Preasráitis
Tá sé fógartha ag an Aire Humphreys go bhfaighidh 650,000 teaghlach íocaíochtaí méadaithe Sochar Linbh an tseachtain seo
Foilsithe
An t-eolas is déanaí
Foilsithe
An t-eolas is déanaí
Tá sé fógartha ag an Aire Coimirce Sóisialaí, Heather Humphreys, go n-íocfar €100 breise in aghaidh an linbh in Íocaíochtaí Sochar Linbh amárach (Dé Máirt) chun tacú le 650,000 teaghlach leis an gCostas Maireachtála.
Ciallaíonn an tacaíocht bhreise go n-íocfar €240 in aghaidh an linbh an mhí seo i leith breis agus 1.2 milliún leanbh.
Beidh Íocaíochtaí Sochair Linbh beagnach €300 milliún san iomlán le fáil i gcuntais bhainc na dteaghlach amárach, Dé Máirt 6 Meitheamh.
Tá na híocaíochtaí méadaithe Sochar Linbh mar chuid de phacáiste beart a d’aimsigh an tAire Humphreys i mí Feabhra agus tá siad sa bhreis ar an €2.2 billiún de thacaíochtaí dá bhforáiltear i mBuiséad 2023.
Agus í ag labhairt inniu, dúirt an tAire Humphreys:
“Tá áthas orm a fhógairt go bhfaighidh thart ar 650,000 teaghlach €100 breise in aghaidh an linbh ina n-íocaíochtaí Sochar Linbh an tseachtain seo chun tacú leo leis an gcostas maireachtála.
“Is tacaíocht ioncaim ríthábhachtach é Sochar Linbh a théann i bhfeidhm ar na céadta míle teaghlach díograiseacha.
“Tuigim go maith na deacrachtaí atá ag teaghlaigh faoi láthair maidir lena gcuid billí a íoc.
“Agus mar sin, tá áthas orm a dhearbhú go bhfuil na rialacháin comhshínithe agam in éineacht leis an Aire Caiteachais Phoiblí, Seachadta agus Athchóirithe an PFN Paschal Donohoe, a chuirfidh an méadú €100 seo i bhfeidhm.
“Beidh an íocaíocht bhreise sochair linbh seo i gcuntais bhainc daoine ó amárach. Leanann sé an Íocaíocht Costas Maireachtála €200 i mí Aibreáin, a thug tacaíocht do 1.3 milliún pinsinéir, cúramóirí, daoine faoi mhíchumas agus teaghlaigh oibre.
“Gheobhaidh tuismitheoirí a fhaigheann an Liúntas Éadaí agus Coisbhirt don Scoilbhliain Nua €100 sa bhreis do gach leanbh an samhradh seo freisin.
“Léiríonn an pacáiste beart seo, chomh maith leis an €2.2 billiún de thacaíochtaí a fuarthas mar chuid de Bhuiséad 2023, ár dtiomantas leanúnach chun aghaidh a thabhairt ar an gcostas maireachtála méadaithe a bhíonn ar theaghlaigh.”
Íocaíocht mhíosúil €140 do gach leanbh is ea Sochar Linbh.
Íoctar é le teaghlaigh a bhfuil leanaí acu i leith gach linbh cháilithe suas go dtí 16 bliana d’aois.
Leanfar den íocaíocht a íoc i leith leanaí go dtí a 18ú breithlá má tá siad in oideachas lánaimseartha nó má tá siad faoi mhíchumas.
| Contae | Líon na dteaghlach a fhaigheann Sochar Linbh |
| An Clár | 15,097 |
| Corcaigh | 72,264 |
| An Cabhán | 10,763 |
| Ceatharlach | 9,014 |
| Dún na nGall | 21,316 |
| Baile Átha Cliath | 172,283 |
| Gaillimh | 33,772 |
| Cill Dara | 34,810 |
| Cill Chainnigh | 11,691 |
| Ciarraí | 19,136 |
| An Longfort | 5,976 |
| Lú | 20,718 |
| Luimneach | 26,521 |
| Liatroim | 4,418 |
| Laois | 11,670 |
| An Mhí | 30,645 |
| Muineachán | 8,332 |
| Maigh Eo | 16,659 |
| Uíbh Fhailí | 10,530 |
| Ros Comáin | 8,161 |
| Sligeach | 8,348 |
| Tiobraid Árann | 21,636 |
| Port Láirge | 16,768 |
| An Iarmhí | 13,429 |
| Cill Mhantáin | 21,359 |
| Loch Garman | 21,817 |