Róil
An Rúnaí Cúnta, Rannán um Ghnóthaí na Breataine agus Thuaisceart Éireann
Foilsithe
An t-eolas is déanaí
Foilsithe
An t-eolas is déanaí
Is éard atá sa Rannán um Ghnóthaí na Breataine agus Thuaisceart Éireann ná dhá aonad a oibríonn le chéile chun tacaíocht a thabhairt don Taoiseach agus don Rialtas maidir le hathmhuintearas a chothú agus caidrimh ar oileán na hÉireann agus idir an Bhreatain agus Éire a fhorbairt.
Oibríonn an t-aonad um Ghnóthaí na Breataine agus Thuaisceart Éireann chun tacaíocht a thabhairt don chomhoibriú Thuaidh/Theas agus é a fheabhsú, agus chun caidrimh idir an Bhreatain agus Éire a chur chun cinn agus a neartú, lena n-áirítear caidrimh leis na rialtais dhéabhlóidithe. Comhordaíonn sé freisin an Coiste Comh-Aireachta ar an mBreatimeacht agus Tuaisceart Éireann.
Tacaíonn an t-aonad le hobair an Taoisigh agus an Rialtais, in éineacht le rialtas na Breataine, mar chomhráthóirí Chomhaontú Aoine an Chéasta agus a institiúidí. Áirítear orthu sin, go háirithe, tacaíocht a thabhairt do rannpháirtíocht an Taoisigh sa Chomhairle Aireachta Thuaidh/Theas agus Comhairle na Breataine-na hÉireann mar phríomhinstitiúidí de Chomhaontú Aoine an Chéasta, chomh maith le gealltanais Dheich mBliana Nua, Cur Chuige Nua a chur i bhfeidhm.
Tacaíonn an tAonad um Oileán Comhroinnte le gealltanais an Rialtais a chur i bhfeidhm maidir le hobair a dhéanamh le gach pobal agus traidisiún ar an oileán chun comhdhearcadh a chothú maidir le todhchaí chomhroinnte ar an oileán le Comhaontú Aoine an Chéasta mar bhonn agus thaca aige. Tá an t-aonad ag iniúchadh na ndálaí polaitíochta, sóisialta, eacnamaíocha agus cultúir maidir le todhchaí chomhroinnte áit a bhfuil an meas céanna ar gach traidisiún. Áirítear le hobair an aonaid tacaíocht a thabhairt do ghealltanais maidir le hoileán comhroinnte a bhaint amach i gClár an Rialtais, idirphlé ionchuimsitheach a chothú agus taighde maidir le todhchaí chomhroinnte a choimisiúnú. Oibríonn an t-aonad i ndlúthchomhar le ranna rialtais eile agus téann sé i dteagmháil leis an tsochaí shibhialta ar bhonn ionchuimsitheach ar an oileán ó Thuaidh agus ó Dheas. Tá tuilleadh eolais maidir le tionscnamh an Oileáin Chomhroinnte ar fáil undefined anseo.