go bhfuil feidhm ag na rátaí pá athbhreithnithe a leagtar amach anseo maidir leis an bhfoireann ábhartha uile in institiúidí ardoideachais, lena n-áirítear foireann a íoctar in aghaidh na huaire, faoi ‘Comhaontú na Seirbhíse Poiblí
2024-2026’.
I gcomhréir le roinn 3.1 den Chomhaontú athbhreithnithe, méadófar méid bliantúlaithe an bhuntuarastail faoi 2.25% nó €1,125, cibé acu is mó, le héifeacht ón 1 Eanáir 2024.
Ba cheart íocaíocht i leith ragoibre arna thabhairt an 1 Eanáir 2024 nó dá éis ag baill de ghráid lena mbaineann an ciorclán seo a ríomh faoi threoir na rátaí pá athbhreithnithe le héifeacht ón 1 Eanáir 2024.
Ba cheart préimhrátaí pá is iníoctha i leith an 1 Eanáir 2024 nó ina dhiaidh sin a ríomhtar mar chéatadán sonrach nó mar chion sonraithe den bhuntuarastal a ríomh trí thagairt a dhéanamh do na rátaí pá athbhreithnithe le héifeacht ón 1 Eanáir 2024.
Déanfar liúntais i bhfoirm pá lena mbaineann an ciorclán seo a mhéadú 2.25% ón 1 Eanáir 2024.
Ba cheart lamháltais a ríomhtar mar chéatadán sonrach nó mar chuid shonraithe den bhunphá a ríomh faoi threoir na rátaí pá athbhreithnithe le héifeacht ón 1 Eanáir 2024.
Comhaontaíodh prionsabal na paireachta pá i méaduithe pinsin le haghaidh scéimeanna atá ann cheana go dtí deireadh an 30 Meitheamh 2026, i gcomhréir le Comhaontú na Seirbhíse Poiblí 2024-2026. Ba cheart méaduithe ar phinsin a chur ar aghaidh de réir an bheartais sin.
Déantar pinsin na Scéime Pinsean Seirbhíse Poiblí Aonair (‘Scéim Aonair’) a mhéadú de réir an Innéacs Praghsanna do Thomhaltóirí (CPI), faoi réir treoracha ar leith ón Roinn Caiteachais Phoiblí agus Athchóirithe. Dá bhrí sin, ní dhéanfar pinsin Scéime Aonair in íocaíocht i leith iarsheirbhísigh phoiblí a
d’fhóin i ngráid lena mbaineann an ciorclán seo a choigeartú faoi threoir na nathbhreithnithe ar an mbunphá a leagtar amach i Roinn 3.
Tá tuilleadh eolais d’údaráis phinsin maidir le conas na riaráistí seo a chur i bhfeidhm le fáil i gcuid 7 de Chiorclán Seachadta agus Athchóirithe na Roinne Caiteachais Phoiblí agus Athchóirithe 04/2024 agus ba chóir aon fhiosruithe a thagann chun cinn a chur díreach chuig pensions@per.gov.ie.
Cinntigh go gcuirfear ábhar an Chiorcláin seo in iúl do gach ball foirne ábhartha i d’fhostaíocht, lena n-áirítear iad siúd atá ar saoire neamhláithreachta.
Ba cheart aon cheisteanna nó fiosruithe maidir leis an gCiorclán seo a chur ar aghaidh trí ríomhphost chuig ESR_HEI@dfheris.gov.ie nó, i gcás inarb infheidhme, a ardú le hAonaid Acmhainní Daonna áitiúla.
Tá an ciorclán seo ar fáil freisin ag gov.ie/circulars .
Andrew Conlon
Príomhoifigeach
Caidreamh Foirne Seachtrach
April 2024