Seirbhís
An Clár Caipitiúil Spóirt
Ó An Roinn Turasóireachta, Cultúir, Ealaíon, Gaeltachta, Spóirt agus Meán
Foilsithe
An t-eolas is déanaí
Osclóidh an Clár Caipitil agus Treallaimh Spóirt le haghaidh iarratas ag a 9rn ar Dé Luain 17ú Iúil 2023 go dtí 5in ar Dé hAoine 8ú Meán Fómhair 2023. Is é 5in ar Dé hAoine 25ú Lúnasa 2023 an spriocam le haghaidh clárúcháin.
Féach ar an Treoir maidir le hIarratas a Dhéanamh 2023, thíos. Má tá tuilleadh cabhrach de dhíth ort, téigh i dteagmháil le SportsCapitalProgrammes@tcagsm.gov.ie
Is é an Clár Caipitiúil Spóirt an príomh-mheán lena dtugann an Rialtas tacaíocht do shaoráidí spóirt agus aclaíochta áineasa agus do cheannach trealamh spóirt neamhphearsanta ar fud na tíre. Is iad seo a leanas cuspóirí an chláir:
- cabhrú le heagraíochtaí deonacha agus pobail, le comhlachtaí náisiúnta rialaithe spóirt, le húdaráis áitiúla agus le Boird Oideachais agus Oiliúna agus scoileanna chun saoráidí ardchaighdeáin, inrochtana, sábháilte, dea-dheartha, inbhuanaithe a fhorbairt in áiteanna iomchuí agus trealamh iomchuí a chur ar fáil chun rannpháirtíocht sa spórt agus i gcaithimh aimsire fhisiciúla a uasmhéadú
- tús áite a thabhairt do riachtanais ceantair agus grúpaí faoi bhuntáiste (amhail daoine faoi mhíchumas) maidir le saoráidí spóirt a chur ar fáil
- comhroinnt saoráidí spóirt a spreagadh idir clubanna, eagraíochtaí pobail agus comhlachtaí náisiúnta rialaithe spóirt
Is tionscnaimh de chuid Éire 2040 – An Tionscadal é an Clár Caipitiúil Spóirt www.gov.ie/2040.
Níl ann ach bealach amháin chun iarratas a dhéanamh ar dheontas faoin gClár Caipitiúil Spóirt; is é sin tríd an suíomh gréasáin OSCAR.
Ligeann OSCAR do ghrúpaí féachaint ar dheontais agus íocaíochtaí a fuarthas cheana, sonraí teagmhála a athrú, íocaíochtaí deontais a lorg agus cumarsáid a dhéanamh ar líne leis an Roinn.
Sula ndéanann eagraíocht iarratas ar dheontas, ní mór dóibh clárú ar OSCAR An Clár Caipitiúil Spóirt - Treoir maidir le Clárú
Seoltar fógra uathoibríoch chuig eagraíochtaí cláraithe uile nuair a osclaítear babhta eile den chlár le haghaidh iarratas.
Chun tuilleadh eolais a fháil maidir le hiarratas a dhéanamh:
- Léigh an 2020 treoir maidir le conas iarratas a dhéanamh
- Feach ar ár dtreoirfhíseán maidir le hiarratas a dhéanamh
- Íoslódáil foirm iarratais 2018 anseo
I ndiaidh gach babhta den Chlár Caipitiúil Spóirt, tugtar faoi athbhreithniú ar mhaithe le feabhas a cur ar an bpróiseas. Is féidir teacht ar an Athbhreithniú a rinneadh ar bhabhta 2017 den Chlár Caipitiúil Spóirt anseo.
Tá eolas ar fáil sna Treoirlínte Measúnaithe 2018 maidir leis an mbealach a ndéantar na hiarratais a mheas - déanfar na treoirlínte a nuashonrú i ndáil le gach babhta nua den Chlár Caipitiúil Spóirt
Seoladh Ríomhphoist: SportsCapitalProgrammes@tcagsm.gov.ie
Tá sraith de threoracha scríofa ag an Roinn chun cabhrú le deontaithe ceadú foirmiúil agus airgead a ndeontas a fháil:
Is féidir féachaint ar Leithdháiltí uile faoin gClár Caipitiúil Spóirt go dtí seo.
Is féidir teacht ar shonraí na n-íocaíochtaí faoin gClár Caipitiúil Spóirt anseo.
Is ceanglas den Chlár Caipitiúil Spóirt go gcaithfidh trealamh agus saoráidí arna maoiniú faoin gClár a bheith inrochtana do dhaoine faoi mhíchumas. Caithfidh na tionscadail chaipitiúil go léir na 7 bprionsabal den dearadh uilíoch a chomhlíonadh.
Tá an roinn tar éis treoir a ullmhú maidir le trealamh aclaíochta inrochtana.
Má tá tuilleadh eolais uait, tá Cara - Sport Inclusion Ireland tar éis bileoga eolais acmhainne a chruthú maidir le conas do shaoráidí, trealamh agus gníomhaíochtaí spóirt a dhéanamh inrochtana do dhaoine faoi mhíchumas.
Mas maith leat tuilleadh eolais a fháil maidir leis an gClár Caipitiúil Spóirt, déan teagmháil linn mar seo a leanas:
An Clár Caipitiúil Spóirt
| Uimhir Ghutháin | Contae | |
| 085 8768033 | An Clár, Maigh Eo, Laois | |
| 085 8583055 | Corcaigh, Luimneach | |
| 085 8583211 | Ciarraí, Muineachán | |
| 085 828 5752 | An Cabhán | |
| 085 8768032 | Dún na nGall, An Longfort | |
| 085 800 1753 / 085 801 2824 | Baile Átha Cliath | |
| 085 8583102 | Gaillimh, Lú, An Iarmhí | |
| 085 8805606 | Cill Dara, Tiobraid Árann, Ros Comáin, Sligeach, Liatroim | |
| 085 8583303 | Cill Chainnigh, Uíbh Fhailí | |
| 085 8050190 | An Mhí | |
| 085 7479404 | Tionscnaimh Réigiúnacha agus Náisiúnta | |
| 085 7479404 | Tionscadail na gCoistí Rialaithe Náisiúnta | |
| 085 8583088 | Port Láirge, Cill Mhantáin, Ceatharlach | |
| 085 8583059 | Loch Garman | |
| 085 801 2824 / 085 800 1753 | Na húdaráis áitiúla uile |
Má tá do chlub nó eagraíocht spóirt ag fáil talún nó foirgnimh, ag forbairt saoráidí nó ag ceannach trealaimh daingnithe neamhphearsanta le haghaidh gníomhaíochtaí spóirt, nó ag aisíoc iasachta i ndáil le ceann ar bith de na cúiseanna thuasluaite, tá foráil déanta san Acht Comhdhlúite Cánacha 1997 gur féidir le comhlachtaí spóirt faoiseamh cánach a fháil i leith chostas an tionscadail ar thabhartais ar bith arna dtabhairt ag daoine aonair nó ag comhlachtaí. Is scéim de chuid na gCoimisinéirí Ioncaim í seo agus is í an Rannóg Caipitiúil Spóirt a cheadaíonn na tionscadail.
