Dréachtóir Parlaiminte - Grúpa 4

Tá Margaret ina ról reatha ó 2014 agus tá sí i gceannas ar fhoireann de shaindhréachtóirí reachtacha, Grúpa 4, d’Oifig na nDréachtóirí Parlaiminte don Rialtas. Dréachtaíonn an grúpa reachtaíocht phríomha, lena n-áirítear leasuithe ar an mBunreacht, agus reachtaíocht thánaisteach áirithe don Roinn Fiontar, Turasóireachta agus Fostaíochta, don Roinn Gnóthaí Eachtracha, don Roinn Sláinte, agus don Roinn Coimirce Sóisialaí.

I measc na réimsí oibre tá reachtaíocht a bhaineann le dlí na gcuideachtaí, dlí na hiomaíochta, intleacht shaorga, sonraí agus seirbhísí digiteacha agus eadránú chomh maith le meabhairshláinte, dlí atáirgthe agus ábhair eile a bhaineann leis an tsláinte, rialachán maidir le clárú uathoibríoch pinsean agus dlí na fostaíochta.

Is comhalta í de Choiste Reachtaíochta an Rialtais, atá faoi chathaoirleacht an Phríomh-Aoire, agus tuairiscíonn sí don Choiste maidir le reachtaíocht a thagann faoina réimse freagrachta.