Poist pholasaí
An Ciste um Athghiniúint agus Forbairt Tuaithe
Ó An Roinn Forbartha Tuaithe agus Pobail
Foilsithe
An t-eolas is déanaí
Ó An Roinn Forbartha Tuaithe agus Pobail
Foilsithe
An t-eolas is déanaí
Is ionann an Ciste um Athghiniúint agus Forbairt Tuaithe agus tiomantas €1 billiún ón rialtas le hinfheistiú i gceantair thuaithe na hÉireann thar an tréimhse 2019 go 2027.
Tacóidh an Ciste le poist a chruthú i gceantair thuaithe, tabharfaidh aghaidh ar bhánú na tuaithe agus tacóidh le feabhas a chur ar bhailte agus ar shráidbhailte ina bhfuil daonra de níos lú ná 10,000, agus ar cheantair imeallacha.
Tá cistiú tosaigh de €315 milliún á leithdháileadh don chiste ar bhonn céimnithe thar an tréimhse 2019 go 2022.
Is é cuspóir an chiste tacaíocht a thabhairt do thionscadail chomhordaithe agus chomhtháite idir ranna rialtais, gníomhaireachtaí Stáit, údaráis áitiúla, comhlachtaí poiblí eile agus pobail áitiúla agus sa chás gur cuí, lucht cistithe dhaonchairdiúil agus/nó an earnáil phríobháideach, ag a mbeidh tionchar ar gheilleagar inbhuanaithe agus ar fhorbairt sóisialta i gceantair thuaithe.
Cuirfear maoiniú ar fáil trí phróiseas tairisceana iomaíoch.
Tabharfar cuireadh chun tairisceana d’Údaráis Áitiúla agus d’eagraíochtaí eile atá lonnaithe go háitiúil/go réigiúnach, ar nós Cuideachtaí Forbartha Áitiúla chomh maith le Ranna Rialtais agus Gníomhaireachtaí Stáit. Chun críocha na cuntasachta agus na maoirseachta, beidh comhlacht atá maoinithe ag an Stát mar comhpháirtí stiúrtha i ndáil le gach tionscadal ach spreagfar comhoibriú leis an earnáil phríobháideach.
Féadfar tairiscintí a chur isteach maidir le bailte le daonra de 10,000 nó níos lú agus do cheantair imeallacha. Beidh líon teoranta bailte atá sainithe le daonra de 10,000 nó níos lú incháilithe do thacaíocht faoin gCiste um Athghiniúint Uirbeach a bheidh á fheidhmiú ag an Roinn Tithíochta, Pleanála agus Rialtais Áitiúil; is faoi chiste amháin, áfach, a chuirfear maoiniú ar fáil d’aon tionscadal ar leith.
Le tuilleadh faisnéise a fháil, déan Leabhrán RRDF a íoslódáil. Tá liosta tionscadail a bhfuil maoiniú faighte acu go dtí seo le fáil anseo.